السلام عليكم ورحمة الله وبركاته
هذه القصيده لا اعرف قائلها ولكن اعجبتني :
[poem=font="Simplified Arabic,5,white,normal,normal" bkcolor="black" bkimage="" border="solid,4,white" type=1 line=0 align=center use=ex num="0,black"]
ريحة شمال وهبـت اليـوم نسنـاس=لاواهنـي منهـو يعانـق خضرهـا
كم هيضـت قلـب تولـع ومحتـاس=ذكرى جبـل شمـر بجوفـه حفرهـا
أحب شمر واهل شمر علـى الـراس=اسرى كـرم ياكثرهـم مـن اثرهـا
اوي حايل ياهل الـود هـي سـاس=ماليلـةٍ فيهـا نـدم مـن سهـرهـا
في قلب نجد وشاقني حـر الانفـاس=من لوعةٍ وسط الحشا مـن سهرهـا
وين البخور وراعي العـود لـوداس=فوق ارضها يعرف كوامـن دررهـا
ريحة شمال وهبـت اليـوم يانـاس=تروي عطش قلـب تحـرى مطرهـا
مشية حمامه شدها واثـق السـاس=من طيبها خانـت خطـاوي نظرهـا
ما طاوعت عيني وهي تشرق احساس=رغم العطش اخفت شعـور غمرهـا
قالت بعد حيي على الـدرب حـراس=شف عينهم تحت الخطاوي بصرهـا
إي راعهم فوق العتب خـي جـلاس=كم نظـرةٍ منهـم لذعنـي شررهـا
البـاب دربـي رح وطقـه ولابـاس=دام النوايـا خيـر عشقـك مهرهـا
درب الخطيه ياولـد يثنـي الـراس=وحنـا كرامتنـا اصيـلٍ شجـرهـا
ما ينثني راسي ابد رغـم الافـلاس=الا بواجـب خمـس ربـي عمرهـا
ثم اختفت عقب الوهج ضحكة الماس=مـع قامـة سبحـان منهـو امرهـا
راحت وهي صوره على بيض قرطاس=تمسح جميع افكـار زاهـي قمرهـا
ياصورةٍ بالقلب هي فـوق الاجنـاس=في وحدتـي عينـي تلقـف خبرهـا
هذا شعور فاح مـا طـاوع اليـاس=فـي ليلـةٍ بالطـول عـدت شهرهـا
حايل ترى الحيله تحايل على الـراس=وش حيلتي والحـال حايـل وترهـا
[/poem]
رد مع اقتباس
المفضلات