[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
(( حايليه ))
السوالف .. لو نسولف .. سرمديه = قلت اقوله ماعلّي .. من الملام
أن حكينا بالحروف .. الابجديه = كنها الغيمه مثل وبل .. الغمام
لا تغنت سامريه .. سامريه = قلت ابــــ ... كتبها ولا فيها كلام
حايليه .. حايليه .. حايليه = حايليه .. وشمريه .. ياسلام
في غنجها .. في دلعها .. حاتميه = هزني له .. هزني شوق وغرام
لعنبو ذيك العيون النرجسيه = أشهد انه هي غرامي .. والهيام
وأشهد أنه مثل ليلى العامريه = وأشهد أنه موت في تاج .. وسام
وأشهد أنه مثل سم بناب حيه = وأشهد أنه لا مشت مثل الحمام
أيه أقوله شمريه .. شمريه = من آجا .. وأجبال سلمى .. والعصام
حايليه لعنبوها .. وأجوديه = من هل الفزعات .. وأربوع(ن) حشام
ولو أسولف بالحروف الابجديه = ماتشح وهاجسي مثل الغمام
شعر /
خليف الجهيلي[/poem]
مشرف مضيف الترحيب والتعارف
المفضلات