[align=center]أعزائي شعراء وأعضاء مضايف شمر
أصافحكم بالمشاركة الثانية اللتي أتمنى ان تنال استحسانكم وتتشرف بمصافحة أذواقكم في هذا المنتدى الرائع
منظر كئيب !
[poem=font="Simplified Arabic,4,white,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
ياخوك همي هم .. وجروحي جروح = وشلون ابنسى .. والليالي .. جروحي !؟
ضايق وانا من زايف الوقت .. مجروح = ومن لوعة الايام .. عايش بروحي
ماودي احكي عن همومي .. ولاابوح = إلا ّ لولي العرش .. سدي وبوحي
تخنقني العبرة .. على صوت مبحوح = واكنّها دمعه .. بعيني .. تفوحي
واحسها دله على جمر .. وتفوح = وتذوب من حر المعاليق .. روحي
هذي المواجع احسبه يوم وتروح = أثر المواجع لا لفت ... ماتروحي
حتى بنت في خافقي .. برج وصروح = عن قمتي .. ماسولفت لك سفوحي !
والنوح من نوح اليمامة .. على الدوح = محد ٍ عرف ليه اليمامة .. تنوحي !
مدري طرب وإلا ّ من احزانها .. تنوح = ياقيس قم ياقيس ! واصدح بدوحي !
قصة مثيرة في جسدها نفث روح = ياللعجب .. كم كنت فيها .. لحوحي !
طفل ٍ حياته لعب وصراخ ومزوح = واليوم جد الجد .. مابه مزوحي
أرسم والوّن صورتي لون مفتوح ! = والقى غموضي .. في ملامح وضوحي !
عجزت ابفهم .. قصتي درس مشروح = غايه تبدد .. في مداها .. طموحي
كلي طلاسم غامضة بوجه مفضوح = وآصد عن عين ... الفطين الفضوحي
دقتني الايام .. مسمار في لوح = لين ارتكز ... مسمارها .. وسط لوحي !
دنيا ظلام .. وليل .. مابيّح البوح = والصبح في شمسه .. بخيل .. وشحوحي
شفت الفرح في ساحة الحزن مذبوح ! = منظر كئيب ! بحالة الذل يوحي !
لاتسألوني ليه ؟ وشلون ؟ وشنوح ؟! = حتى أنا مدري ! ولاابصر .. ولا اوحي !
ياخوك همي هم ! وجروحي جروح = وشلون الملم بالليالي ... جروحي !؟ [/poem]
عبدالمحسن الشاهر[/align]
رد مع اقتباس
المفضلات