تكفا ياولد تكفا !!!!!
[align=center]تكفا ياولد تكفا !!!!!
هذا ماحدث لي قبل امس في احد مدن الشرقيه
والله يالربع اول مرتن يحدث لي هالموقف الغريب والمروع في نفس الوقت
هذا طال عمركم رحت لي منطقه لي به شغيلتن بحدى هالدواير الحكوميه وهي المرور وانا اصبحهم الصبح لاوالله مافتحوا قلت خلن امر الصراف ابي اسحب لي قريشات والله وانا اصفط الموتر وما ان حولت وصكرت الباب الا اسمع واحدن يصيح وينخا والله والتفت قفوي لاهكالرجال بالاربعينات من العمر بمقطاع الشارع ناصينن وهو يقطع الشارع متجهن يمي ويقول تكفا ياولد تكفا وجاين يركض انا داخلن على الله ثم عليييك تكفااااا !!! وجهوه مايبشر بخير احووول ولا قوة الا بالله يالله صباح خير وش هالبلوى قلت ياولد عين خير وش وراك قال اقول تكفا انا داخلن على الله ثم عليك وهو يقمز ويحب راسي وخشمي يومنه عاد ضاعت علومي قلت الله يستر عز الله مادخل ونخا من سعه هذا وكاد ان وراوه بلى ,,, واول ماطرى على بالي السلاح قلت هذا وقتوه طبعا رفيدزكم مامعوه غير نبيطة الموذيقلت ياولد دخلت لعن ابو حيك والمشكله اني ادخلتوه وانا ماعرفت وش سالفتوه وطرى علي امورن واجد بهاللحظه حتى الارهابيين طروا على بالي
واخطف نظري وراوه قلت يمكن وراوه ربعن يلحقونوه مار ماشوف احد والرجال مازال ينخا ويمطق الراس والخشم
واتلفت يمين يسار لاوالله ماحولنا احد وانا امسكوه واجودوه مضبوط قلت ياولد انت وش سالفتك علمن قال انت تشوف السوبر اللي بمقطاع الشارع والتفت لاوالله فيه سوبر واقف قلت ايه اشوفوه قال هذا سوبري والقير خرب معي ومريت الورشه وقالوا تصليحوه بثلاث مية ريال ولا ناقص علي من الثلاثميه الا عشرين ريال وانا داخلن عليك ياولد تعطيني هالعشرين تكفاااااااااااااااااااااااااااااا
في هذه اللحظه لم ادرك ماحصل لي ولم اعلم ماذا قلت الوكااد البرمجه عندي تخربطت والفيوز ضربت وعقب ماوصل الضغط 2000 رجع بسرعه فائقه الى خمسين تحت الصفر وصارت اضطرابات نفسيه وفيسيولوجيه عندي ,,, وافهي لي دقيقتين وعقبه مشى الدم بالعروق قلت اخس الله لايوفقك ولايبعثك لعن ابو هالوجه جاين تنخا وداخلن علي وتكفااا لاتخلينن ورثعت بي قلت هذا جارين علييه شي اما احدن يبي يذبحوه والا جارين لأهلوه شي واَخرته عشرين ريال قال والله انا ماني من هالديره ومنقطع وانا من الشمال وابي منك هالعشرين ريال تكفاااااااا ياولد قلت ياميت الناار لو انك جاين على رخاك ومعلمن بالسالفه على هونك ماهو احسن الهابو من نطى ثوبك ياشيخ لو تبي قير كامل جبتوه لك مار بس رثعت بي على هالصبح لعن ابو حيك حتى الفطور مافطرت الله يقلع هالوجه وانا اعطيييه مقسوم الله واقفي من عندوه وراسي يفتر وهو يقمز ويحب راسي قال انا طالبك تعلمن منين انت ومن اي عرب قلت والله ان ما انقلعت عن وجهي اني لاتمردغك بهالشارع وتنقلب هالنخوه اللي نخيته على راسكمار فارق عني ياملا الزوال اللي يزيلك يكفنك هالفليسات اللي جنك او تبي زود قال الا واجد ولاقصرت قلت اجل لاتشوفك عيني الخلالالالالالالالالالا
عااد هذا ماجرى لخوكم في هذا الصباح المبرووك عساوه مايعوووود[/align]
رد مع اقتباس
المفضلات