قصة حزينة "نبش القبور"
[align=center]بسم الله الرحمن الرحيم[/align]
[align=center]الحمد لله رب العالمين .. والصلاة والسلام على أشرف الأنبياء والمرسلين .. سيدنا ونبينا محمد وعلى آله وصحبه أجمعين ليوم الدين أما بعد ..
هذه يامحفوظين السلامة قصة عن أخوين في حدا هالبلدان العربية بدون ذكر أسامي .. المهم هالأخوين وش سووا .. مات أبوهم .. صلوا عليه صلاة الظهر .. والجاحدين يمثلون إنهم زعلانين عشان أبوهم .. الله ينتقم منهم .. المهم والكايد إنهم عقب الدفان وتوه قبر أبوهم مانشف ترابه .. جوا للقبر حول المغرب ونبشوا قبر أبوهم عشان يبصمون جثة أبوهم على أوراق الورث والوصية .. لعنبوا ابليسهم رجال ميت تبصمونه على أوراق .. كذا الفلوس تعمي قلوب الأوادم .. لابو هالفلوس اللي تسود في قلوب العباد .. وحكمة الله إن ربي أرسلهم ناس شافوا الجريمة ودقوا على الشرطة ومسكوهم وهم هناك .. أنا يوم سمعت هالقصة قشعر جسمي .. وماجاني النوم هاك الليلة لين ماكتبت اللي بخاطري .. هذه خاطرة كتبتها إنشاء الله إنها تعبر عن الموقف وجعلها تجوز لكم .. والله يحفظ عيال المسلمين من عمى القلوب ..
- - - - - - - - - - - - - - - - - - - - - - -[/align]
[poem=font="Simplified Arabic,6,white,bold,normal" bkcolor="transparent" bkimage="backgrounds/15.gif" border="double,4,blue" type=3 line=1 align=center use=ex num="0,black"]
الزمان غير الزمان
والدنيا ماعاد فيها أمان
والخراب بكل مكان
والخير
حتى الخير
أصبح بميزان
قصة ولكم بحكيها
مدري وشلون أبتدي فيها
أبطالها أرذل خلق ربي
نفوس أخلاقها تجافيها
تخيلوا أخوين
من المشاعر خاليين
مات ابوهم والدفن كان الظهر
وبعد الصلاة جو القبر
يوم أظلم الليل .. واسود نور القمر
إلا وهم بقبر ابوهم نابشين
بيدهم أوراق الوصية
بصموا جثة أبوهم
وقلوبهم ياويلهم من ربي عصية
هذا أكبر ذنب وأكبر خطية
نبش القبور
لجل الطمع
لجل الغرور
آه ياويلهم يوم النشور
هذا أبوكم وسط الكفن
وكذب المشاعر وقت الدفن
ياربي خذ حياتي لقربك
قبل يدور علي الزمن
ياناس وين المشاعر
ماعاد فيه مشاعر
لا ولاقلب شاعر
ونادرٍ مانلاقي شاعر
يكتب بإحساسه حروف
يوصف بها مر الظروف
هذا وأنا ماني شاعرة
لكن وش حيلتي غير نبض الكفوف
ياكثرها في زمنا هالعقوق
ياكثر مانسمع عن ماييبس دمنا بالعروق
ياعديمين المشاعر
لو فديناهم بأرواحنا
مانوفيهم حقوق
يارب دعوة صادقة مني تقول
يارب طول في عمر امي وأبوي
يارب قدرني على برهم
والله أدري ما أوفيهم حقهم
والله حياتي ترخص لهم
أحلف باللي بسط سبعٍ
ورفع سبعٍ بدون أعماد
لو قالوا بنار الدنيا احترقي
والله وأنا ماأبصر لها أنقاد
ونفسي لو جحدتهم يوم
حشى ما أوجه لها لوم
بس بيدي أبنزعها وأقطعها
وقلبي غصب عنه ببرهم ملزوم
مطلبي بس رضى قلبهم عني
لو رضوا والله الفرحة تسكني
ومهما بريتهم أحس إ ني
بحقهم قصرت
جعل ربي لي يخليهم
جعل ربي يحفظهم ويبقيهم
يارب لاتخيب ظنهم فيني
يارب جعلهم يرضون عني
قبل الموت يوافيني
أدري ما أوفيهم
والله ما أوفيهم
يمة يبه أحب رجليكم
جعل عمري يفديكم
ارضوا عني ياهلي
وهذا الرجى فيكم[/poem]
[align=center]وســـلامتــــــــــــكـــــــــــم
أختكم "نــ بنت الفهد ــوف"[/align]
رد مع اقتباس
المفضلات