وظائف شاغرة للنساء فقط

**فقط** · 07-08-2005 22:08

موقع وظائف للمرأة الفرص المتنوعة للمرأة للعمل عن بعد بحيث يمكن
للمرأة أن تعمل من منزلها وتوفق بين ذلك ومسؤولياتها وتحافظ على خصوصيتها
وتعمل بأمان

بالإضافة إلى ذلك فإن موقع وظائف للمرأة يحرص أن لا يعرض في الموقع إلا
الوظائف الملائمة للمرأة والخالية من المحاذير الشرعية والمنكرات والشبهة

وذلك عن طريق التسجيل في هذا الموقع
http://www.jobs4woman.com

من البريد

**شنقل** · 07-08-2005 22:38

[align=center]يعطيك العافيه

يسلموووووووووووو[/align]

**فقط** · 08-08-2005 01:09

يعطيك العافية مشرفنا شنقل
اتمنى ان تستفيد منه بناتنا واخواتنا

**روح أبـــوهــــا** · 09-08-2005 05:59

تسلم اخوووي فقط على هالموقع

بس حبيت اقولكم انه لاتعتمدون على هالشي من الوظايف
لانها خاليه من المصداقيه <<< رأي شخصي

وذكرتني بموقف حصل لي له علاقه بمثل هالمواقع

مره ياسيدي انا سجلت في شركه عن طريق الانترنت طلب وظيفه
وطبعا اختكم واثقه انها مقدمه طلب وظيفه عن طريق شركه معروفه ولها مكانتها

المهم المعلومات اللي دخلتها كلها صح بصح
يعني اسمي الرباعي وعمري ونوع شهاداتي والايميل وحتى طرق الاتصال بي <<< رقم الجوال اقصد

المهم بعد فتره الا واحد ضايفني على المنسجر
ويقولي في مسج ايميل اتمنى تقبلين عندك
انا قلت من وين محصل الايميل ومن انت اصلا مشان اقبلك
قالي انا ماخذه منك انت بس بطريقه غير مباشره <<< هذا كله مسجات ايميل

وهو على المسنجر محظور طبعا
المهم بعد فتره حصلته على المسنجر شلت الحظر لانه مارد علي ووضح
طلبت توضيح
الا انصدم انه يقولي انتي مقدمه على الشركه ******** قلت يس
قالي انا موظف هناك مدخل بيانات ولما دخلت طلبك حفظت الايميل

قلت ايه وغيره وش حفظت
قال ولا شي <<<ماتدخل العقل واحد يحصل الايميل ورقم الجوال ويختار انه يسجل الايميل

المهم تخانقنا وطلعت وخليته <<< من الصدمه االلي صادفتها

بعدها الا مرسل لي ايميل يعتذر وانه مااخذ الا الايميل وخلاص يتمنى انه اسامحه وهو حذفني
وعلى قولته ايميل محرم عليه وانه غلطان

انا مارديت عليه وطنشت
بعد 3 ايام ماذقت فيهن النووم
جهزت مسج وشرشحته ماقصرت فيه وقلت حتى لو جاني اكبر مدير عندكم ماابي هالشغل
وياليت اذا تقدر تحذف طلبي لانه مستحيل اقبل بكذا وظيفه <<<<أفضل جلسه البيت بكرامتي ولا احد يمس سمعتي بشي على وظيفه من هالنووع

المهم انه رد واعتذر وانا خلاص بعدها حرمت انه اتوظف عن طريق النت لانه مو موثوق فيه <<< الله يسامحه على اللي سواه فيني بس

وعلى فكره بهذيك الفتره كانت الازعااجات على جوالي ماتخلص ومن ميه الف رقم وكنهم يعرفوني
يعني يخلص رقم ويستلمني رقم وماكان احد يتكلم بس يدق وهو ساكت << وكان كل ذيك الفتره جوال اغلبه يا مغلق او صامت

بس بعد ماعرفته واللي صار لي
ولا رقم غريب جاني والحين ارتحت

اللي صار لي اتمنى يكون عبره لغيري

واعذروني على التطويل بس من القهر اللي صار لي

اختكم
عاشقه القيصر