ما يغيض الحليم إلاّ خسـيس الكـلام
[align=center]السلام عليكم ورحمة الله وبركاته
هذي القصيدة وجدتها مع اوراقي و لا ادري لمين
او تخوني الذاكره في اسم قائلها
ومن يعرف قائلها فل يخبرنا عنه
حبيت انقلها لكم لانها تستحق القراءه
********
ما يغيض الحليم إلاّ خسـيس الكـلام
وما يغـيض الخسـيس إلا ّسـكـوت الحـليـم
وما يغـث الكــريم إلا ّ حـقـيـــر اللئام
وما يـغـث اللـئـام إلا ّ عَــفـُـوّ ٍ كــريـم
والله إن ابـتـذار الـعـفـْـوِ .. شر انـتـقــام
خصِّ لا صـار خصـمـك ما يشـرّف خصــيم
النـفـوس الكــريمـه ما تعرف الخصـام
من يعـرف الكرامه ما يـخــــاصـم أثيــم
من أجَـلّ المكارم اصطـفاء الكـرام
ومن كمال الـمــروءه اجـتـناب اللئـيـم
الـردي لا حـشـمتـه ما يـرد الـوئام
والكفــو لـو ترده جــاك رده حـشــيم
البشر باخـتلاف اقسـامهـم كالسهـام
منهم المسـتميــل .. وفيهــم المسـتـقيم
ليتهم يوقـنـون .. ويتّـقـون الحـرام
زي ما يـمرقــون .. ويرمقــون الحـريم
وليتهم يعـلمون .. ويعـملون بســلام
كثر مـا يجهـلون .. ويلـهجـون الحـميــم
من عـيـوب الأوادم الجهل بالـتـمـام
والـجـهل بالأوادم ما يعـيــب الـتـمـيـم
غاب عنهم بلاغ المصطـفى للـغــلام
مشكلتهـم عقـيـمـه ..والـجهل ذا عقـيـم
من قديم الزمان وحالهم حــال حــام
والجهل محـتـويهــم من زمــان ٍ قـديـم
من حَـسـَـدهم عرفت إني رفيع المقام
أيــه لولا حَسـَدهم مـا عـرفـني قـويــم
بارك الله حَسـَدهم عـد وبل الغـمـام
والله لــولا وجـوده ما يـبــيـن النعـيــم
ما تبين النجوم .. إلاّ يبـين الظـلام
والحـسد لو تـوارى .. ما تـراءى عـظـيــم
طــولة البال تبــلغ بالأمـل ما يــــرام
وطـولة العمر تـقـطع ما يدوم .. ويـديــم
نرتجي بالســلامـه ما يـجـيب السقـام
ونتـّقي ما يـجـيـب السّـقُـم لو هو سلـيـم
ما شكيت الطعون وْلا طعنت الشِـيـَام
لـي مصـابي ولـي من مـطـعـني ما يشــيم
الرضى بالـمصـايب هو شفــاء الآلام
والسخط من شـفـاها هـو مُـصـاب ٍ ألـيــم
كلمة ٍ في لساني قلتها والســلالالالام
والله لولا الـمــراره ما عـرفـت الطـعـيــم
وانت ياللي تشوف الناس مثل الحطام
ما نـفـعـك الغــرور .. وْلا خـدمك الخـديـم
الـتـواضــع يدل انك رفـيــع الـمــقــام
والـتـعــالي يدل انك وضـيــع ٍ ذمـيـــم
لا يغـرك صعـــود الشيّ دون انـعـــدام
كـلِّ ما خـفِّ وزن الشـيّ يصـبـح عـــديـم
كالدُخـان ايتـصـاعد من بيوت الكـرام
والكـتــاب الـمـنـزّل تـحتِ وهـوَ العظــيم
قلـتـهـا واللي يفـهـم ينـتـبه للكــلام
والرجــل لا تصـيـقــه تـدري انه فـهـيـــم
ودمتم بخير
جرح الايام
[/align]
رد مع اقتباس
المفضلات