مــــــــزاج الــــقــــــــلـــــــــــب
[frame="10 80"][align=center]
سلام الله عليكم سلام يطيب الخاطر ..
معه أجمل ورودي بطرف السطر مقرونه ..
أجاوب داعي المعنى بطيب حروف شاعر ..
عرفنا زهرة الفكرة ووطنها وكيف يجنونه ..
أمورٍ ما جهلناها وجهلنا وش لنا فباكر ..
أذلل خطوتي وأمشي ولو دربي يسدونه ..
صحيح إني كتبت الشعر وابل فيض خاطر ..
ولكن هذا ما يعني رداة القلب وشجونه ..
رسمت الحب في قلبي وفا وطيوره تهاجر ..
نزفت الحرف من جرحي ولا قدروا يداوونه ..
نعم عندي حلم وردي يعانق حظي العاثر ..
رسمته بنبض قلبي دفا والبرد مجنونه ..
ونعم حبيت وقلبي بعطر العشق ثاير ..
وأنا كلي تربيت وسط طيب ٍ يخبرونه ..
حروفي تعتلي جوي سحايب عطرها ماطر ..
طعمها سم سكر هل الشيمة يشربونه ..
كتبت كثير لكن بقي أكثر معي ساهر ..
أبكتب لين يتحول مزاج القلب عن لونه ..
عرفت الجو من حولي ودريت بغلطة الشاطر ..
ندم وإلا تعمدها بيصبر لين ينسونه ..
وعرفت الكل في كل المواجع لاعن وشاكر ..
تدور الدنيا في ليلة يضيع الحق ويخفونه ..
أشوف إن الردى واضح وأمره مر عابر ..
غرق في كل ذله رداه من بين ردونه ..
ومن يصبر ينول الخير ما ينسى وهو خابر ..
ولا الدنيا وقفت للي حدوده عبره مهيونه ..
[/align][/frame]
رد مع اقتباس
المفضلات