[align=center]لكم
لقلوبكم
ودون مقدمـــات[/align]
[poem=font="Simplified Arabic,5,white,normal,normal" bkcolor="black" bkimage="" border="solid,4,white" type=1 line=0 align=center use=ex num="0,black"]
صدام راح ووش بقى بعد صدام=وصار العوض في امة العرب كردي
مدري نعزي دين الاسلام في سام=ولا نهني سام في كسب جندي
عزالله انه فلم من جملة افلام=انتاج صهيوني ماهو فلم هندي
من ضربت اليابان لاحرب فتنام=والقردمات وانجب القرد قردي
ومن سرقت البترول في ذيك الاعوام=حنا طلبنا نص عندك وعندي
جتنا طلايع جيشهم تبني خيام=واثر القواعد تنطبخ طبخ مندي
عشان يضبط فلمهم هدوا اصنام=برجين هدوهن بتصوير سردي
عقبه صدر صك توشح بالاختام=ان احتلال ديار الاسلام يجدي
صالوا على الافغان في حكم الاعدام=وبغداد راحت في سلام وبردي
واليوم عين الكلب تستلطف الشام=وايران يصدر حولها كم بندي
مكه عليها ركزوا حرب الاعلام=غزوا شباب المجتمع بالتفندي
من كيمرت جوال للساقط هشام=واشهر بني علمان سيف يحندي
وام الكباير للنساء صاغوا احكام=ان العبايه من عصور العبندي
وان القياده للمره مطلب هام=ثوري عليهم لاتؤلين جهدي
وش عاد باقي من حضارات الاسلام=دام الفتن عن روسنا ماتهدي
بالعلم والقرأن ماهو بالاحلام=وتوحيد كلمتنا يصير المردي
عبدالله الجعيثن[/poem]
رد مع اقتباس
[/align]
مشرف مضيف الترحيب والتعارف
المفضلات