[align=center]السلام عليكم ياجماعة الربع
مساكم الله بالخير
يقول المثل الحنشولي
(((( من شاف قرد غيره هان عليه قرده )))
كلكم مرة عليه مواقف لا يحسد عليها ويظن ان مامر على غيره مثل مامر عليه
فأحببت ان اجمع مواقف للأعضاء
لكي نرى انه مهما كان الموقف اللي مر عليك قوي ومحرج
فإنه قد مر على غيرك موقف اقوى واحرج مما مر عليك
ومقردنا الاسبوع هذا هم.......
مشرف الدكه الاخ شنقل>>وهو مقرود من الدرجه الاولى
لذلك تنصح شركة حنشلكو للأسهم
بالإبتعاد وعدم التودد لهذا المقرود
اما المقرود الثاني فهو الاخ /احمد الهاجري
وهو لا يقل قرد عن سابقه
لذلك تنصح شركة حنشلكو مكيرش
بعدم قرأت مواضيعه الا بعد تحميل عشر برامج
للحمايه من قرادته
والان نترككم مع المقرود الاول
(((((((((( ش ن ق ل )))))))))
يقول شنقل
مر علي اسبوع في حياااتي ماانساااه
مع اني والله ماسويت شي غلط
تواعدت انا وخوياااي نروح لدبي وقالوا نبي نمشي العصر قل تم
وانا اجي من الدوااام واصكه بكالكبسه البخاري ولبن ابو لترين
طبعا هالحتسي يوم الاربعاء
وانا انام ((حلوه وانا انام))
ودوووس
وانا اقعد ((حلوه وانا اقعد))
يمار حنا بالليل واخطفلك الجوااال وادق على خوياي
قلت وينكم قالوا مابقى لنا شين عن دبي
وليه ماصحيتوني
قالوا والله لوبه واحدن ميتن جنبك تسان صحى
لعنبوا حيك انت فطيسه وليه تقفل الباب ((طبعا قفلت معي))
الحين وين اروووووح
قلت مافيه الارفحاء
ودقيت على شبيثااان قلت وينك
قال انا برفحاء قلت جااايك
وانا اشلع ويوم جيت للحفر قلت خلن اسير على عمي بالرقعي
وانا تقهوى عنده الضحويه وقلت عن اذنك قال والله ماتشت ياما تاكل
ذبيحتك (( ياشيخ روقناا )) طبعا هو من الدقه القديمه
المهم تغديت
ويوم جاء العصر قلت انا ابمشي لرفحاااء قال بمان الله
ويوم جيت ابطلع من البيت ماسمعت الا صياح الوغدان والحريم
وخذنااا...... ((وش العلم))
البيت احترق ((القراااااده))
وحنا نتسفت واشوى الوغدان كانوا برى
ويوم طفينا النار ..... الافيه دم مادري منين جاي
تري وطيت لي قزازه وداخلتن رجلي
وثلااااث ايام وانا مااتحرك عنده بالبيت ((امحق مسياااار))
وانا اتله لرفحاء وزين انا السياره تماتيك مهي عادي
الوكاد.... جيت لرفحاء وعلمت العيال بالسالفه وخذ من التعليق
طبعا كان وقتنا قبل عيد الاضحى
الحتسي وش صار يوم العيد
اول ايام العيد بعد العصر حصلت قزازة السياره الخلفيه مكسوره
مهي مكسوره الا مابقى شي منهاااا (((ول ياعيال رفحاء ماعمرهم شافوا لكزس))
الحين وين القى احد يركب لي قزازه
طبعا رفحاء ماتلقى ورشه فاتحه بالعيد
واكلم واحدن بعرعر قال اغسل يدك
قلت مافيه الا الحفر وانا اشلع للحفر بدون قزازه
المشكله الحفر برضو مقفلين مافيه
واكمل بوجهي للرياض بدون قزازه
اللي رفع ضغطي اني كل ماتعديت دوريه وقفوني
رخصه واستماره
وبعد يقولك ليه قزازتك مكسوره ((( ياخوي حل عن سماااي اللي فيني كافيني))
يالربع والربعات والله هذا ماجرالي واللي مهو مصدقن يسال الشبث
لانه كان مواكب الاحداث.....
والان مع مقرودنا الثاني
(((((((احمد الهاجري)))))))
يقول احمد
مره من المرات كنت رايح للسوق والحمدلله اني وحدي مامعي احد
يعني ماكانت ام العيال معي وكنت عند الاشاره وفيه بليزر مغيم في
جنبي واقف عند الاشاره ويطالعني السايق ويضحك وانا اشرلوه اقوله
ليش تضحك وهويشرلي بشاره محقا وتفور اعصابي وانا اشرلوه
بالوقوف احسبته واحد لحاله ويوم انوه وقف وينزل الا وراه ثلاثه
وهم يدبوني لين دبو الارض من تحتي
وهذا اقرد الايام الي مرت علي
اجارك الله منها
تحياتي
[line]
لحول ولا قوة الابالله
نشكر للإخ شنقل والاخ احمد الهاجري
تجاوبهم السريع
وتعيشون وتاكلون غيره
ههههههههههههههههه
اما مقردنا للإسبوع القادم فهم
الشبث
كلي بكم اعجاب
[/align]
رد مع اقتباس
تسلم يالحنشل 
المفضلات