الرجل الذي = صفر
صفات كثيره في الرجل تخلي المر أه تفكر ألف مره قبل الارتباط فيه وصفات ثانيه في الرجل أيضا قد تجعل الحياة لا تطاق معاه ولا تسمعين اللي يقول تقدرين تغيرين صفات الريال عقب الزواج، كلام فاضي محد يتغير يمكن شوي بس الطبع يغلب التطبع يعني وين بترومين تغيرين ريال عمري 30 ولا 35 سنه؟!!!!
من هالصفات اذا توجد في الرجل المفروض المرأه تفكر الف مره قبل الارتباط بالرجل الذي يملك تلك الصفات:
لرجل الضعيف: اللي كل شي بيمشي على شور حرمته ما عنده راي وما عنده كلمه في ابسط المواقف يتلعوز ويطلب راي كل حد لانه ما يقدر يتخذ أي قرار
. حلو الريال يشاور حرمته بس انه يخليها هي الريال المسؤوله عن كل شي ورايها هو الاول والاخير مافي حرمه في الدنيا بتستحمل ريال بهالصفه
الريال القاسي: هذا عكس الضعيف مول بس بطريقة سيئه يعني مهما صار قلبة قاسي ما يرق ابدا. يعني لو صاحت ما صاحت الحرمه ولا هامنه ولا يأثر فيه لو كان على خطأ. في حياته ما قال لمرته كلام زين مهما تحاولين ترققين قلبه مافيه فايده قلبه صخرعلى الحرمه والعيال
الريال البخيل: يالله هذا عاد حدث ولا حرج. البخيل في فلوسه بخيل في عواطفه وصدق اللي قال هالكلمه البخيل يكون بخيل في كل شي. سبحان الله تحسين هالريال من بخله خايف يحاسبج حتى على اللي تاكلينه طبعاً غير عن الاحراجات اللي بتحصلينها من وراه لما بتعزمين حد من اهلج او حتى بتجاملين حد وبتهدين هدية انسي مافي بند الهدايا هذا محذوف من حياته مول. طبعاً لا طلعات ولا دخلات ولا مفاجأت. واذا كنتي تشتغلين بيحاسبج حتى على معاشج
الحياة وياه ممله وصراع دائم
الريال الكذاب: اووووووووووف انسي ذا عذاب في حد ذاته ولا بتقدرين تاخذين عنه حق ولا باطل وفي الاخير بتشكين في كل كلمه يقولها لانه الكذب يكون منهج للحياة عنده خلاص حتى لو سالفه ما تستاهل الكذب بيكذب عادي يمكن حتى السلام يحرفه عشان يكذب، وهالنوع من الرياييل يبررر حق عمره الكذب انه يحاول يسوي لنفسه شخصيه ومستوى هو اصلا موب عايش فيه. انسي اسوأ الانواع هذا لا تشترينه
الريال الشكاك: هذا بلوى بروحه حتى لو انتي متغطيه من راسج لين ريولج بعده يشك. تحاولين تفهمينه انج بنت عرب وناس مافيه فايده محد ناس واشراف غير اهله والباجين رايجين فيا، حتى لو رمستي امج في التلفون خايف وشاك (يمكن حتى يشك في امج) هذا بلوى مسيحه بروحها يعني اللي تبا الضغط والسكر عليج بهذا
الريال اللي ما يعرف عن الدين شي: هذا ما عندي تعليق عليه الا المثل اللي يقول (اللي ما يخاف من الله، خاف منه)
الريال المتحضر وايد: تبين اتيبين عله على قلبج؟ عندح هذا. مسوي عمره فاهم كل شي وكل العرب موب فاهمين وعشان هو متحضر ويقرا كلمه انجليزي وكلمه هندي يعني فاهم الدنيا كلها والناس كلها ما تفهم . لا وبيعلق على ازياء ثيابج يعني هو ابو العريف والمصيبه الاكبر انه يحاول يقلد ااجانب يعني هم اهل الذوق كله وهو واحد منهم اكيد. يعني ممكن يوصل للتعليق على اهلج وثيابج وعليج وعقب جذيه تلاقينه بالتدريج يبتعد عن الدين بحجة التحضر.
بس هذيل لا تفكرين تتزوجينهم
عيل شو الحل؟!!!!!!!
عليج بالعنوسه
:D :D :D
رد مع اقتباس
المفضلات