[align=center]
بعد الإنتهاء من المعركة وإنتصار شمر، تغنى الشعراء بهذا النصر الكبير...قال الأمير عبدالعزيز الرشيد لواحد من أخوياه رح لحايل وعلم الأميرحمود العبيد تراه ما ينام و بشره بالنصر وعزه بالعيال وخذ هالبيتين :
يــا هـيـه يــا راكـــب ا لـمـرسـول
سلم على ساهر الليلي
قــل ابــن صـبـاح وبــن سـعــدون
وبن سعود وباالخيلي
كـسـرتـهـم في نهار الكــون
بعيال شمر على الخيلي
اركــض وراهم تقل مـجـنـون
سبحان ربى مسوينـي
وله ايضاً :
راع الجمل دلاّ يصيح
واللي على راسه رماه
ياأهل الرمك مالي نطيح
وعجزت من باق الحياه
ويوم وصل الرسول للأمير حمود العبيد ..تألم حمود لوفاة ابناؤه لكنه فرح للنصر المتحقق فقال::
عزاه ياقلب من العام ملهود
ولا جت علوم الغزو ينساح باله
وإلى أبطوا الطرشان تلقاه منكود
مثل العضيض اللي يحسب لياله
والله لولا حبكم يافتى الجود
لا حج بيت الله واصلى قباله
يالله ياللي للمخاليق معبود
يا الواحد اللي كل حي يسأله
تجعل سهمنا يمت الضد مقيود
بسلامة اللي وافياتٍ اخصاله
عبدالعزيز اللي على الحرب والكود
يصبر كما تصبر عرايب جماله
عطاه ربه خلةٍ مثل داوود
لين اقلوب الترك له وإستماله
الله يعين الخيل ويقوي القود
عليه لا منه تعلى رحاله
من العام غزاي على خير وسعود
ما ديرة إلا نبا له ظلاله
ماكن له في حايل فرش ماهود
ومجالسٍ وان جيتهن حي فاله
والى فتق فتق وهو كان مسدود
مثل الجمل يقطع بزوره شماله
شره على نفسه وحنا لنا الزود
يذبح بحيل الله ويوخذ حلاله
وإن ما مضى شئ ترى الحكي مردود
انشد بريدة وإنشد اللي حواله
ليامنّ امير خان بالحلف وعهود
امارته على يدينا زواله
واللي تمنا حربنا ماهوب مردود
من حربنا ما حصل إلا الرزاله
تر حربنا مثل البحر ما بها زود
الغبه اللي موجها فوق جاله
داخله مفقود وطالعه مولود
ما اهبلك ياللي خابره وتعناله
وش عندنا يالربع لدعيج وحمود
وعريب دارٍ يوم تطرد اشغاله
يقول مالي يوم اجي نجد مقصود
إلا الأمير احولُه من جباله
وابوه ما كبر فزته يافتى الجود
وابوه لو هو حالمه كيف قاله
هو ما درى أن اجبالنا الحمر والسود
عين على الطباخ في كل حاله
وابوه مانا خابر يطلب العود
ولا عندنا له قالةٍ به مقاله
غره سلاحه خمسة آلاف بارود
ومطير وسبيع ويامٍ صياله
مثل الحبوش اللي يسوقون محمود
وأهلكهم الباري بعزة جلاله
نقلهم الله لين جو حول أبا الدود
ومن دمهم هاك الطعاميس ساله
حامو عليهم بالبواريد وفرود
ومبارك(ن) نجاه ربه الحاله
ماله شبيه(ن) كود فرعون العود
اللي نجا والقوم غرقة قباله
وفرعون المذكور وإبليس وقرود
أطيب منه وأذرب منه في فعاله
ما هاب من ربه ولا خاف منقود
أمه لقع قلبه وشمت بخاله
شيبان أخوانه مصلين ورقود
في فرشهم ذبحوا بليلٍ غياله
وإن كان عند أمه جنيهات وعقود
لازم يغوله مثل غولة عياله
ونكس على ربعه يخسره بمنقود
من لا ذبح منهم خذا شطر ماله
((خلوه بكويته )) وراحوا على النود
وكلٍ زبن له ديرةٍ في حلاله
ويقول كذلك مفضي السلمي:-
يالله أنك تعـز الشيـخ وتدلـه
تجعله طلبة للعبد ومجابه
يوم جانا أخو مريم وربع(ن) له
هيض مطير والعجمان وأجنابه
جاك شرهاً على حايل يبي ظله
ما درى أنه بلاد دونها لا به
حايل ٍ حايل ٍ كل ٍ يبـي ظلـه
مار أبو متعب بالسيف عيابه
وين فيصل وشرب الكيف بالدله
ماثنى سابقه لارحم من جابه
وين سعـدون مارده العبـدالله
يوم حامت عليه الخيل ماثابه
ويقول العزي بن عبيد راعي البره:-
يا مزنه غرا نشـت مـن مغيبـه
ترعد وتبرق ساقها رب الأرباب
ترمى السخط قيدت على من تصيبه
بأركانها تسمع كما ضرب الاطواب
همت ودمـت وادلهمـت غضيـه
استثقلت باللي للأرواح جذاب
تبى الحريب اللي دنا من حريبـه
ابن صباح اللي تعرض للأسباب
من كل غـواص وسيـب يجيبـه
وباللي يحدقون السمك زام حراب
وعريب الدار وكل من يلتجي بـه
وراع النفاق ومارج الدين ما غاب
ومجموعة العجمان واللي حضيبـه
مع الدويش وماتلاهم والاجناب
والمنتفـق وبـن شريـم ونسيبـه
وسكانة النقرة وسالم وغصاب
-----------------------------------------------------
بعض المعلومات التي لم تذكر عن هذه المعركةأحببت أيرادها للفائدة :
1- ماجد الحمود رحمه الله تعالى لم يقتل في الصريف وأنما أصيب ومرض بعد تلك المعركة الشاهد
قصيدة والده حمود العبيد
هلا هلا بيك يالوجعان .... ياللي صوابك جرح كبدي
ياخو الطريحين بالميدان .... اللي سبايبهم الربدي
2- من المشاهد المهمة في تلك المعركة :
(( تحويلة شمر بالعمّارِيات ))
والعمّارِيات هن البنات اللي يرقصن قدام الجيش تحفيزاً للشباب هل الخيل على الأقدام على الموت وعدم الخوف والتراجع .
وقد حولوا عيال الطنايا بسبع بنات عمّارِيات مع جيش ابن صباح وكل واحدة حولة بوجه فارس من فريس شمر وقد حرص أبناء الطنايا على حفض كرامة تلك البنات والعوده بهن الى حائل وأكرامهن ومن ثم أعادوهن الى أهلهن سالمات على سلم العرب. والذي تخلى عنه الكثير في ذلك الزمان .
وكانت إحدى تلك العماريات هي أبنة الشيخ ابن نقادان أمير العذبة من بني مره , والتي قال لها عبدالعزيز بن رشيد يوم حولوه وين ربعك ماأعذروا دونك ؟؟؟! قالت يامحفوظ جوهم ناسٍ مايقبلون العذر .
ثم أنشدت قصيدتها المشهورة :
يانور عيني ياهل لبده
ياللي على الجمع دلاّقه
ابن صباح أنهبد هبده
سعدون ماطلّق نياقه
هرج صحيح وله زبده
ماهي سواليف ملاّقه
حلت باطاريفهم عبده
والأسلم حماية الساقه
* للمعلومية حول هذه القصيدة فقد كتب عنها مع الأسف كل من
1- الشاعر طلال السعيد
2- والباحث ابو عبدالرحمن بن عقيل الظاهري
3- والباحث عبدالله الدويش
وقالوا أنها للأمير/ عبدالعزيز المتعب وهذا خطاء والصحيح هو ماذكرفي الأعلى
3- كان للصخريات قائد يقودهن من العجمان مع شمر وفي ذلك اليوم اعطى بن رشيد القيادة لغيره خوفا من أن تثور حميته مع بني عمه , فبكا وقال يامحفوظ شمر اليوم عندي ألزم من العجمان وعلى الفور رده الأمير مع قادة الصخريات .
تحياتي للجميع
صدى (ابوديمه) الجبلين[/align]
رد مع اقتباس
المفضلات