[align=center]اخواني الاعضاء والمشرفين والزوار وجميع من في الشبكة
السلام عليكم ورحمة الله وبركاته
حبيت اني انقل لكم موضوع جدا مهم وفيه الكثير بوقتنا يجهلون خطورته بصراحه هو ماهو موضوع جديد لكن اليوم فيه مستجدات شفتها انا وراح تشوفونها اليوم كلكم ومنكم اللي شافها قبل كذا المهم انا اتكلم عن نفسي بصراحه اول ما شفتها حنيت على المصابين بهذا المرض وحمدت الله اللي عافاني مما ابتلاهم فيه .
اخواني ما ابي اطول عليكم موضوعنا هو عن الدخان اللي بصراحه بدت ظاهرته تكبر وتكبر لين ما وصلت لحاله يصعب السيطره عليها الا بفضل الله ثم بجهود المتعاونين والمصابين فيه. ابي اوجه رساله للمدخن واقول له
انت هالحين يا مدخن وش خليت من الحياء وانت اذا طفرت وما معاك فلوس تجيب دخان تشحذ سيجارة لها لدرجه الدخان خلاك ما تستحي وتهين نفسك علشان سيجارة قدام اللي يسوى واللي ما يسوى لا وزودن على هذا كله على كلام المدخنين يقولون ان السيجارة الله يكرمكم ما تحلا الا بدورة المياه اعزكم الله . لهالدرجه يعني فيه اكبر من هالاهانه هذي .
يا شباب انتم الحين بعافية وصحه ونعمه ولله الحمد والله غيركم ما لقاها ومحروم منها طيب عندي سؤال ابي اساله لكل مدخن ( انت هالحين ليش تدخن ؟ يعني ابي منك فائده وحده من التدخين ؟)
وش توقعون راح يكون جوابه . ما تدرون انا راح اقولكم وشي فوائد التدخين:
1- يقصر العمر .
2- يجفل اللي حواليك من ريحتك (يعني يخلي اللي حواليك ما يطيقون ريحتك خاصه المدام اذا كنت متزوج) .
3- يجيب لك امراض واولها السرطان .
4- تخسر فلوسك وتهين نفسك علشان السيجارة .
5- واهم سبب عيالك يقلدونك ليا كبروا . تبي الشي هذا؟
وغيره وغيره . يمكن واحد منكم يقول انا ربي منعم علي وادخن علشان ارفه عن نفسي شوي . لا يا بابا من ناحية انه يرفه عنك هذا كذب اللي دخنوا كلهم شوف كلهم يقولون ما لقينا به فايده وحده وكلهم يقولون كذب اللي يقول انه يرفه عن نفسه بالسيجاره ومن ناحية ان الله منعم عليك تاكد دامك تدخن هالنعمه راح تزول والله سبحانه وتعالى يبي يسوقه لواحد غيرك احوج منك به . اسمعوا هالسالفه اللي سمعته من زمان وذكره لي الوالد الله يطول عمره يقولك فيه واحد خطب يبي يتزوج ويوم وافقت البنت وصار العرس طبعا البنت ما تدري انه يدخن وبعد فتره درت المهم البنت غاليه عليه مره وتقرب له المهم قالت له تعال ابي منك طلب قال ابشري قالت ابيك اذا بغيت تشتري بكت دخان بخمسه تعطيني قيمته يعني عشرة ريال خمسه للبكت وخمسه ريال له قال ما طلبتي شي لو تبين اعطيك عشرين مو بس خمسه قالت لا ما ابي غير الخمسه المهم صار كل ما يشتري بكت بخمسه يعطي المدام خمسه وجلسوا على هالحال فتره وجوهم عيال وبعد تقريبا فتره الرجال طفر وصار ما يدبر الخمسه اللي يشتري به بكت دخان المهم المدام شافت حالته كذا راحت وجابت كيس مليان كله خمسات ومسكته وجت تبي تصلقه بالنار يعني تبي تفضيه بالنار شافه وقال تعالي يالخبله انتي مجنونه وش تبين تسوين قالت هذا الكيس انت اللي مليته من جيبك والحين ابي احرقه بالنار زي ما كنت انت تسوي قال اصلا انا ما عمري احرقت شي بالنار من فلوسي قالت بالعكس انت كنت كل يوم تحرق واللي احرقتهم انت كثر هذولا بالظبط من يوم خذيتك ودريت انك تدخن.
طيب اخوي انت هالحين لو جيت تبي تخطب وتبي تزوج توقع ابو البنت اول شي وش عنه يبي يسالك انت موظف؟ او كم راتبك؟ لا اول سؤال انا متاكد انه انت تدخن؟
يا شباب انصحكم نصيحة اخو مو نصيحة واحد يرسل ويشارك بالمنتدى بس .
تكفون اتركوا الدخان بس مو هالحين بعد ما تشوفون هالمقاطع هذي واللي اعرفهم كلهم ولله الحمد تركوا الدخان والسبب هالمقاطع وكلنا ياللي بالمنتدى ما نتمنى نشوف خويانا او ربعنا او من اهلنا احد
بهالمنظر واليكم روابطها
الاول واحد من اهل جيزان اسمه مسعود[/align][ramv]العم مسعود[/ramv]
[align=center]والثاني لواحد من اهل المدينه المنورة اسمه صالح الطويلعي[/align] [ramv]مسعود وصالح الطويلعي[/ramv]
[align=center]وتقبلوا خالص التحية مني / عم محمد
اذا ما طلع شي من المقاطع الرجاء اعطائي خبر[/align]
رد مع اقتباس
المفضلات