السلام عليكم ورحمة الله وبركات
مساء الخير أيها الفلاليون
أكتب لكم قصتي هذي عساها ماتعود
صحيت يوم الخميس الساعة 3 صباحاً وصليت الفجر
وبعده رحت للدوام ودوامت ذاك اليوم
وطلعت الساعة 12 الظهر وبعده سافرت لحضور زواج عيال عمتي
في محافظة نطاع تبعد عن النعيرية 25 كيلو متر تقريباً
وبعد العرس الساعة 1:30 صباحاً سافرت للكويت عشان أزور ولد خالي بالمستشفى
ووصلت الساعة 3 صباحاً والمشكلة إني ماقلت لعيال خالي إني جايهم بالكويت
وما أعرف بيتهم في أي مدينة
وللأسف الكويت ماهي زي السعوديه مابه أستراحات على الطريق السريع
وبعد مادخلت الكويت أتصلت على عيال خالي إلا واحد جواله مقطوع والثاني مغلق
وكل ماوقفت واحد أبغى أسئله عن الفنادق عيا يوقف
وحينها تذكرت أخوطنخة
قلت خلن أزهم على أخو طنخه عساه يدلن الطريق
ولك للأسف لا حياة لمن تنادي
وأخذت ساعتين تقريباً أدور الفنادق وما حصلت
ويوم جت الساعة 7 مانمت قلت أزهم على أبوثوب (رقمه أخذته من شبيثان قبل أسبوع)
ومابعد ما أتصلت طلع لي ( وزارة المواصلات ترحب بكم ) شبيثان الهيس معطيني رقم خطأ
قلت أشوف لي مسجد أنام فيه شوين لين يصحون العالم من النوم
وكل ماجيت مسجد إلا بابه مقفول
وجلست راحي جاي مدري وش السالفه إلى الساعة 9 صباحاً
أتصلت لولد خالي ورد آخيراً
قال أنت وينك قلت وش عرفني
الحقيقة إني ضاعت علومي من كثر الدوران والسهر
قال أي مدينة قلت الله أعلم
المهم إنه عرف مكاني آخيراً وجاني ورحت معاه للبيت ونمت وماصحيت إلا العصر
وبعد ماصحيت خليت سيارتي بالمغسلة رحت معاه المستشفى وشفت ولد الخالي
الحمدلله بخير وسلامه
وبعده أتصلت على أخو طنخه
قال: من معي
قلت: واحد
قال: واحد وإلا أثنين
قلت: لا ثلاثة
قال: لاتزعجن أرجوك ترن توي صاحي
قلت: صاحي ولا مجنون
وماسمعت إلا طوط طوط طوط
قفل الخط وأغلق الجوال
وبعده قلت لولد خالي أنا راجع للدوحه
قال يارجال إجلس عندنا اليوم تمشى عندنا وشوف الكويت
قلت لله أول مره وآخر مره
هذي ماهي ديرة
ومشيت على طول ويوم وصلت منفذ النويصيب الحدودي
تذكرت جوازي حطيتوه بسيارة ولد خالي يوم سيارتي بالمغسله
وأتصلت ويجيني بالجواز بعد ساعه تقريباً
قلت هذي القرادة كلها من الكويت والله إنها آخر مره
وبعد ماجيت الخفجي أتصلت لخالي المخاوي
لكن لا حياة لمن تنادي
وبعده أتصلت لشنقل وقال إنه توه واصل من الرياض
وقلت له إني قريب النعيرية وأنا بالخفجي
أرجو السموحه ياشنقل ماودي أكلف عليك عزوبي وتوك جاين من السفر وتعبان
هذه قصتي وآسف على الأطالة
وآخر مره نزوركم يا أهل الكويت
رد مع اقتباس
كلمن وقال البلشت القطري بهذا ويتصل على ويش رايك يابو غازي 
المشاركة الأصلية كتبت بواسطة ابو غازي
المفضلات