المـــــزهــــريه..
[align=center]مزهريـة حياتـي ياسماهـا وماهـا
إيه للحين انا اذكر يوم كنتـي صبيـه
أذكرك ياشقيـه يـوم كنتـي معاهـا
جدتك يوم تمشي ..هالعجوز اجوديـه
كل عين ٍ تشوفك تنظر اللـي وراهـا
أشهد انـه تحـدّت عنوتـي للخطيـه
لو وعدتي بساعـه آتحسّـب بطاهـا
تمتحنّي ضنونـي والهجـوس الغبيـه
واذكر امك بغيضه واتذكـر خطاهـا
ولا عطتني ظهرها صحت:يالعربجيـه
مايثير انفعالي غيـر لمحـة عصاهـا
والله انـه سريعـه ..والله انـه قويـه
واذكر بيوم حفله جبت انا لك عشاهـا
كانت اهي المريضه وكنتي انتي وصيه
اتعمد ...واضيّع كل حاجـه غطاهـا
واتعذر.. وادوّر بـس اببطـي شويـه
واذكر.. عيال عمك يوم اعادي عداها
فزعتي لجل عينك ,,يحسبونـه حميـه
وكان اخوك متفائل ..يوم يبعد مداهـا
يحسب انه خويي ,,يحسب اني خويـه
كانت ايام حلوه يـوم كنتـي سناهـا
وكل ما القلب يكبر,, كل ما يزود غيه
فدوتك هالقصايد ,,فدوتك مـن بناهـا
خوذي اجمل قصيـده واقبليهـا هديـه
قلتي العمر ورده قلت انا من غذاهـا؟
قولي شلون ابذبل؟ دامك المزهريـه ![/align]
رد مع اقتباس
)
المشاركة الأصلية كتبت بواسطة سيده القـــــلم
المفضلات