القهـــــــــــوه

**ظبيانيه** · 09-02-2002 14:03

لمدمنين جميع انواع القهوه مثلي اقدم الكم هالوصفات للقهوه وانشالله يارب تعجبكم يااااااااااارب

قهوة موكا السويسرية (جنها ماركة ساعه)
المقادير:
كوب قهوة سريعة التحضير (نسكافيه أو أي ماركه مشابهه)
كوب سكر
كوبين حليب بودره منزوع الدسم
اربع ملاعق شاي كاكاو

الطريقه:
تخلط جميع المقادير وتحفظ في وعاء وعند الاستعمال توضع ملعقتين او ملعقتان ونصف (ملعقة شاي) من القهوه للكوب الواحد ويوضع عليه الاء المغلي

قهوة فيينا

المقادير:
كوب من القهوه سريعة التحضير
كوب او ثلث كوب سكر
كوب او ثلث كوب حليب بودره منزوع الدسم
ملعقة شاي قرفه

الطريقه:
نفس طريقه القهوه السابقه

قهوة التوفي

المقادير
كوب قهوه سريعة التحضير
كوب حليب بودره منزوع الدسم
نصف كوب سكر بني

الطريقه:
نفس الطريقه الاولى

قهوة بنكهة النعناع

المقادير:
ثلث كوب مبيض القهوة
ثلث كوب سكر
ثلث كوب قهوه سريعة التحضير
ملعقتين طعام بودرة الكاكاو
ملعقهونصف نعناع جاف مطحون

الطريقة
نفس الطريقة السابقة

**عبدالعزيز** · 09-02-2002 14:58

وعندي إضافة

قهوة السناعيس
تحضرين المطباخة وتضعين فيها مقدار فنجالين من القهوه
وعندما (تنجش) يعني تطبخ لفترة تزلينه على المبهارة
وتضعين مقدار ربع فنجال هيل وتجعلينه يغلي شوووووين
وبعدها مشروب الهناء والشفار

ملاحضة(طريقة التحضير حقوقها محفوضة لجدتي موضي الله يرحمه )

**ظبيانيه** · 09-02-2002 15:01

خالي بو صياح

الا هذي تنجش رهيبه

بس بزيد عليك حط على القهوع مع الهال مسمار (قرنفل) شويه بس واذا تبا بعد زعفران شوي ياسلااااااااااام

بتخبرك اتكلم عن القهوه السويسريه انا دخلنا في القهوه العربيه

**ظبيانيه** · 09-02-2002 16:16

بوصياح انته لازم تكتب عن الشاي الصراحه دام انه حذال اسمك استكانه جاهي

**مجموعة إنسان** · 09-02-2002 23:24

عفيه ظبيونه على هالمقهى

وعندك واحد موكا سويييييييييييييييييييسري

شكل السويسريه بتطلع رهيبه

وفرع جدة ابو صياح موضي الله يرحمه ماعنه غناة كل عصر

ههههههههههههه:confused:

**فوفو** · 10-02-2002 01:35

وهذي وحدة:D:D

**ظبيانيه** · 10-02-2002 05:21

مجموعة انسان

فوفو

تسلمون والله

وشكلي بحط دلة قهوة لوجو

**عبدالعزيز** · 10-02-2002 06:11

هااااااء أححححححححححح..يابنات......هاااااء أح أححح أححححححح ......................تغطن .....تغطي يافوفو........أنا انا ابوصياح

أولا ياظبيانية مفروض ماتقولين خالي -لأني شاب
وأنا إذا قلتلك خالتي فهذا تقدير لكبر سنك اللي وصلت الـ60 :D
(هذا من كلامك بأحد تعقيباتك)

هذا للتوضيح بشأن الخال

أما الزعفران والقرنفل ماأرغبهن مع القهوة

وبعدين مجموعة إنسان
الله واكبر تقل يعني تعرفين................موا سويييييييييييييييييييسري
الله يرحم مزنة :p :p
خليك زي فوفو عقبت ولاتدري وش السالفة ....... حرام .........ولاحلال هالقهوة الكيفرانية

**ظبيانيه** · 10-02-2002 06:27

خالي بو صياح

اووووووووووه اسفه قصدي طوني

انا قبل الستين بسنه يعني 59 بعدني في عز شبابي شو كبرني؟

واللـــــــــــــــــه طلعت قهوه كفرانيه !!! لا اله الا الله

يعني القهوه اللي اييبونها من البرازيل عشان نطحنها ونسويها قهوه عربيه صارت اسلاميه؟!!

سبحان الله

:D :D :D

تسلم على الرد دومها ردودك مميزه غير شكل