قصائد شعراء المضايف ..في فقيدنا وفقيد الأمه الإسلاميه ..!

[سلطان الشمري]

[align=center]أحبتي ../


هنا سنقوم بجمع قصائد الرثاء في سيدي ووالدي ووالد الجميع


فقيد الأمه الإسلاميه والعربيه اجمع../


الملك فهد بن عبدالعزيز ال سعود _رحمه الله_


لشعراء المضايف.../


لن يكون هناك ردود .../ فقط هو جمع للقصائد في موضوع موحد .../


*
اتمنى التثبيت

*[/align]

[سلطان الشمري]

[align=center].........................................................

..................................


...........[/align]


[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


حر .. ووو .. ف \\ قاصره .... تنقل جزء بسيط من مشاعرنا

،،،،،،،،،،،،،،،،،،،،

،،،،،،،

،،
مل الورق ياحرف .. والشعر مقتول = في ناظري حتّى القوافي شهيده

ياويل حالي .. أصبح الفكر مشلول = من هول مامرّت .. ظروفٍ شديده

موجة حِزن .. وشراع الأحزان مفلول = في لجّةٍ ظلماء .. تروح وتعيده

من واقعٍ مؤلم ،، وحقٍ ،، ومقبول = أمرٍ من الرحمن باللي يريده

مرحوم ياخادم مليكٍ ،، ومجبول = اللي وقف للجار يوم المكيده

للحق سيف .. بوجه الأشرار مسلول = سطّر له التاريخ سيره فريده

تبقى معي حولٍ .. وحولٍ بعد حول = بصمة تميّز ،، والمواقف أكيده

قايد مسيره للمعالي على طول = في كل محفل .. له مكانه تليده

أفشى السلام .. وكلِّ محتاج مشمول = برْعايته .. وسط الليال العنيده

خادم بيوت الله ... واقع ومأمول = خِدمة فخر .. ماكل شخصٍ يجيده

لله درّه .. شهم .. أصبح ولايزول = مضرب مثل راع الخصال الحميده

تبكي عليه الناس بالعرض والطول = وتبكي على فرقاه حتّى القصيده

وتبكي عليه أقلام جفّت عن القول = حتّى الفكر ضاقت عليه البديده

فقيدةٍ .. ياناس .. يبقى على طول = أقسم قسم .. عزالله إنه فقيده

.................

.......

..

الراسي ... بشير اللويش[/poem]

[سلطان الشمري]

فاجعة رحيل الملك فهد بن عبد العزيز يرحمه الله

[poem=font="Simplified Arabic,6,white,bold,normal" bkcolor="black" bkimage="" border="ridge,10,seagreen" type=2 line=0 align=center use=ex num="0,black"]
ياكبر هول الفاجعه يوم الاثنين=اشد..واكبر من جميع الهوايل
حين ارتحل نور الوطن خادم الدين=فهد العرب واقفا عن الدار شايل
للحزن ثارت في وطنا براكين=واجتاح في ركبه شعوب وقبايل
وشلون ماتحزن عليه الملايين= هذا الفهد عدله عدل كل مايل
حكمه بشرع الدين سن القوانين= ماسن عن حكم الشريعه بدايل
شيخٍ بنا مجده بكل الميادين= لوغاب شخصه ماتزيله زوايل
تاريخ عهده ثابتٍ بالبراهين= عشرين واربع من سنينه دلايل
نهضة وطن. بنيان. طرق..وبساتين=والعلم والتعليم فاق المثايل
عهد الرخا.والعطف. واللطف. واللين= عهدٍ تميز في جميع الوسايل
عهد العطى عاشوا بخيره كثيرين=اعطى هنا واهناك معطي جزايل
بالدعم تشهدله قضية فلسطين=والبوسنا. وافغان. شعب وفصايل
ويشهد كويت العز يوم اللقا الشين=كيف اثمرة وقفة عريب السلايل
حطم جيوش الظلم واقفوا معيفين=عن دار جاره.. وانكسر كل عايل
ويشهد بعد لبنان حينٍ بعد حين= عقب التفرق كيف لمّ الشمايل
هذا بعض ماقدمه للمسلمين= عساه للجنه رفيع الحصايل
امين قولها معي قولوا امين=عسى ابو فيصل مايشوف الهوايل[/poem]



[align=center]الشاعر/ خلف الاسيد [/align]

[سلطان الشمري]

[align=center]


إنا لله وإنا اليـــــــــه راجعون .. ولا حول ولا قوة الا بالله
.
.
.

كيف ابكتب ؟ وكيف ابد..؟ وكيف انتهي..؟

................................كل حرفٍ الى قلته .../ وقصّر يطيح ..!

.
.
.





للدمع للـــحزن لإحساس الوطن ..لليتيم ..

........................للروح .. للبوح ... للغالي ..../ وطنّا ( فهد )

للعز للمجد ../ للي وسط صدري مقيم ..

........................ للأرض للعرض.../ وش بقاي أمانه بعد ..؟

ياموت تدري بأنك خذت حي كريم ..

....................... بعده اذا عدوا الأكرام قلنا " محــــــــــــد "..!

ياموت تدري بأنك خذت ..رجلٍ حكيم ..

...................... اللي الى ضاقت الحيلات جاب "السعد " ..؟!

استغفر الله واقول الله .../ حكيم عليم ..

..................... ياخذ ويعطي.../ واقداره على كل احد ...

ياسيدي ../ هالخبر والله وقعه اليم..

...................... على البشر..:لا : ورب الكون حتى البلد

ياسدي يابوفيصل../ يا العطوف الرحيم ..

......................ضاعت حروق القصايد ../ وضاع منا الجهد

العذر والله .../ مامعنا اشوفه حطيم ..

....................... العذر.. قصر كلامي.../ ياغلانا (فهد) ..
.
.
.
.
.
.
(كي بورديه ) .../ ولي عوده بإذن الله




الشاعر / نبراااس
[/align]

[سلطان الشمري]

[align=center]رحم الله فقيد الامه وأسكنه فسيح جناته


انه سميعٍ مجيب ....

.
.[/align]


[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يقنع المؤمن ويرضى لأحكـم رب العبـاد "=" والله القاضي حكم بأمره وحنـا خاضعيـن
مؤمنينٍ بالقضاء والله عليه الإعتماد "=" والعمر لوطال تفنيه الليالي والسنين
احسن الله في عزاء البيتين واوكلها السداد "=" في ضياها اللي ينير وكف خادمها الآمين
انطفى ضوء الجزيره ولبست ثوب الحداد "=" والشوارع لفها صمتٍ يهز الصامدين
كن ما بالكون غيره نجم يضوي للبلاد "=" اختفى تاج القلوب اللي تغذا بالحنين
اشهد ان السهم موته وان سهم الموت صاد "=" واشهد انه مايخلي لارخيص ولاثمين
والله ان الجرح مؤلم وارتكازه بالفؤاد "=" في صميم قلوب تيقن بالقضاء حق اليقين
وين ابو كل اليتاماء وين قداح الزناد "=" وين لهاد الكبود ولطم عين العابثين
ايه نبكي خادم البيتين يوم الله اراد "=" ايه تسمع فالصدور الصادقه جر الونين
من يشح بدمع عينه لاهناه العمر زاد "=" ميت الأحساس عمره لاسعيد ولاحزين
وين ماوجهت شفته وجه من سيَد وساد "=" كل ماحولي يحسه فقد امام المؤمنين
فالنفوس وفالدروب وفالقرايب والبعاد "=" لين أعذر الدور لاضاقت بعين الساكنين
آآه .. ماكبر منه بعيون الفتن وأهل الفساد "=" غير في عين البلاد وفي قلوب المسلمين
وماغلب حبه لشعبه فالبذل والاجتهاد "=" غير حبه في قلوب الشعب والود المكين
الوطن عينٍ حفظها عن صباح وعن هجاد "=" كافله من بعد ضمه بالجفن دنياء ودين
للمصايب كل ماسيقت فناجيل الشداد "=" ماسبق كفه لشربه لاشمال ولايمين
يالله انك تنزله ياملهم العبد الرشاد "=" منزلة صحب النبي وخلفاه الراشدين
وسعه لموسع البيتين قبره ياجواد "=" وأدخله مدخال صدقٍ يا إله العالمين
يقنع المؤمن ويرضى لأحكم رب العباد "=" والله القاضي حكم بأمره وحنا صابرين
.
.
[/poem]
[align=center]
.
.
.

العلم / سعود بادي[/align]

[سلطان الشمري]

[align=center].
.





إحساس بسيط لايعبّر عن مافي صدورنا تجاه مليكنا الغالي
رحمه الله وغفر له وأسكنه فسيح جناته








ياموت .. خاف الله فينا .. وبعدين !
..... تاخذ ( فهد ).. من بدة الناس.. بالذات !!؟



مريت تاخذ سيدي .. صبح الاثنين
..... ماتدري إنّا .. عقب مامات .... أموات ..!؟


يعني عشانه ( لذّة ) الناس والدين !!؟
..... أنا اشهد إنك صدق ..../ .. هدّام لذّات !!


فهد يموت !! .... الله ياكبر هالبين ..
..... قولوا لي .. تحلم ! أو مجرد إشاعات !!!



اللي كفوفة غيمة ٍ .. للمساكين ..
..... لا والله إلا ّ للخلايق ..../ .. سحابات ..


لو كان يعطى من عدد عمرنا سنين
..... نعطيه .. مانبخل ... / ورب السموات ..


إمنين ابلقى دمع ! بالله .. ومنين !؟
..... بلقى لحزني عقب هذي ... نهايات !؟


آه ٍ.. و.. آه و..آه ...آه ٍ ..... وآهين ..
..... شفنا .. غدينا كلنا ... شعب آهات !


ياقلب ونّ وهاتي الدمع .. ياعين ..
..... ياروح ...جرّي عقب ماراح .. ونّات !



للحين لا والله ... وربي من الحين !
..... ببكيه لين تجف بالعين .... دمعات ..


تبكيه ( نجد ) وتذرف الدمع ( دارين )
..... وتبكيه ( حايل ) مع .. جبال السراوات ..


شقول ؟ لانادت ( فهدها ) .. فلسطين !؟
..... هيهات يرجع ! لاتنادين .. / هيهات !!


استغفر الله لو بقول إنها ... الحين ..!
..... تبكي عشانه دم ! وتقول : .. مامات !


يالله تغفر للملك : قولوا ... آمين ..
..... وينعم بعطف ٍ من .. جلالك ... وجنّات !


اللهم آمين







نبكي عشانه دم ! ونقول .. مامات !


.
.

بألم ../ بركااات الشمري
[/align]

[أشواق السالم]

[poem=font="Simplified Arabic,5,silver,bold,normal" bkcolor="transparent" bkimage="" border="double,4,silver" type=2 line=1 align=center use=ex num="0,black"]
قالوا: فهد قلت: يا (معدِّل الميل)=قالوا توفى قلت: كل الوفاء مات

مهي خساره دمعة لأجله تسيل =ومهي خسارة له عباير وأنات

دمع الحناجر والدعا بأخر الليل =يمكن تكفي عن كلام وعبارات [/poem]

[align=center][/align]


[poem=font="Simplified Arabic,5,white,bold,normal" bkcolor="black" bkimage="" border="double,4,white" type=2 line=1 align=center use=ex num="0,black"]
أدري القصايد مع دموعي قليله =ما أظن تشرح ماأحتوته الحنايا؟!

ما يكفي إلا دعوتي كل ليلـــــة =وصيةٍ من عرض باقي الوصايا

يجزيه عن كل الفعول الجليلة =في وسط جنة تحتضنه الهدايا

فهد دليلة من غدا به دليله=يوم الملوك تعيش تحته رعايا

فهد فهد ابو اليتيم وكفيله=فهد فهد ستر البنات الصبايا

فهد فهد بالحرب صبعه فتيله=فهد فهد لا ضايقتنا الرزايا

فهد فهد جمر الحسود ومليله=فهد يمينه ريف طيب و عطايا

قالوا توفى قلت ياهي ثقيله =والله خذت تاج الملوك المنايا

كافي قصيد وشعر.. وادري قليله=راح الفهد وش عاد باقي بقايا[/poem]


[align=center]أشـــــــواق الســـــالمـ[/align]

[سلطان الشمري]

[align=center]لعلّها تعبّر عن القليل

"

"

"

[align=center]رحمه على روح السعوديــه وقلبك يافهــد
لف الحزن دارك ياابن عبدالعزيز آآل السعـود

الموت يختارك ! وفــزّت من مصيبتنـا بلـد
ضاقـت شوارعنا .. بكت .. من الحدود الى الحـدود

نفس الوجـع .. نفس الشهر .. تاريخ أسوَد ماركـد
ذيـك السنـه غزوْ الكويت وهذي بموتــك تعــود !

ياخادم البيتيــن موتـك ماترك فينا احــد
صبـح الفـجـيعــه ينطفــي ويسود في عين الوجــود

اللي حكـى عن سيرتــك واللي انقهر واللي شهــد
واللي حبس حزنــه ودمعه طاح من فوق الخـــدود

لو بــوصــف التاريخ واكتب في تفاصيلك وأعــد
ماتوفــي حروف القوافي .. لا حسبناها تـــزود!

ياحافـظ القرآآآن عن كــف الأعــادي والحســد
ياحامي الأسـلام من طـيش المنافق والحقــود

عــز الشريعــه في يديــن الارض وعيون البلــد
واطهـر بـلادك في ذرا حكم الجزيره للأســود

ياخـادم ( البيت الحرم ) اسلامنا واحد احـد
نمضـي على عهــد النبــي .. والحكم بيدين السعود

المـوت ماخـــلاّ عزيز ولا كريم ولاسنـــــد
هـذي هي الدنيا صفـت لجل الفقير و للحسود

لوغبـت عنــّا مارحل طيــبك ولاعــزّك ابــد
منبع اصالتنــا ربا باحضـان ارضـك و الجـدود

رحمـــه على قلب السعوديــه وروووحك يافهــد
عم الحزن دارك ياابن عبدالعزيز آآل السعـود


.
.


المبدعه/ خلود البراري[/align][/align]

[سلطان الشمري]

[poem=font="Simplified Arabic,5,white,normal,normal" bkcolor="black" bkimage="" border="ridge,4,darkred" type=1 line=1 align=center use=ex num="0,black"]
اليوم ليه الشمس تضوي بلا نور = والصدر يكتم لوعته في حناياه
غصة بحلقي لحظة و لحظة تثور = إليا طرت لي بلوتي قلت ويلاه
كن الثرى في عيني اليوم مذرور = يوم إن أبو فيصل ثرى الأرض واراه
صبرت و أكتم دمعتي مير مجبور = سالت دموعي يوم قفت مطاياه
اليوم غابت شمسنا العصر والدور = أظلم عليها ليل و تقول فهداه
مرحوم ياللي داخل القبر مقبور = يا البحر يا اللي ما لقينا له أشباه
يا محارب البهتان والظلم والزور = يا نبع جود و خير يا صافيٍ ماه
يا ما حميت الضيف في ساعة الجور = ويا ما مسح حزن اليتاما بيمناه
و ياما طبع مصحف و كم بيت معمور = لله يُسجد فيه من ماله أحياه
وكم وسع لبيت الله سنين و شهور = وكم حج بل حلوق حجاج لله
وكم من مجاعه كان له وقتها دور = يشهد له العالم و يشهد لمسعاه
بالخوف يوم عيون خلق الله تدور = كان الجبل و يطمن الناس بخطاه
بحر السياسة راجح الفكر والشور = الخير و الحنكة تلاقى ببمشاه
يالله يا جابر كسر كل مكسور = ترحم فقيد الناس و يطيب مثواه
و تثبته بالقبر و تحط له نور = وتعزه بقبره مثل عز دنياه
و تبدله عن ملكه بجنه و حور = و تكفيه شر الماقف اللي بنلقاه
يا رب تبني له بما قدم قصور= في جنتك يا رب وتعلي بناه [/poem]




[align=center]الشاعر ../ ساري^الليل[/align]

[سلطان الشمري]

[align=center]بسم الله الرحمن الرحيم

لا أحتاج لمقدمات فالفاجعة أكبر من ذلك

.
.
.
.[/align][poem=font="Simplified Arabic,4,white,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
راح الذي تغليه الأمة ونغليه = راح ((الفهد)) من يجبر الحال بالحال

الكون ((موت الفهد)) يبكي وينعيه = شبان وأرامل وشيبان وأطفال

كلن شكر فعله ويحمد مساعيه = قوله يتوج بأمر ربه بالأفعال

عز الله إنه "..عز.." من جاه ((ناصيه)) = يتم قوله ((بالفعل)) كل ماقال

ما رد محتاجٍ وقف ((ينتخي)) فيه = ((كفه تمد ولاتحسب لمثقال))

((ليت القبر قلبي علشان أواريه)) = ويبقى لعمري يقصر العمر أو طال

لاشك أمر اللي نخافه ونرجيه = وكف القدر وش يعدله كل مامال

بقلوبنا نطلب من الله وندعيه = يرحم ((فقيد أمة محمد والأجيال))

الله من النار وسعيره ينجيـه = ويثبته يوم الحشر يوم الأهوال

((راح الفهد)) وش عاد لو كان نرثيه = ترثيه الأمة طيب الفعل والفال[/poem]


[align=center]رحم الله الفهد وأسكنه فسيح جناته

بكل ألم / نــ بنت الفهد ــوف[/align]