السالفي تجر السالفي .. ورجل الديتس تجر الديتس.. انا رجال ديزل ودي اجرب حظي معكم بالفلة ياصابت ياخابت .. لمني قريت لشبث والحنشل وغيرهم قلت ياولد هالكلام سهل واقوى اسوي مثله .. يوم اني بديت يامار انا ماسحن كل اللي كتبته .. استحيت من اللي كتبته.. وانا اقوم اخانق روحي .. ما تستحي على وجهك هذا كبرك وتبي تلعب مع الجذعان .. بس انا عنيد مني بسيط لو ابي اطاوع الانا العليا وهذي تعني النفس اللوامة اللي بس تلومك على كل شين تسويه.. النفس النقادة.. قلت بس عاد !! وهي تكنكن شوين .. ابكتب يعني بكتب.. وش بيصير.. يبون يقولون ياشين كتبك.. لا اعرفهم ولا يعرفوني.. يعني بيطيح وجهي!! أي والله وانا اهوش عليه .. قلت بس الى متى وانا وهالنفس الخايسة.. ياهي حالة.. الله يعين اللي يذلون منه ..
قلت ياولد ما بدهاش خلن الليلة اشرشح انواع النفوس واوريك فيهن .. وخوذوا ماعندي:
اولا/ النفس النقادة: وهي النفس اللي قلناه فوق بس تنقد راعيه على كل شين .. ولا تطيعونه يكفينا نقد الناس بنا.
ثانيا/ النفس الخايسة: وراعي هالنفس زعول طناي .. ادناة ماازعله.. والبلا ما هو بالناس البلا بنفسه الشينة.. وراعي هالنفس مثل الجعل اللي لمريت من جنبه.. اجعل له شوين ما يتحرك.. وتنشده وش علمك ياجعيلان عسى ما ضايقتك وهو ولا حركة تقلبه يمين يسار.. ياجعيلان خذ دربوتك ورح.. ولا حركة.. ماله الا لطخة نعل تفش اللي براسه.
ثالثا/ النفس الحسودة: وراعيه يركض وراه.. والبلا مهو منه من نفسه اللي كل شوين تصله على ربعه واصحابه.. وتشتغل بهم حسد . وراعيه تلقاه اعوذ بالله وجهه مطيور يفطن لكل شين.. ويبي كل شين.. وما يحصل شين.
رابعا: النفس المحقا: وهذي يسمونه عندنا بمصر شرارة يتطيرون منه.. مهي نحوته.. وراعيه اقرب مايكون طيب وحبيب.. بس كل مانفسه بشيء يمحق.. وما يدري ليه بس الناس تدري ان نفسه محقا.. وهذا علاجه بسيط ......ولا تدرون خلوه يولي.
النفس ال........[/size]
رد مع اقتباس
المشاركة الأصلية كتبت بواسطة سلطان زمان
[/align][/glow]
اقول سعوط وابي بالمخطر على العقوب وترى هذا من شروط الفلة الحجاجية للزملاء الجدد 
اقصد مزبوط وكل الخجل يروح 
المفضلات