[align=center]بسم الله الرحمن الرحيم
اخواني الاعزاء ......... السلام عليكم ورحمة الله وبركاته
الكثير منا يعرف ما هي الغربه وتاثيرها على المتغرب عن اهله ووطنه ولكن ما هي مشاعر امه او
والده او اخوانه .... اليكم هذه القصيده وهي توضح توصية ام لولدها بعد خروجه للدراسه وهو زميل
عزيز وغالي شراوكم خرج للدراسه في الخارج من فتره قصيرة جدا وهو من قرى حايل ولاتنسونا
بتعقيبكم وردودكم تفضلوا القصيده:[/align]
[poem=font="Times New Roman,6,skyblue,bold,normal" bkcolor="white" bkimage="backgrounds/34.gif" border="outset,4,gray" type=1 line=0 align=center use=ex num="0,black"]
يا وليدي خـذ مـني وانا امـك وصاتي=وتذكــر ان امـك مـن وراك تحتـريـك
لا ترافق الـردي يا بعد حيي يا غناتي=تــســلـم مـن رداه ومـن كـلام يـكـويك
واحفظ الخـمس فروض من الصلاتي=وداوم عليـها ترى يوم الغراغر تنجيك
وعـليك بالقـران واقره بكل الساعاتي=يـزيـل الهم عـنك ومن المرض يداويك
واحفظ دينك وعرضك من الصايعاتي=راعــيـات العـيـون الـزرق لا تـغــريك
وخاف من اللي فوق السبع السمـواتي=خافه بالتقوى وسو الفروض اللي عليك
واعـرف ترا الغربه للي يبي العالياتي=تجي و راسك مرفوع بيـن اللي حواليك
اعرف اني نهيتك ياولدي عن الزلاتي=من يوم كنت بحضني الآعـبك واداريك
واليوم فـرقـتـنـا دنـيـا تبيك للطـايلاتي=زي مـا ربـيـتـك يا ولـدي مـا اوصــيك
ارحـم ما نزل على خدي من دمعـاتي=ولا تـذلـنـي بعـد مـا كـنـت افـتخـر فيك
ارفـع راسي فـوق بـيـن كـل جـاراتي=ابـيهـم يدعـون ربي يرعاك ولي يخليك
ابيهـا طـلب مـنـك يا (فلان) يا حـياتي=وتكـفى لا تشـمـت اللـي مايسـوىعـليك
قول ابـشـري وراح تـشوفـين سـواتي=ابيك زي ما عـرفـتك تفعل يوم اوصيك
ودعـتك الله ياضـنا القــــلب يا منـاتي=وبسلامه ترجع وبنار الـشـوق نحـتريك[/poem]
[align=center]بانتظار تعقيبكم وردودكم ولكم جزيل الشكر
اخوكم / عم محمد[/align]
رد مع اقتباس
المشاركة الأصلية كتبت بواسطة مجواد
المفضلات