:: ويبقى وجه ربك ذو الجلال والاكرام ::
أن تكون القياده بيد كيده ..
والرأى المؤثر يصدر عن قرارته ..
وتكون الأمه في كثير من منعطفاتها قد تعودت سماع صوته ..
والقضايا قد اعتادت وقفاته ..
فهذا يعني أن كل عروش القرار والحكمه .. أهتزت بغيبته .. وفقدت برحيله فهداً لايتكرر ..
اخوتي / اخواتي .. لا استطيع الا ان اقول احسن الله عزاء العالم في فهد ..
[poem=font="Simplified Arabic,5,white,normal,normal" bkcolor="transparent" bkimage="" border="solid,4,white" type=1 line=0 align=center use=ex num="0,black"]
الملك .. والتاريخ .. والمجد .. والدين=والعز .. والهيبه .. وأرض الرسالات
الخير .. والأمه .. وصوت المصليـن=حجيج بيـت الله .. وضـو المنـارات
السلم .. والحكمه .. وأقصى فلسطيـن=واللين .. والرحمه .. وصوت الاغاثات
يبكون غيبـة شيخنـا يـوم الاثنيـن=القايـد الـلـي تفتـقـده القـيـادات
حبيـب شعبـه فـي بـلاد الحرميـن=خسارتـه ماهيـب مثـل الخسـارات
القايد اللـي مـا أنخلـق منـه أثنيـن=(فهد ) رحيلـه مـن كبـار الملمـات
أُمه بشخص .. وواحـدٍ عـن ملاييـن=وله فـي مياديـن الكرامـه بطـولات
ماهـو (فهـد ) الا فهـودٍ كثيـريـن=عداد مالـه فـي ذرى المجـد وقفـات
سلطان علّـم مـن فعولـه سلاطيـن=وتشهد له ملوك وشعـوب وحكومـات
اللـي تسـمـى خــادمٍ للشريفـيـن=بالله وش ياصف فعوله من أبيـات ؟؟
حتـى شمالـه كنهـا خلقـت يمـيـن=مـن كثـر مالـه للمساكيـن مـدات
كبر مقامـه فـي قلـوب المسلميـن..=وثقل مكانه في مجـال السياسـات ..
قولوا معي آميـن .. آميـن .. آميـن=يالله عسى روحـه برحمـه وجنـات
حبيـب شعبـه فـي بـلاد الحرميـن=خسارتـه ماهيـب مثـل الخسـارات
القلـب يبكـي قبـل لاتـذرف العيـن=والشعـب كلـه يبتهـل لـه بدعـوات
ولو ان صوته غاب في يـوم الاثنيـن=يبقى بقلـب الشعـب للحيـن مامـات[/poem]
اللهم تجاوز عنه .. وارحمه .. واجزه عن الاسلام والمسلمين خير الجزاء ..
اختكم .. أطــــلال
رد مع اقتباس
المفضلات