[poem=font="Simplified Arabic,6,white,bold,normal" bkcolor="transparent" bkimage="" border="none,4,darkblue" type=2 line=0 align=center use=sp num="0,black"]
صّوت الشعر في بالي وفزيتله =
قال ماعدت مثل اول تجود وتجيد
في زمان الغرايب ويش مديتله =
مانشوفه قديمك ليش وين الجديد
كل شي يحرّض ليش مااعطيتله =
الليالي مدّيه والنكايب تزيد
قلت خذ ماعطيتك حرف واهديتله =
شي مما كتبته في الزمان العنيد
لوتغيب القصايد كان وصيتله =
القلم في يميني لاجل عين القصيد
اسمع الصوت واضح يوم رديتله =
لاتطول القضايا لاتزيد وتعيد
من ضلوعي لعينه نار شبيتله =
هب ريح القوافي بس نبغا مزيد
اااه ونجوم ليلي ويش خليتله =
كل ليله سهرته ياعيوني وحيد
كل مالاح طيفه قمت ناديتله =
خايف الموت يسحبني رويد رويد
في دروبي عصيت العقل ومشيتله =
المسافه غريبه والمسافربعيد
وكل ماشفت ورده قمت وبكيتله=
احسب الورد يقرب للغزال الفريد
فيه من ريح خلي يوم شميتله =
وفيه من لونه الابيض تشابه اكيد
وكل ماشفت نجمه قمت واوميتله =
علها في سماها مثل ساعي بريد
سولفت عن علوم الزين واصغيتله =
خبرتني بعلمه والكلام المفيد
قلت وشلون حاله يوم راعيتله =
قال ماعاديضحك لو زمانه رغيد
وانت ياللي تحرى لو تحريتله =
ضحكت العمر ماتت مثل موت الشهيد
لوسكبت المدامع دم هليتله =
راح واقفت ركابه بين سيد وعبيد
لويفيدك بقربه كان شديتله =
بس عنده عوايق عوج والفين قيد
ليت يوم التلاقي فات ماجيتله =
ليت قلب الشقاوي صار مثل الحديد
كان ريحت بالي ماتعنيتله =
ولاترك جرحي اللي كل يومن يزيد
ماسكني غرامه ماتحريتله =
نمت في ليل هادي مثل نوم الوليد
ليت طيفه حقيقه يوم فزيتله =
بس حظي واعرفه طول عمره عنيد [/poem]
رد مع اقتباس
المشاركة الأصلية كتبت بواسطة الغازي
المفضلات