[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
(( نفوس الحماقه ))
كان شعري بالجزايل ثور أنفوس الحماقه = يبشرون ان قاله الله بالمطارق .. والحروق
باقي(ن) للحق قيمه .. باقي(ن) قدر .. وشفاقه = مايصح الاالصحيح .. ولا تخاف .. ولا تبوق
مابقى للكذب باب .. ولابقى للكذب طاقه = مابقى للكذب قيمه بالزمن ماله شفوق
الحقيقه تقطع أنفاس الكذايب .. في عناقه = ماتت أحلوم الكذوب .. ولابقى غير الصدوق
شاعر(ن) دايم طموحه من بدايات أنطلاقه = مثل ماقال المثل ماللحقوق .. الا الحلوق
ما أستعار أسم(ن) يرادف لاأسمه اللي باالبطاقه = أسمه خليف الجهيلي بكل صراحه .. وكل وثوق
عارف أقلام الصحافه .. والثقافه .. في لباقه = والشعر مثل النخل لامن تدلا .. بالعذوق
كل شاعر يقطف اللي لاق من عذقه .. وشاقه = مثل هتان السحابه له رعيد .. وله بروق
بالقصايد له منافس يعلن بساحة .. سباقه = واللزز كل(ن) وخيله تطلع أبيدها .. السبوق
مع قصيده .. وكل جمهوره .. وقراءه .. علاقه = ترّبط بصدق المشاعر شبه عاشق .. ومعشوق
مثل وضّح الشمس شعره ماأنكسر عضمه .. وساقه = لاتغنى بالجزايل قوة أبياته .. تفوق
سامح الله شلة(ن) زادت بها نار أحتراقه = أفهموني بالقصايد .. والمعاني .. والطروق
ليه شعري ؟ حسبي الله عندهم مر(ن) .. مذاقه = جعل شعري يذبح العذال ويزيد .. الفتوق
أسمعوني يالعواذل ياقليلين .. الوفاقه = ماتبلون الحلوق .. ولاتبلون العروق
شلة(ن) خابت أعلومه .. تركض بليا .. لياقه = خابت أعلوم الهقاوي .. وخابت أعلوم الفسوق
جوني العذال تضحك باأبتسامات .. ونفاقه = عارف(ن) سود النوايا .. وعارف(ن) طيب الخفوق
جوني عذال القصايد كلهم غش .. وطفاقه = ينقد اجزال القصيد .. وخاين النيه يبوق
وش علينا جعلهم لقريح .. وبليس .. وفراقه = مايبلون الكبود من الحماقه .. والحموق
كان شعري بالجزايل يحّرق الروس .. بحماقه = نكوي العله بروسه بالمطارق .. والحروق
الشاعر/
خليف الجهيلي[/poem]
رد مع اقتباس
المفضلات