[align=center]
لم تكتب إلا من القلب .. لـ( شمّر ) ..
[poem=font="Simplified Arabic,5,darkblue,bold,normal" bkcolor="skyblue" bkimage="backgrounds/25.gif" border="groove,3,burlywood" type=2 line=0 align=center use=ex num="0,black"]
جيت الرجال اللي على العز والطيب = اللي لهم بالمجد صوله وجوله
اللي يعَرفون الوفا والمواجيب = والا الكرم في سلمهم شرْع دوله
لا جيتهم .. فوح الدلال وْ تراحيب = رْجال .. لا منّي نشدت ( الرجوله ) .. !!
قصدي بـ(شمّر) ..ما لحق صيتهم ريب = ولا جبت قصدي لجْل شيّ ٍ أنوله ..
قلت (الطنايا) .. واعْرف الشعْر ما يْخيب = في ذكرهم هالشعْر نوّخ ذلوله.. !!
حتى .. ترى التعريف بالشمّري عيب .. !! = معروف صيت الشمّري من فعوله
فيهم من اللي لا وطى جرحك يطيب = مـطـْـيب (بعد حيي) اذا جا يقوله
في ذكر شمّر تشرق الشمس وتغيب = في حب شمّر .. هالمعاني خجوله
يالله ياللي عالم السر والغيب = الشعْر ما يوفي .. بعرضه وطوله ..
يالله تحشمهم عن ايّة عذاريب = دام الكرم في سلمهم شرْع دوله .. !![/poem]
والسموحه ..
أخوكم : سيف الخالدي
[/align]
رد مع اقتباس
المشاركة الأصلية كتبت بواسطة سيف الخالدي
المفضلات