اللي يعرف القصه كامله

**عايدالشمري** · 07-08-2005 19:40

[align=center]السلام عليكم ورحمه الله وبركاته

ابي منكم طلب اللي يعرف القصه والقصيده

اللي يقول فيها

هيا عطينا الحق هيا عطينا

وابي راعي القصيده منهو

ولكم الشكر[/align]

**تعاليل** · 07-08-2005 19:51

أخــــــوي ... عايــــد

أظن هالقصيده للشــــــاعر " بــداح العنقري " << من زمان سامعته

بس الوكاد أنك تنتظر اخونا راعي الوقيد إذا ما يجيبه
ابشــــــــر بشيبان المضايف يبي يطلعونه لك <<<< قولي شباب شجعيهم

بس أنتـــــظر عليهم شوي ... يبي لهم وقت

اختك تعاليل

**خالد الشمري** · 07-08-2005 20:18

هذه قصة رجل يدعى بداح بن بشر العنقري من فخذ العناقر من بني تميم وكان والده امير ثرمداء , وكان لبداح محل يبيع فيه ويشتري وكان اهل البادية في فصل الصيف يسكنون بالقرب من القرى لوجود الابار وكان لبداح اصدقاء من البادية الذين يشترون منه ما يحتاجون... وكان يمهلهم اذا تعسرت احوالهم المادية .. وكان اهل البادية يكنون له الاحترام والتقدير.. وايضا كانت بنات البادية يشترين منه حوائجهن .... فتعلق قلبه باحداهن وهي لا تدري عنه
وكان انت يا بداح ما علم احد بهالحب لمدة طويله
بعد ذلك قرر ان يذهب لاهلها ويخطبها منهم ....

وفعلا ذهب اليهم وخطب البنت انت يا بداح... فرحب به والد الفتاة وقال له لابد من اخذ راي البنت ....

لكن الطامة الكبرى اتت اذ رفضت الفتاة الزواج ببداح وعللت ذلك بانه من الحضر وقالت: الحضري خيال نظره ... مايصلح لى ولا اصلح له ..وانها تريد فارسا يدافع عنها وعن قبيلتها اذا اعتدى عليها احد ....

الوكاد ان بداح سمع هالكلام وقرر العوده لقريته ...لكن قبل ان يرحل شاءت الصدف ان تغزو احدى القبائل والتى هي قبيله الفضول على قبيلة هذه البنت
ولم يستطع الفرسان صد الاعداء فركب بداح فرسه واخذ سيفه ورمحه وقاتل و قدر بداح انه يرد الاعداء وقال هالقصيدة التي اتمنى انها تعجبكم

يقول بداح:

[poem=font="Simplified Arabic,5,white,normal,normal" bkcolor="black" bkimage="" border="solid,4,burlywood" type=1 line=0 align=center use=ex num="0,black"]
الله لاحد ياما غزينا وجينا= وياما تعلينا عصير(ن) مراويح

وياما حديناهم وياما حدينا = وياما تقافن بالنشاما مدابيح

وياما تجاذبنا الخوا في يدينا=وياما تقاسمنا اذاويد(ن)مصاليح

وراك تزهد يااريش العين فينا= تقول خيال الحضر زين تصفيح

الطيب ما هو بس للضاعنينا=قسم على كل الوجيه المفاليح

البدو واللي بالقرى ساكنينا= كل عطاه الله من هبة الريح

هيا عطينا الحق هيا عطينا=وان ما عطيتينيه والله لصيح

لصيح صيحة من غدا له جنينا=والا خلوج ضيعوها السواريح

العلم عندك كان ما تجحدينا =تعززي بالصدق يازينةالريح

يوم الفضول بحلتك شارعينا=والخيل في اخوانك سواة الزنانيح

يوم انكسر رمحي خذيت السنينا= بالسيف سرحت المداريع تسريح

ياابو نهود تقل فنجال صينا= لابقّت للقلب المشقا ذوابيح

لاخوخ لارمان لاطلع تينا=لامشمش البصرة ولاهن تفافيح

صخف بلطف بانهزاع بلينا= ياعود موز ناعم هزه الريح [/poem]
يقولون انه بعد ماشافت البنت فعل بداح وسمعت قصيدته تندمت على رفضها له وارسلت له انها موافقه وتريده زوجا لها .. لكن رفض بداح طلبها واخذته العزة بنفسه وابت كرامته ان يعود لها بعد رفضها ...

واعذرنا ياعايد عن القصور

**أجا** · 07-08-2005 20:52

[align=center]

ابوفــــــراج

الله يعطيك العافيه

والشكر موصول للاخ

عايد الشمري

تحياتي

ذيب أجـــــــا[/align]

**عايدالشمري** · 07-08-2005 21:25

[align=center]الاخت تعاليل يعطيك العافيه

اخوي خالد فراج

مامن قصور كفيت ووفيت

يعطيك العافيه على تلبيه الطلب بهذه السرعه

ماشاء الله عليك مبدع

لاهنت يالقرم[/align]