لا تقول

**ظبيانيه** · 11-02-2002 16:13

قصيده معروفه ولا اروع للشاعر الامير بدر بن عبدالمحسن

لا تـقــول

لا تقول ودعتني داري ..... بالحيل مالي عليك اعتاب

مريت في موعدك ساري ..... وقفت لين النجم ما غاب

الليل تحت الشجر عاري ..... و الفجر غطى السما بثياب

و الريح في كفوفها الذاري ..... تدفن ارسوم الوعد بتراب

مريـت ما للوله طاري ..... ووقفت ما للـنـــــدم اسباب

مدري تعودت مشواري ..... أو خان بي قلبي لـكـــذاب

**الوسي** · 11-02-2002 18:00

مريـت ما للوله طاري ..... ووقفت ما للـنـــــدم اسباب

مدري تعودت مشواري ..... أو خان بي قلبي الـكـــذاب

لاوالله الا تعودت مشوارك ,, ولايهون قلبك الكذاب

هذا هو الامير بدر بن عبدالمحسن ,, وهذه هي ظبيانه رائعه

حتى باختياراتها ,,

ممكن استفسار ظبيانيه !!! اذا امكن !

ممكن شرح توقيعك لو سمحتي !

زعاب من تاريخهــــــم خــذ محلـــه
واضح شرى النبراس حق الملا يبان

تقبلي تحيات

اوك الووووووووووسي

**ظبيانيه** · 11-02-2002 18:32

هلا والله اخوي الوسي

وتسلم على الرد ويسلم غاليك

اما عن توقيعي عن عائلتي اللي افتخر فيها عائلة الزعابي اللي هي من اكبر واعرق عائلات الامارات وتاريخهم نبراس لانه معروف عنهم وقت الشده وقفوا مع القواسم ضد الاحتلال البرتغالي وحروبهم في رأس الخيمه معروفه وعزة نفسهم

**الوسي** · 11-02-2002 18:50

شكرا للتوضيح ظبيانيه

ونعم والله بعائلة الزعابي , ونعم بعائلة القاسمي

والاجواد لابد ياخذون حقهم (( من لايشكر الناس لايشكر الله ))

ونعم فيكي اخت ظبيانيه

وهلا والله وغلا فيكي بيننا ومعنا اخت غاليه علينا كلنا

والطيب مايدور الا الطيب ,, وجيتك لنا جية طيبه على طيبين انشاءالله

تقبلي تحيات

اخوك الووووووووووسي

**ظبيانيه** · 11-02-2002 18:55

اخويه هذا من ذوقك والله

وانا فعلا بين اهلي وناسي ما فرقنا الامارات عن السعوديه

**مجموعة إنسان** · 12-02-2002 00:21

إختيار رائع ظبيونــــــــــــــه

ونعم والله بالزعابيـــــــــــه

والأمير بدر بن عبدالمحسن كل بيت شعر منه يعتبر قصيده

ويعجبني له هذا البيت :

قالو العذّال والعذّال مرضى ــــــــــــــــــ وش بلا حالك من الأشواق قاضي
قلت يظلمني حبيبي لين يرضى ـــــــــــــ بلغو الظالم ترى المظلوم راضي .

**ظبيانيه** · 12-02-2002 09:02

واحد من الناس

هذا من ذوقك اخويه وتسلم

وبدر بن عبدالمحسن وخالد الفيصل بعد مافيه كلام على ا شعارهم يندر وجود حد يصيغ الكلام والقصيد مثلهم

ويامرحبا الساع