سامريات منوعه اهداء الى الصيرمي وراعي الوقيد
السلام عليكم
هذي مجموعة سامريات أعجبتن وحبيت أهديهن لأخواني الصيرمي و راعي الوقيد ولا هانوا اخواني بالمضايف
لا تكاثر جيتي يانظر عيني / سالم بن علي الحربي
الله اللي جابني لك وعنّانـــــــــــــــي *** لاتكاثر جيتي يانظر عينـــــــــــي
بالمودة راجح لك بميزانـــــــــــــــي *** ماشي درب مشوه المحبينــــــــي
مادريت إنك عدو وقومانــــــــــــي *** أحسب اني مثل ما أغليك تغليني
قلب يبغضني وقلب يتمنانـــــــــــــي*** وأثر لك يامتلف الروح قلبينــــي
كزّة المرسول كله على شانــــــــــي *** كم هنوف عند أهلها تمنينـــــي
ربي المعبود ماعاد ينســــانــــــــــي *** تحسب إن الله قطوع يخلينــــي
يوم تكفى الحوض في وجه ضمياني*** تحسب إنك يوم قفيت كاوينــي
ياطير ياخافق الريش / فهد بورسلي
بلغ سلامي وثنّـــــه *** ياطـــــير ياخافق الريش
اللي سبا العقــــل فنه *** ثنه على أبو عكـــاريش
من شافهن يذبحنــــه *** ابو عيــــون مراييـــــش
ويلي على مزهّنــــــه *** ابو ثنايا مراهيــــــــش
ريحه زباد وخنّـــــــه *** وقذيلته كنهــــا الريش
في روشن يدهلنّـــــــه *** جيته يهل العكـــاريش
ومن الضمــــــا يبسنّه *** صملان قلبي معاطيش
ومن الضمــــــا يبسنّه *** لولاه انا كان ما أعيش
ياجر قلبي جر لدن الغصوني /دخيل الله بن مرضي الدجيما الروقي
وغصون سدر جرها السيل جـــرا***ياجر قلبي جر لدن الغصـــــــــــــونــــي
على غدير تحته الما يقــــــــــــرا *** وأهله من أول بلــــــــــــورق يورقونـــي
والعصر من بين الفريقين مـــــرا *** على الذي مشيـــــــــــــــه تخط بهونـــي
هجر بها الحيلات عيت تســــــرا *** لا والله اللي بالهـــــــــــــوى هوجرونــي
ولاعايف منــــــهم ولاني مـــورا *** لامبعد عنهم ولاقـــــــــــــــــــــربـونـــي
بيح بصبري لو بغيت اتــــــــــدرا *** وأكثر عذاب القلب يوم سنحــــــــونـــي
كني غريب بالدلوهة مضــــــــرا *** لاضاق صدري قمت اباري الضعوني
والحال من ود الحبيب تبــــــــــرا *** وقلبي عليه اشفق وتبكي عيـــــــــــــوني
يعزا لي ارمي بالسلب واتعــــــرا*** ياعزتا لي من تفرق شطـــــــــــــــونـــي
على هدي الزمل مشيــــــــه تدرا *** ان مت في خد بعيد انقـلـــــــــــــــــونــي
في مستكن الــــروح ماهوب برا *** ان مت في دافي حشاه ادفنـــــــــــــونـي
عن الهبــــــايب مســـــــتكن مذرا *** بين النهــــــــــــود وقدّ روس القرونــي
كان ابعدوا عنــــــــــــي بخير وشرا *** ياليتهــــــــــــــم بالحب ما ولعونــــي
خلوني اقضي حاجتي واتـــــــــدرا *** ولا انهم يوم انهم قـــــــــــــــــــربونـي
وياليتهم مازادوا الحر حـــــــــــــرا *** وياليتهـــــــم في الدرب ماواجهونــي
يون اني اقعد عندهم واتحــــــــــرا *** وياليتهـــــــــــــم عن حاجتي سايلونـي
تقول براق من الصيف ســــــــــــــرا *** الخد برق في علـــــــو المــزونــــي
كني غرير باللهاوي مضـــــــــــــــــرا *** وقفت عنده شابحات عيونـــــــي
عديت في مرقب والليل ممسيني / عبدالهادي بن سعيد بن ثعلي الروقي
بديار غرب لعل السيل ماجاهـــــا *** عديت في مرقب والليل ممسينــــــــي
طيت شنون العرب لاسربوا ماها *** أضحك مع اللي ضحك والهم طاويني
على هنـــوف جديد اللبس يزهــاها *** وراك ماتزعجين الدمع ياعينـــــــــــي
ماتدفي النــــــــار لو حنا وقدنــاهـا *** هبت هبوب شمال وبردها شينــــــــي
وإليا عطشنا شربنا من ثناياهــــــا *** مايدفي الا حشا مريوشة العينــــــــــي
ياقرد عين المشقا كيف يقواهـــــــا *** أبو عيون اليا سلهم تناجينـــــــــــــــــي
داجت على عقلة والورد ماجـاهــا *** ياشبه وضحا فتاة دلها زينــــــــــــــــي
مخباط صمعا جليل الفخذ يشظاها *** ياعل من شار بالفرقى عمى العينـــي
وأتلى حلاله ذلول راح يطلاهـــــــــا *** جعله حسير كسير وراكبه دينـــــي
البارحة ساهر والدمع يجري / سليمان بن شريم
والقــــــــــــــــــلب حزن على فرقا حبيبه *** البارحة ساهر والدمــــــــــــع يجري
واللــــــــــــــي سرى بالغداري يقتدي به *** كريم يـــابارق ينوض حـــــــــــدري
عسى طروش البـــــــــــــوادي ترتوي به *** واللـــي ضرب وادي خلاه يــجري
حسبي علــى البشت واللي غرني بــــــــه *** متخفي لابس لــــــه بشـــــت بدري
بري النــجاجير عيدان صليبــــــــــــــــــه *** يامدمج الساق حالي مــــــنك مبري
مثل السفايف عــلى كور النجيبـــــــــــــه *** ابو قرون تغــــــــــــــذى بالشمطري
ترمي بالاسباب ويل اللـــي تصيبـــــــه *** ابو عيون ليا دلّـــــــــــــــــت تخزري
والا القمر لا انتحـــــــــــى يبغي مغيبه *** بو خديد يشــــــــــــــــادي نجم فجري
ويمزّع الـــثوب من حال غصيبـــــــــه *** ابو نهيد كما الـــفنجال زبـــــــــــــري
عن غض الانهاد منـــهو من نصيبــــه *** ياليتني عالـــــــــــــــــــم للغيب وادري
انهب صخيف الــحشا ثم أغدي بــــــــه *** ياليتني حايـــــف ويقال خبــــــــــري
واللي يتغلا عــلينا وش نبيبـــــــــــــــــه *** من طاب لي طبت لـــه والــكل يدري
تكفون حطـي على قبري نصيبــــــــــه *** ان مت حطو بد رب البيض قــبــري
قفا بلا سبة ربـــــــــــــــــــــــي حسيبه *** يامن يرد الحبــــــيب ويــــــــاخذ اجري
والعبد لزم تــــــــــــــــــــــرى ياخذ نصيبه*** ماقدر الله على المـــــخــلوق يجري
لعل ماصابــــــــــــــــــــــــــني منه يصيبه *** وآقوّ ماصابني وآقـــــــوّ صبــــري
كل عــــــــــــــــــــــلى قد حاله تعتني به*** يالله طلباك مغني كــــل فقــــــــــــري
واسمحولنا من القصور والتكرار
تحياتو
رد مع اقتباس
المفضلات