السلام عليكم ورحمة الله وبركاته
اهداء الى عموم قبيلة شمر قصيده كتبها اخ رمز لنفسه ((بالاديب)) فبارك الله فيه :
[poem=font="Simplified Arabic,5,white,normal,normal" bkcolor="black" bkimage="" border="double,4,burlywood" type=0 line=0 align=center use=ex num="0,black"]
الألف ، ألـف أهـلا وسهـلا وترحيـب=وارجو السموحه مـن جميـع اللواعيـب
عنـد الطنايـا منقـع الجـود والطيـب=بـدا السبـاق وصفّـت الهجـن والخيـل
أهـدي سـلامـي للـرجـال الكـرامـا=واللـي يجـي بعـدي معـاه الزمـامـا
خـلـو قمـرنـا يكتـمـل بالتمـامـا=مدحـن وتوجيهـن ونصـح وتماثـيـل
أمـرن مـن السكبـه نجيـب القـوافـي=ابشر بنظم(ن) مـن هـل الشعـر وافـي
مافيـه منقـودن عـن الغـث صـافـي=يعجبك نظمـه مـا يجـي فيـه تمييـل
أرجو من اللـي يشتـرك يتبـع الـدرب=حرف(ن) ورا حرف(ن) كما مشية السرب
يتلون بعض بوجهـة الشـرق والغـرب=شدو على البـل وكربـو حزمكـم حيـل
أكثـر عـدد سبعـة بيوت(ن)بتحـديـد=ممكن نزيد ليـا بغـا الشخـص تمديـد
مـن خاطـر الشعـار هلّـت عناقـيـد=منظومت(ن) مـا جابـت القـال والقيـل
أديبـكـم ينـخـا جـمـوع النشـامـا=نقّـو مـن الملفـوظ عــذب الكـلامـا
حـذراك هرجـك لايجـي بـه ملامـا=نبـي نشـوف افعالـكـم يالحلاحـيـل
أخذت انـا الهمـزه وصـارت نصيبـي=عسـى ليـا منـا رميـنـا نصيـبـي
والـراي يخطـي صاحبـه أو يصيبـي=واطلب مـن المولـى يجيـب التساهيـل
الباء ، بسمك سرينـا ياعزيـز الجلالـي=انكمـل المنظـوم بحـسـن وجمـالـي
صغتـه مـن الياقـوت وحلـو المثالـي=وتحيـة(ن) منـي لجـمـع الفطاحـيـل
بيـت العـلا مايوصلـه كـل رجــال=ودرب الـردى مايسلكـه طيـب الفـال
ومن يصنع المعروف يجـزى بالامثـال=ومن بذرتـه زينـه تزيـن المحاصيـل
بحـر الكـرم والجـود لشمـر مـزايـا=وحنـا شـروق المجـد جـزال العطايـا
وحنـا نجـود الجـود وحنـا الطنـايـا=والذيـب يشبـع لاعـوى تالـي الليـل
بأفعالنـا بالحـرب ترعـب ،، تروعـي=وحنـا الفخـر لاخضبـن الجمـوعـي
مـن شفنـا بالحلـم لزومـن يفـوعـي=شمـر مقابيـس المنايـا هـل الخـيـل
التـا ، تعاهدنـا بـحـزم(ن) وتوكـيـد=إنـا نشيـد صرحنـا خـيـر تشيـيـد
ياعزنـا مـا دامـت الإيــد بـالإيـد=بالخطـوه الأولـى بـدت رحلـة الميـل
تاريخنـا مـن عهـد الأجـداد حـافـل=فخـر(ن) لنـا يزهـي بكـل المحافـل
تشهـد لنـا الصحـرا ودرب القـوافـل=والجـار يشهـد والحـدب والمعامـيـل
ترا التواصي بيـن الأصحـاب مطلـوب=والكبر من طبـع البشـر شـر مركـوب
راعي الشرف ماعذربـه رقعـة الثـوب=مادام عرضـه مـا حكـي بـه بترذيـل
تــم الـجـواب وربـنـا نستعيـنـه=فـي ساعـة الشـده وعيـنـي بعيـنـه
وحـذراك مـن شـر النفـوس اللعينـه=اللـي تــورّد صاحـبـه للتهـاويـل
(الثـا) ثمـان سنيـن صبْـر المهـادي=مـا مثـل فعلـه بالحضـر والـبـوادي
واليسر عقـب العسـر حكمـن وكـادي=ياتيـك مـن عقـب المعاسـر تساهيـل
ثوب الصخا غطى علـى كـل عـذروب=وولد الردي يقْصـر ليـا حـل ماجـوب
ومن شق جيب الناس شقـو لـه جيـوب=كمـا تديـن تـدان بالـوزن والكـيـل
ثقـل العقـول تـوردك خيـر مـورود=وخـف العقـول تـوردك كـل منقـود
ما ينعثـر شخـص(ن) تمشيـه بركـود=انجز لزومـك بيـن ركضـن وتمهيـل
ثـم احتـمـل زلــة رفيـقـك إذا زل=خلـك وسيـع البـال لاتهجـر الـخـل
عقايـد الأحبـال تلـقـى لـهـا حــل=والهجر زرعه ما يجـي منـه تحصيـل
(الجيم ) جارك واكرم الجـار وان جـار=الجار قبـل الـدار ، لـه حـق ووقـار
واسـدل يمينـك لا تنصـوك خـطـار=جزل العطايـا مـن جـزال الرجاجيـل
جمّل كلامك واختبـر عـذب الألفـاظ=واحفظ لسانـك لا تحـدث بالأعـراض
العرض ثم العرض مـا عنـه معتـاض=خلك حريـص واعـي الفكـر حلحيـل
جسر المـوده بيـن الاخـوان موصـول=العيـب وارد لكـن الـعـذر مقـبـول
نسيانـك الزلـة مـن شيمـة الفـحـول=خويـك الصاحـب بالـعـدل والمـيـل
جـوّد كلامـك لا توسطـت بـرجـال=كلـن عطـه قـدره يـا طيـب الفـال
و العبـد عبـد وراعـي الخيـل خيـال=واصبر على الشدات واصبر على الشيـل
الـحـاء حـبـك لـلإلـه الوحـيـدي=خلـك مطيـعٍ لـه ثـوابـك يـزيـدي
وحب الرسـول اللـي كلامـه سديـدي=وكـل الصحابـة زيدهـم بالغـلا حيـل
حـل المعاسـر لا تحلـيـت بالصـبـر=اصبر ولازم بعـد عسـر يجـي يسـر
يالله ياللـي ترسـل المـزن والقـطـر=صبـر عبـادك عنـد ظلـم الرجاجيـل
حكِّـم دماغـك بالغـضـب لاتعـجـل=والحـق قولـه كلمتـه مــا تخـجـل
واعمل وكسبـك أجـر يكتـب مسجـل=الشغـل عـزه للفـحـول الحلاحـيـل
حسّـن كلامـك واتركـوا سـيء اللفـظ=وخلك كتـوم السـر ثـم احفظـه حفـظ
وخلـك رحيـم القلـب لا تشبـه الفـظ=واعمـل بفعلـك لـو تقـول الاقاويـل
حاول تفـرج عـن اخـو الديـن كربـه=ثـم استـر الـزلات فـي كـل دربـه
واثقـل وخلـك دايـم الــدوم سكـبـه=والزم عبـادات الضحـى وتالـي الليـل
(الخـا )خويـك ون ظهـر منـه زلـه=سامـح وطبـع الخـل يسمـح لخـلـه
ودرب تجـي منـه العـذاريـب خـلـه=لاتصحبـون أهـل العقـول المهابـيـل
خطو الولـد مثـل المـزون المراديـف=دايـم نفـوعـه للـربـوع الموالـيـف
وللصاحـب الغالـي وللجـار والضيـف=لامن حصل لـك ماتبـي عنـه تبديـل
خمس الفرايـض والسعـد يـوم صليـت=وصوم رمضان وكثـرو حجـة البيـت
وابشـر بربحـك كـان للمـال زكيـت=والديـن ديـن الله ولا عـنـه تحـويـل
خلـك بمجـلاسـك قلـيـل الكـلامـا=إن كنـت بوجـود الكـبـار الحشـامـا
تـزداد بقـلـوب الجمـاعـه مقـامـا=ون جـا مجالـك هـات علمـك بتدليـل
(الــدال ) درب المرجـلـه لاتخلـيـه=واللـي هقـا بـك لاتخيّـب هقـاويـه
وحرص على اللـي عامراتـن قهاويـه=عليـه طلقـيـن الـشـوارب مداهـيـل
دوّر علـوم أهـل الكـرم والـفـوارس=كسابـت الطـولات أهــل النـوامـس
انشـد وتلقـى ،، والمجالـس مــدارس=فيهـا العـلـوم الوافـيـه والتعالـيـل
دَلالـك عيالـك يــورّدك الأهــلاك=خل الولد فـي زيـن الأطبـاع يتـلاك
ولـو زعلـت أمـه لاتخليـه يــالاك=شوف ( بركات ) اللي وصاتـه تماثيـل
در البحر يصعـب علـى كـل كسـلان=والمال عزك لـو بـدا جفـو الاخـوان
والناس ما ترويـك لاصـرت عطشـان=والحـر ماياكـل فـتـات التفاضـيـل
الــذال ذنـبـك عاجـلـه بستتـابـه=كـم واحـدن أخـطـى وزل بشبـابـه
يغفـر لنـا رب(ن)عـزيـزن جنـابـه=واعمالنـا تحصـى عليـنـا بتسجـيـل
ذل ، وتذلـل بـيـن اديــن الكـرامـا=أمـك وبــوك الوالـديـن الحشـامـا
لهـم مـن الطـاعـه عليـنـا لـزامـا=واللي عصـى الآبـاء موعـود بالويـل
ذمـك وهرجـك بالقفـا يافتـى عيـب=طبـع الحريـم اللـي تجيـب العذاريـب
استر من الـزلات واذكـر مـن الطيـب=ترا الخوي عنـد الـوزا يحمـل الشيـل
ذيب الخـلا صـاد الفرايـد مـن الشـاه=اللـي تباعـد عـن خـواتـه تعـشـاه
واللـي مـع الرعيـان بالقـرب ماجـاه=لو هـي مـن عـداد الشيـاه المهازيـل
(الراء) رتب كلامك لايجي فيـه منقـود=متخيـرن زيـن المعانـي عـن الـزود
ترى كثيـر الهـرج مـا يجلـب الفـود=أفعـل وتشهـد للنشـامـا الرجاجـيـل
راع النظـر والفكـر وأعـرف تناسـب=لاشفـت مـن نـاسٍ أمـور(ن) تناسـب
وأظفـر بنـت الديـن تلقـي المكاسـب=ولا الـردي بنتـه تجـيـب البهـاذيـل
رب الولد بالطيـب يجنـي لـك الطيـب=وعلمـه أمـور المرجلـه والمواجـيـب
وخله عزيـز النفـس ذيـبٍ ولـد ذيـب=لـك الثمـر يجنـى بطيـب المحاصيـل
رافـق رفيـق(ن) وافيـات(ن) حسانـه=ترى الخوي يـا حسيـن مثـل الأمانـه
وماهـو خـوي اللـي يعجْبـك لسانـه=مير الخـوي اللـي يعدْلـك عـن الميـل
الـزاي زيّــن بالمجـالـس لسـانـك=بالصـدق والتثبيـت يــزداد شـانـك
تـرى لسانـك قالـوا انـه حصـانـك=حكمـة تفيـد النـاس جيـل ورا جيـل
زيـف الكـلام احـذر تقـرّب حواليـه=خسران مـن باعـه وخسـران شاريـه
فـي دنيتـك يجلـب عليـك المشاريـه=وتعيش مـا تحسـب حسـاب المشاكيـل
زلّــة صديـقـك لا تـهـد العـلاقـة=اعـرف حقـوق وواجبـات الصـداقـة
خلـك وسيـع البـال عـنـدك ليـاقـه=تفوز فـي صحبـة هـل البـن والهيـل
زور الجماعـة والقرابـة والأصـحـاب=إسأل عن الزعـلان واللـي معـه غـاب
خلّـك مواصـل دوم لا تسكّـر البـاب=حتـى ولوهـم يقطعـون المراسـيـل .
(السين)سامح مـن ظهـر منـه تقصيـر=تـرا السموحـه مـن طبـوع المناعيـر
واذكـر خويـك عقـب فرقـاه بالخيـر=مـا كـل صاحـب كاملـن بالتكاميـل
سـر الخـوي حـذراك لايظهـر السـر=يا ما تسبـب كشـف الأسـرار بالشـر
كم كلمة جابـت علـى صاحبـه ضـر=يكتـب علـى المخلـوق كـل الأقاويـل
سهم الهوى صـاب المتيـم بالاعطـاب=لاطـق بـاب القلـب لاتفتـح الـبـاب
واستذكرو ( هـذا بـلا بـوك ياعقـاب)=نهاركـم ياهـل الهـوى يشبـه اللـيـل
سيّـر علـى اللـي قنّـن الهيـل والبـن=مجالسـن يطـرب لهـا البـال ويحـن
واعرف (ترا سـن اللبـن يشلعـه سـن)=مـن حكمـة الأجـداد خـوذ التماثـيـل
(الشين) شبولنا نار(ن) وزيـدوا الحطبيـا=نحمـس عليهـا البـن مصفـف منقيـا
ودقه بنجر(ن) مـن سمـع كـود يجيـا=وللنـار شبـوا وبهـرولـي المعامـيـل
شبـه لربعـن مـرويـة جـمـع دلاق=وأحمس لهم مـن صافـي البـن مـالاق
فـي مجلسـن مافيـه شينيـن الأخـلاق=فيـه الكـلام الزيـن وحلـو التماثـيـل
شيـل الكـذب عنّـك وغيـر طبوعـه=خلك صدوق ،، ودونـه الكـذب زوعـه
كم كذبتن جابت علـى الشخـص لوعـه=والكـذب حِـرم وصاحبـه لـه تنكيـل
شل الـذي صامـت عـن الحـق كتـم=لاصـار عنـده وافـي العـلـم مـاتـم
والحـق يظهـر وباقـي الجـرح يلتـم=والشمس تظهر وتنجلـي ظلمـت الليـل
((الصاد)) صادق صاحبك زين الأخـلاق=عذب الكلام اللي له الصـدر مـا ضـاق
واعرف ترى الأنجـاس للشـر تشتـاق=وخـوذ اللبيـب وخـل عنـك المهابيـل
صعـب تخـاوي مـن كـذب واللعينـا=وحتى الـردي مـا جـاب فـاده علينـا
وسيِّـر ومـن خفـف زيـاره فطيـنـا=وصادق صديقـك دون زيـفٍ وتمثيـل
صلـوا فرايضكـم وصومـوا رمضـاني=واعمل ولا تنطـر يجـي شغـل ثانـي
اعمـل تـرى ماتفيـد كثـر الأمـانـي=وخلك صـدوقٍ واتـرك القـال والقيـل
صيد المعـادن داخـل قلـوب هالنـاس=واعرف إذا هو كـان فضـة او نحـاس
((وطير الحبارى يذهل العيـن قرنـاس))=ولا تنخدع وابعـد عـن العيـب والميـل
( الضاد ) ضيفـك لـه معـزة وتقديـر=احـذر يبيّـن منـك للضيـف تقصيـر
النـاس تذكـر نـاس بالشـر والخيـر=تجـارب الدنـيـا ســوات التحالـيـل
ضبّـط حيـاتـك تستـريـح وتهـنّـا=ملـزوم تعـرف ويـش مطلـوب منّـا
لا تعيـش ضايـع فـي حياتـك تعنّـا=الطيـش والفوضـى تجيـب الغرابـيـل
ضاعف من المجهود فـي خدمـة الديـن=عليـك بالدعـوة تـرى النـاس لاهيـن
احرص على نهج السلـف وانتبـه زيـن=يـا كثـر شفنـا بالمذاهـب مداخـيـل
ضمن الوصايـا لازم أوصيـك بالعلـم=اطلبـه ، لا تظلـم تـرى تركتـه ظلـم
حقيقـة وواقـع مهـو طيـف أو حـلـم=اللـي يحـوزه حـاز حدبـن مصاقيل
(الطا ) طنايـا وانشـدو كـل الأجيـال=تاريـخ ربعـي كاسبيـنـه بالافـعـال
ياعيـال نبغـي مجـد الأجـداد ياعيـال=نطـرب ليـا ذكـرت بوقـت التعاليـل
طبع(ن) لهم ريف المساييـر والضيـف=زايـد كرمهـم كالمـزون المـراديـف
أهـل القلـوب الصافيـات الموالـيـف=أعجـز ليـا جبـت المواقـف بتفصيـل
طـرا علـى قلـبـي فعـولـن قـدامـا=مثـل الشلاقـي مـع هشيـم العظـامـا
والذيـب حصّـل مـن عشيـره طعامـا=عقب العوا جـاه العشـا طيـب الحيـل
طيـر السعـد غنـا بوقـت الحـرايـب=بسيوفهـم كـم روضـو كـل خـايـب
فكاكـت الأزمـات وقــت النشـايـب=ابشـر بعـزك لاتثاقـل بـك الشـيـل
الظـاء) ظـام الوقـت فينـي وأظـلـم=وانـا معـه راضـي بحكمـه مسـلـم
راضــي بحـكـم الله وداري وأعـلـم=مـافـاز بالدنـيـا مــدور تعالـيـل
ظلمـا وكـل النـاس فيهـا ينـولـون=مـدور الخيـرات ومــدور الـعـون
واللي سعى لجـل البشـر عنـه يـدرون=كلـن يـنـول بدنيـتـه دون تعلـيـل
ظلمـات قبـر الظالـم يزيـد ظلـمـه=لامـن غـدى وسطـه وعلّمـه جرمـه
ماعـاد وقتـه ينفعـه غـيـر سلـمـه=واللـي عمـل للاخـره بآخـر اللـيـل
ظميـان يامـن يسقـي الظـام رشـفـا=ويسد جوعه ومـن شقـا الوقـت يشفـا
ويغنيه عـن وجـه المـلا وقـول تكفـا=ظميان من حسن العمـل والظمـا حيـل
(العين) عظايم التاريخ سِجّـل لنـا دور=بالجود والمعـروف سدنـا لنـا دهـور
من حاتم الطائي لنـا صيـت كالنـور=متوارثيـن الطيـب جيـلٍ بعـد جيـل
عبدالكريم اللي بـه الطيـب موصـوف=ليا قال خوذو أبشـر بعـز مضيـوف
هو الكرم ،، أصل الكرم ،، فيه معروف=يجود للحايـف ويضاعـف لـه الكيـل
عـز(ن) تدفـق فـي أفعالـك تغـنـا=بسمـك تـعـلا يالجـنـازه علمـنـا
بارض الصريـف جبـال دكـه وفنـا=أربع طعش بيرق نسفهـن كمـا السيـل
عاداتنـا للضـيـف مـالـه مثـالـي=مـن دمنـا نرويـه بوقـت المحالـي
تضرب بنـا الامثـال ،، ولله الكمالـي=حنا هـل اللحيسـه رجالـن حلاحيـل
عفـنـا الطـعـام ولقبـونـا طنـايـا=امـا النصـر والا هــلا بالمنـايـا
وأفعالنـا بالحـرب مـاهـي خفـايـا=انشد ترى يجاوبـك عصـر الاهاويـل
الغين غابت كثير من المواقف والافعـال=وحنـا رسـوخٍ كننـا ذيـك الاجبـال
فينـا السيـوف المايلـه وميلـة عقـال=الله خلقـنـا للمـواقـف مشـاكـيـل
غايـة منانـا رايـة الطـيـب فيـنـا=وليـا دعانـا المـوت يمـه مشيـنـا
حـنـا الطنـايـا باللـقـا لا طنيـنـا=شمّر نورّد مـن بقـا مـن نهـر ويـل
غلبـا ضياغـم لابـة الطيـب شمـر=فينـا اصالـة ساسنـا مــا تتـدمّـر
تاريخنـا منـا علـى الـعـز عـمّـر=ولاكل من هو يبغي الفـوق لـه طيـل
الفـاء فعايلنـا ..مـن اول اليـا اليـوم=ماتنهـزع ماتنهـزع.. دايـم الــدوم
من فعلنا ..ياما انهزم.. قوم مـع قـوم=واليا اختلط.. عج الاصايل.. حلاحيـل
" فعل الطنايا فوق " حافـل. بالامجـاد=من غير قاصر .. بالقبايـل والاجـواد
حنا الصخى، حنا الكرم، حنـا الاسيـاد=غصبن ..على الزعلان ..واللي مغاليـل
(فعل الشريف) اللـي غزانـا قصفنـاه=من غير "راس اغـلا عيالـه" قطعنـاه
وتسعـة مرابـط عنـد شمـر كسبنـاه=ولايجحده.. ياكـود نـاس(ن) مهابيـل
فعايـل الابـطـال يبـقـى سجـلـه=وشهودنا .. قصيدتـة يـوم يـوم حلـه
مـن فعلنـا قفـاء هزيـل(ن) بغـلـه=اغـلاء رجالـه فـاقـده يالمشاكـيـل
فينـا شمـوخ و عالـي المجـد نرقـاه=نرقـاء علـى "متـن الفخر"وانتـعـلاه
درب المهونـه والــرداء مامشيـنـاه=المجـد فيـنـا يفتـخـر والمعامـيـل
فينا" ابو خوذه . والجنـازة . ومفتـاح"=صوارم(ن) .. هزو ..جموع بلا سـلاح
افعالهـم تزهـا .. لهـا كـل الامـداح=ماقلتهـا كـذب(ن) وزور وتهـاويـل
فينـا ومنـا "كـل صنـديـد" مـنـا=شبـرم وهايـس ..فزعـة اللـي تمنـا
(وصعب صعب) زبن الضعيف المجنـا=مزبان من .. ذاق القهر واتعبـه حيـل
فالشعـر . لـو اجلـس .لعـد الطنايـا=اتعب قبـل ..مانهـي جميـع الزوايـا
مـن كثـر مافينـا رجـال(ن) دهايـا=اقولهـا "سـر وجهـر" دون تضلـيـل
فعـل الطنايـا .. للقصايـد .. دفعنـي=واحظرت قاف(ن) يطرب اللي سمعنـي
تحاضبن عنـدي .. وجـن واجمعنـي=وقمت اتخير .. مـن جزيـل التماثيـل
فديتكم واعطيـت.. للغيـر انـا القـول=(وشعار شمر) فيهـم الطيـب وفحـول
الكـل منهـم يفهـم العلـم ويـطـول=((وانا من اصغرهم)) ولانـي بحلحيـل
(القـاف ) قيفـان القصيـده تغـنـت=بفعالنـا يــوم المصاقـيـل رنــت
كـم مـن خيولـن بالمياديـن كـنّـت=يومن لقـت ربعـي رماحـه مراسيـل
قبـر الـعـدا بسيوفـهـم حافريـنـه=درب الشجـاعـه لابـتـي عارفيـنـه
يازيـن ردات القضـا قـبـل حيـنـه=ويازيـن لامـن طوحـن الهلاهـيـل
قالـو عليهـم ،، واطلـقـو للاعـنـه=يامـا حــلا تخضيبـهـم للأسـنـه
كــل الضـوامـي وردن وارتـونـه=خلـو نحـور القـوم دمـه شخالـيـل
قاسيـن بالهيجـا ، بـوقـت البـلايـا=وبالسلـم للعـانـي كـبـار العطـايـا
تفنـى الليالـي ... والطنايـا طنـايـا=شوف النجـوم ولابتـي كنهـا سهيـل
((الكـاف)) كــلٍ بالطنـايـا تغـنـا=اسـمٍ بذكـره كــل شــيءٍ تحـنـا
بالمجـد والتـاريـخ تـبـدع بفـنـا=اهل الكـرم مـن دون زيـفٍ وتمثيـل
كل الفخر والمجـد مـن ورث الأجـداد=صغنا بتاريخ العـرب كسـب الأمجـاد
مـن فعلنـا تفخـر بنـا أمـة الضـاد=بالجـود والفرسـه وكسـب التنافـيـل
كـرو عليـهـم والمنـايـا تحـوفـي=بسيوفهـم كـم فرقـو مـن صفوفـي
صفـت لهـم ليـن اشربـو بالكفوفـي=بالحرب كـن جموعهـم طيـر أبابيـل
كلمة ( طنا ) للجـود والطيـب نبـراس=لاحـل ذكـر أفعالـه ترفـع الــراس
للضيف ريف ،، وبالمعاسيـر فـراس=كم نكلو مـن ضـرب الأيمـان تنكيـل
(الـلام ) لـو إن الليـالـي يـعـودن=يامـا حكمنـا كاسبينـه بــلا مــن
كم من صويـب دمـوع غاليـه هلـن=مـن ضربنـا بمصقلاتـن مشـاويـل
لجدادنـا فـي صفحـة الوقـت تاريـخ=ياما تعشو يـوم الأكـوان مـن شيـخ
وكم نوخو عصمـان الأشنـاب تنويـخ=ليـن اكتمـل لجدادنـا العـز تكمـيـل
للمـوت بعنـا كـل نفسـن عـزيـزه=ريح المعـزّه ،، فـي دمانـا غريـزه
كسـب المراجـل للسناعيـس مـيـزه=بالفعـل ،، ماهـو بالحكـي والأقاويـل
الميم / من يجهل .. بفعـل السناعيـس=انا اشهد انه .. ياهـل المعرفـه هيـس
"ربعـي وربـي" متعبيـن المحاميـس=اهل/ الكرم /والطيب /والبـن /والهيـل
منهـو زبنـاء .. فـي منامـه تهـنـا=انـا اشهـد انـه .. يالربـع يرجهنـا
والا عدانـا / مــن لقـانـا .تعـنـا=ولا ينكـره /غيـر العقـول المهابيـل
مكارم(ن) فيها افتخـر.. بيـن هالنـاس=ولاعاش رجال(ن) بلا /امجاد واحساس
وانا لي ربوع(ن) خذو / كـل نومـاس=فيهم /شموخي يعتلي .. فـوق بالحيـل
النون نـاري قايـده بيـن الاضـلاع=والهاجـس الملـتـاع لازال ملـتـاع
بين أشـرف الفرسـان لابـد (طمـاع)=يطغى ويطغـى فـوق منـه رجاجيـل
نـاح الحمـام فـدار مـابـه مقـابـر=حكمه حكيـم الكـون ..والكـل خابـر
يـوم الوغـى والفـاس حنـا نكـابـر=مـا بالمعـارك مثلنـا لاغـدى الويـل
نعطي ولا يحصى عطانـا مـن الـدار=والضيف له مـن لقمـة البيـت مقـدار
شمـر طنايـا بالكـرم صيتهـم نـار=نـار ٍ تعلّـت بالجـبـل دون تذلـيـل
نقش الحـروف الصامتـه لـه معانـي=(الشين) شامـخ فـوق أعلـى المبانـي
(والميم )مـا هـزه بشـر لـو ثوانـي=( والراء) راح بحكمهم جيل مـع جيـل
الهـاء هـل المـدح ينفـع لـلامـوات=أبي امدحه حتى اقنـع الـروح والـذات
وجدي علـى نطـاح وجـه المغيـرات=وانـا اتئـمـل بالليـالـي المقابـيـل
هداتـكـم بالطـيـب يـامـا ويـامـا=ويامـا خذيتـوا عنانهـن والوسـامـا
الشعـر صايـم بالحشـا لـه اعوامـا=واصرخ كما تصرخ حبـال المحاحيـل
هاكـم كـلام عبيـد.. هـذا بـلاكـم=مير افكروا تالي الزمـن ويـش جاكـم
عاشت سلاطيـن العـرب فـي ذراكـم=وانتـم تـرى شمـر طيـور الابابيـل
الــواو ودي يالطـنـايـا اقـولــه=للابـة للـي فـي سـنـام الرجـولـه
اللـي لهـم بالمجـد صولـه وجـولـه=زوبـع مقابيـس المنـايـا حلاحـيـل
وافيـن.. مـن دور الشريـف الطنايـا=بالفزعـه الـلـي علمـهـا ماتنـايـا
لفـوك زوبـع فـوق دقـل السبـايـا=فزعـه وجزعـه واستجابـه وتجليـل
واقفى بيمنـى بيـص ولـد العجـرش=يوم ٍ بغى الوضحا الطحـوح وتحـرش
جاه العقـاب الصيرمـي ولـه تفـرش=تسلم يميـن الشمـري ضـاري الليـل
والا سليـمـان الولـيـده وضــاري=ابـن امحمـود الياطـرى لـه طـاري
اقفـى بلكمـن بيـن حمـر العـتـاري=يومـه طلـب ام العيـون المظالـيـل
والفـرخ ادلابـه وجـالـه اقطـامـي=مثـل اشقـرٍ افنـى بـرف الحمامـي
عفيـه بنـي عمـي خـوال وعمامـي=زوبع ومـاورث مـن غفيـل وزميـل
واجب ترا مدحـه وهـو فـي مقامـه=وشيـوخ تفـرض ذكرهـا واحترامـه
ماقـل دل وزبـدتـه فــي مـرامـه=والهيـل قلـه فـي بهـار المعامـيـل
والبيـت قبلـي قايلـه ابـن حثلـيـن=زيـزوم يـام اللـي نعـده سلاطـيـن
قلتـه بأثـر راكـان حبـس المقفـيـن=اللـي علـومـه ينقلـونـه مشاكـيـل
ودي وود ودي أودي وأمــــــدّه=فـي يـد منهـو نفتخـر بأسـم جـده
أبيـات شعـري عنـد حـارث أعـده=حاضـر بحاضـر مانكـز المراسيـل
ولا هـو ردى باللـي بقـى ياجماعـه=مـار القصايـد فـي مقـام البضاعـه
أن زادت الوزنـه غـدابـه رعـاعـه=وكـل علـى قـده يجيـب التماثـيـل
والمعـذره وكـلـن مـقـدم معانـيـه=وهذا الخريصي منكـم العـذر يرجيـه
كلـن علـى ماقيـل مـن دون عانيـه=والاّ الطنايـا كاملـه مابـهـا مـيـل
( اليـاء ) يامحـلا ختـام القصـايـد=مثـل اللـوالـي بالعـقـود الفـرايـد
طبـع(ن) لشعـار الطنـايـا عـوايـد=مابه ميـول ولا صـدر منهـم عيـل
يسلم لنا ( السكبه )علـى بـدع الأفكـار=وتسلم عقولـن رتبـت نظـم الأشعـار
واللـي تعـذر نعـذره قبـل الأعـذار=واللي حضر جـاب المطالـب بتكميـل
يعيش ( فيصـل ) مـن بدينـا معانـا=خطـوه بخطـوه ون طلبنـا عطـانـا
ليـن وصلـت وارسـت ببـر الأمانـا=واليـوم ننثـر مـن زهرهـا أكاليـل
( ياابن الطنايـا ) نرسلـه لـك هديـه=أبيـات تبقـى طـول الأزمـان حيـه
تـروي ظمـا الظميـان ياحلـو ريـه=ترتلـت مـن نبـع الإبـداع ترتـيـل
يرويك ( عاصفنا ) كما المـزن هطـال=ثم اعتلى من صهوة الخيـل ( خيّـال )
( وشراعنـا ) غنّـا المعانـي بمـوال=ومن حروة ( الجهرا ) تجـره مواويـل
ياللعجب (ذيـب اسلمـي )معـه ذيبيـن=(ياذيب إجا ) يشبهك ( ذيب العلاويـن )
ومن المنامـه درة البحـر ( بحريـن )=شوف ( الخريصي ) وصل العلم توصيل
( يالمحترم ) ( فواز ) نظمـك بميـزان=من عقبه ( القاصف ) بترتيـب وتقـان
ثم اشرقت شمس القوافـي (بنزهـان)=سميـن صيـده مـا يصيـد المهازيـل
يارب ياللـي فـي عيوبـي تبصّـرت=استغفـرك كاني ظلمـت وتـهـورت
والعـذر كانـي يالأجاويـد قـصّـرت=وتوكلـو .. علـى الكريـم التواكـيـل
ياربعنـا زيـدو صــلاة وسـلامـا=علـى شفيـع الخلـق خيـر الأنـامـا
إعـداد مـا هلـت مـزون الغمـامـا=علـى نبـي(ن) كمّـل الديـن تكميل[/poem]
رد مع اقتباس
المفضلات