[align=center]صبحكم الله بالخير<<حسب وقت المشاركه
هذا يالربع مرة من المرات
انا وعيال عمي يوم حنا وغدان
كنا نطلع على صكت ام عميد
وندور بساسه والا كلاب <<اعزكم الله
ونقوم نتهوداهن والحرب بيننا سجال نوب ننتصر ونوب ننهزم
من ضمن الحروب اللي صارت بيننا
لقينا مره بس وكان منظره بشع بشكل غير طبيعي
اللون اسود كذاب
الذنب يخلف الله(( مقصوص من جذعه))
الاذان نفس الطبخه ماكوووو<<كويتي الاخ
ابوالشباب لقيناه جالس فوق الجدار مبرد و يتغزل بستنا ((سوسو))
واللي قاهراً ان سوسو فاكه معه
فسوينا اجتماع انا وعيال عمي من شان نأدبه
وش الراي......استقر الراي انا نخرش قلبه ونطلعه من الحاره
قمنا وكل خذا مهداده
اللي نبيطه واللي رضمه حديهم خبيل سارق مسدس ابوه
وش عندك يافلان قال يمكن يجيب عيال عمه((ربي لك الحمد))
المهم سوينا انتشار سريع حول الجدار وتبدا ساعة الصفر
واشوحه بالنبيطه ((الشوح هو الضرب بشكل مفاجئ ))
انا شحته يمار محذا مكانه
حتى غبرته مانشوفه!!! ((لانه يركض على بلاط))
وهي لك تطير قريش وراو ويلقطه حديهم بالرضمه
يمار جاي يزحف على جنب ويبنط بالجدار
ويقمز ويشغل البخاخات ويمغط km
مافطن الا دغفق ((ولد الجيران)) قدامه
ويسحب السايد ويعقد بساسان عقدتين ونص
ويحطه بثنين ويمغط ما امداه يحطه بثالث الا انا بوجهه
والخه بلي حديده بين العيون يمار هو من صيد امس
ونجتمع نقلبه يمين يسار يمار ماش ميت (الله يرحمه)
وش الراي ياعيال قالوا نوديه للطبيب
قلت خبول انتم اذا وديناه الطبيب
يعلمون الشرطه و يقولون انتم اللي ذبحتوه ويذبحوننا
لكن خلونا ندفنه ولا من شاف ولا من دري ((ذهين الله يخلف))
والله ونروح ونحفر له قبر ونجيب لنا شرشف ونكفنه وندفنه
واصير امام لهم ونصلي عليه
والظاهر انه ماسويت قبلنا
[/align]
رد مع اقتباس
جريمه في وضح النهار
معصبه بقوووووووووووووووووه 
حلال 
المشاركة الأصلية كتبت بواسطة مغترب بالشمال
المفضلات