[align=center]
بما يا تُرى أتحدث .. و ..أنتي .. الحديث ..!
أو كيف يكون ترتيب الاشياء .. وأنتي من وهبتيني إياها ..
أما تحدثنا يوماً .. عن نعمة .. البصر .. بك ِ ..
منذُ أن كانت الخـُطى أنجم.. و ..الاجساد فضاء.. و ..الخلق إثنين فقط ؟
لم يهبطا ابداً .. ولكن .. صـُعـّدا ..![/align]
[align=center]
ماعشقتك ياحياتي لجل أكون أسباب همّك
............. لكن الأقدار ساقت خطوتي وصرنا حبايب
كن مرباع الغـلا جابك لـريضاني يزمّـك
............ يدري إني من زمان أتغزل بطهر السحايب
كل ما عانقت ليلي من ضنى اللهفه أشمّك
........... مدري أسرفتي بوصلك أو تعطرتي هبايب
لا دعيـتيني أقول : إن الحلا كـلّه بفمـّك
........... ولا نظرتي لي أحس إن الغلا بالعيـن ذايب
وإن ضحكتي للسوالف قلت اموت بخف دمّك
........... وإن عطيتي للمشاعر دمعتك شفت العجايب
ما عرفت أخص زينك فتنة أشواقي تعمـّك
.........ياعسى سنين ٍ مضت لي قبل اعرفك للذهايب
كل شي ٍ فيك أحـبّه .. الكمال لله ثمـّـك
.......... تمتـمت فيك المثايل وأسرفت فيك الـذرايب
إنتي اللّي لا مشيتي يسرع الريح ويخمـّك
........... منـظر أشبه ما يكـون معانق الغايب لغايب
وإنتي اللّـي لا نــثرتي غـرّتك لليل ذمـّك
............ كل نجــم ٍ كان ودّه يسهـر قلوب ٍ طرايب
من شرب حاليك يعرف بالهوى شلون سمّك
............ ومن وصل لآخرك جتله جنة الدنيا وهايب
كل شي ٍ في غــيابك ضايق ٍ ودّه يضمـّك
...........كل شي ٍ في حضورك ما يهم لو كان غايب
ما كتـبت الشعر إلا .. يوم بعــثرني ولمـّك
............ لي زمان تلمني جروح المشاوير العطايب
مو سـؤالي ليه قلبي ينجـذب يا بنت يمّك
........... السؤال شلون صرتي ثار .. وعيوني طلايب ..!؟
[/align]
المفضلات