السلام عليكم
هاذه مجموعه من نساء العرب ترثي ازواجهن مما يدل على وفاء الحرمه لزوجها
* رثاء الشاعرة اهداية العطاوية في زوجها مشحن
(اخو شليويح العطاوي)عندما توفي بمرض الجدري واللي تقول فيها:
قلبي كما شيهانة بيضها فقش *** المح راح ولابقى الا قفوشه
واصاحبي صيده ادقاق المها العكش *** وله عادة في كل ليلة يحوشه
والله يالولا الدرب من دونهم عفش *** ودرب الخلا ماينوطي في عفوشه
لافز فزة واحد موحي وقش *** يخاف من مخلاب شي ينوشه
* هيا العياد الحربية يوم زوجها ابوها برجل حالته المادية
ضعيفة وبعد فترة استدرجها ابوها ورجعها للبيت وقال لاتروحين لبيت زوجك فقالت هالقصيدة :
يامل عين حاربت سوجة الميل****على عشيرن بالحشا شب ضوه
عليك ياللي طبخته نصفها هيل****اللي سعى بالطيب من غير قوة
المال ماطيب عفون الرجاجيل ****والقل مايقصر براعي المروة
ياعنك ماحس الرفاقة ولا قيل ****ذا مغثين ماينزل حول جوه
وله عادة ينطح وجيه الرجاجيل****هذي فعوله بالمراجل تفوه
اجواد نسل اجواد جيل ورا جيل ****الطيب فيهم من قديم وتوه
* قصيده الشاعرة سعدى الروقية قالت بزوجها المسن:
العام تبغالك من البيض ثنتين **** ايضا وتبغى لك عليهن زيادة
ومثلك الى منه وصل عام سبعين **** يروح مخه مثل مخ الجرادة
لايقضي الحاجة ولايوفي الدين **** حتيش لو عطرت فرش الوسادة
والله مالوم العود مير الكبر شين **** العود جاته خلته من زناده
ياما ثنى عمره خلاف المقفين **** إلى نشب خطو الردي في شداده
واليوم لو نوزيه في محجر العين **** أمشي على مشهاه واتبع مراده
ماالحق جزاه اللي مضى قبل عامين **** ماني من اللي دايم بالجحادة
ياجاحدات حقهم فالكن شين **** ميعادكن يوم الحشر والشهادة
لعود لاشيب لزمنا بحقين **** رد الجميل وتحمد الله عبادة
لابد يوم به فراق المحبين **** يامن غضر عوده وادنا حصاده.
^
^
هاذي الحرمه والا فلا
ياكذا الوفاء والا بلاش ههههه
اتمنى يكون الموضوع اعجبكم
تحياتي
رد مع اقتباس
المشاركة الأصلية كتبت بواسطة خالد فراج الشمري
المفضلات