[font=Arial][align=center]قبل حقبه من الزمن ( بالعربي مبطي ) وبوسط حارة من حواري الرياض القديمه
كان فيه قطعة وغدان ( شنقل والمحروم والشبث والاصيل والمطنوخ )
وكل يوم يلعبون كوره بوسط الحاره
والملفت للنظر ان هالحارة مابه جنس ناعم ابد ابد
وبيوم من الايام نزل بالحارة جارن جديد ولاعندوه الا بنيه ( ياقرد حظي )
وكل يوم تروح البنيه تراعي للوغدان وهم يلعبون ( على باله يعتبرونه اختهم )
والعيال اذا شافوه يطيرون بالخضيرا ( ياعمري يالشعور المتبادل )
وكلن يشد حيلوه ويكرب على عمروه من باب النذخ
وصار شنقل يموت فيها
والمحروم ياخوينة حظي هاااااااااااااايم
والشبث رهن عمره ( حتى هذا يعرف العشق )
والاصيل يسهر الليل على شانه ( هو سهرانن بليا )
والمطنوخ صار بس على جدار بيتهم ( ياحلولات يالنعله )
وصاروا يجون الظهر بدال العصر علشان يطولون باللعب ويشبعون من شوفه هي وضروسه اللي
تقل ضروس جرذي
وليا لعبو انواع التكسير وانواع التشويت وكله لعيون ام خلاقين ( والله هم ازين منه )
وكل واحدن منهم يحسب انوه هو فارس احلامه ( جاين من بعييييييييد على حمارن خضر )
ولحد يدري عن الثاني
وبيوم من الايام وهم يلعبون وهديفتهم رابضتن تراعيلهم
شات الشبث الكوره بووووووز حما حيلوه ( بعد صبعي هالصبع ) وهي تجي بفرة الغضي
دعج الاعياااان ( صار دعج الفرة )
وهم يزعلون الشباب وهم يتكومون عليه
ودب وضرب وعض ولهي خليتن من رفس وجضع ودربااااة
الوكاد ماقاموا منوه الا وهم خابصين وجهوه ليما غدا تقل عجينتن واطيه ديتس
ويوم ابعدوا عنوه
قال المطنوخ تسلمون يا شباب والله ما انسالكم هالمعروف
قال شنقل وش معروفه ؟
قال المطنوخ يوم فزعتولي على اللي ضرب حبيبة القلب
وهو يشهق هكا الشهقه اللي من اخر المصرااان الاعور الاورطي اللي حول التسبد
وهو يصفقوه المحروم بالكندره ليمار طابعن مقاس الكندره على جبهتوه
قال شنقل تسلم يالمحروم وجاك هيلاهبي الاصفر عطية ما من وراه جزيه
عقب ماضربت اللي يبي الغاليه
ومامداوه قاله ليمار الاصيل غامتوه بالفانيله من امس ليما خلاوه مصفور
وهي تصفي بين الاصيل والمحروه
قال الاصيل وانت يالمحروم تبي هالبنت ؟
وهو يعض لسانوه المحرووم وهم يتقاضبون الشوش ليما جاء المغرب
وهو يمرهم مطوع الحارة وهو يمردغهم ومسكهم باذانهم
وهو يوديهم لبيوت اهلهم
وهو يرجع لشنقل والمطنوخ وهو يجرهم برجلينهم يم اهلهم
الا الشبث المسكين اللي الى صلاة العشاء وهو بمكبة الحارة ( خنة حيلي لا والي ولا دزالي )
وتقلدوا تحيتي من مكبة الحارة ..... [/[/align]font]
رد مع اقتباس
لكن سرد فوق الرائع 
[/align]
[/align]
المفضلات