طار المعاش يا عيال !!!!

[محمدالشمري]

[align=center]الواحد منا ينطر آخر الشهر بشوق ولهفه ، بل ويعتبره من أفضل الأيام على الأطلاق لأنه يعرف بأن هناك (( صرةٍ )) أو خرده سوف تأتي له .
وصلت الصره وأستلم الراتب وفرح به يوم صارت الخرده بالجيب ، ورد للبيت مبسوط على الآخر ..
وعقب الغدا طلع من جبده هالمعاش المقرود ..
قائمة الطلبات في أنتظاره .... أم العيال وبناته ... والصبيان وطلباتهم ...
معاش الخدامه .... وراتب السائق .... ومصروف البيت ......
وقسط السياره .... أقساط الأجهزة الكهربائيه والبلاي ستيشن....فواتير الكهرباء والماء ......
وتلفون البيت يضاف له الجوال ومصروفه .... مصاريف طلبات الوغدان من المطاعم ......
تسديد المخالفات المروريه .... تجديد تأمين السياره ..... تجديد رخصة القيادة ....
رسوم أقامات الخدم ..... عانية عرسين والا ثلاث ..... غير الموظة الجديده عانيه الحريم ( هاذي والده ، وهاذي متزوجه ، وهاذي مسافره ، وهاذي مسيره ....... الخ )
لا وأذا جاك واحدن يسترفد عاني من بعيد ... غير الذبايح والمسايير ..... يعين الله!!

لا ويقولون الشعب الخليجي مترفه ومعاشاتهم كتير كتير !!
لا وحاسدينا على هالمعاش !!
لا ويبون يطبقون علينا قانون الضرايب بعد ... أجل اللي ذكرته وش هو ماهو ضرايب ...

الله يعين أهل المعاشات .... اللي ما يكملون اسبوع من أستلام هالراتب الا وهو طــــاير ! [/align]

[خالد الشمري]

يعطيك العافيه وفعلا مصيبه هالرويتب مع ارتفاع اسعار النفط ومع ارتفاع الاسعار .......مايسوي لك شي
بارك الله فيك يامحمد

[محمد العربي]

[align=center]يعطيك العافية أخي محمد ..

وصدق من قال بأن المعاش .. مـــــــــــــــــــــا عاش !![/align]

[راعي البيرق]

[align=justify]أخي الفاضل ... محمد الشمري
بارك الله فيك على هذا الموضوع الذي يشهد له الواقع المُعاش خلال أيام المَعاش ، ونسأل الله أن يبدل الحال من حال إلى حال ، لتتحس صحة هذا الرجل المريض ، الذي لا يحقق الهدف من وجوده ، فنأمل أن تمتد اليد المصلحة لتحسن من وضعه المزري وتنتشله من واقعه الكئيب .
فشكراً لك أخي الفاضل على هذا الموضوع .
وتقبل احترامي وسلامي ... [/align]

[بـنـت النـور]

[align=center]السلام عليكم ورحمة الله وبركاته

محمد الشمري موضوع المعاش مايخلص ابد

مثل ماقلت الله يعين أهل المعاشات .... اللي ما يكملون اسبوع من أستلام هالراتب الا وهو طــــاير !

مادري ليه يطير بسرعه قله بركه او كثره الطلبات اللي ماتنتهي ابد والاعدم التصرف بالراتب بشكل صحيح

سلمت لطرحك

دمتم بحفظ الله[/align]

[المطنوخ]

محمد موضوعك قولتن لحد يتسلف مني ههههههههههههه

اقوووول عزالله انك صادز ونسيت بعد سالفة مية للعجوز وميه للشايب
لكن مانقول الا الحمدلله على كال حال وياربي لك الحمد على النعمه

ولا غيرنا والله ما يحلم بربع معاشات الخليجيين

تسلم يالغالي على هالماضوووع الموجع

[حايل يا مهجتي]

محمد ..........ماعاش من ينطر المعاش

توي جاي من إجازة يابعدي ومثل ما ذكرت بس به زود شوي غير الهدايا : المكينة بالفلاحة "ماهي مزرعة " خربانة والشايب يبيك انت تصلحه او تجيب لستر جديدة , اليوم الثاني ما تدري الا طالعة عليك عجوز وتقول لك يا ليدي ترن مرضعتك مع بكري اللي مات وهي متغشييه "يمكن تهلش !!" يعني دفه بلك ورقة من فئة 100 والا ميتين ..
, اضف اننا بوقت صيف والعروس بكل مكان والعنايا على قفا من يشيل ,بس العنايا لقيت لهن حل وهو : بدخول الشتاء اقوم اشتري لي 10 خريفات واحطهن بالفلاحة عند العامل ويوم يجي الصيف كل عرس إسحب لك خروفين او خروف للقصر او لحوش الربوع ...وعلى هالدقه..


محمد تسلم على هالموضوع ..

[محمدالشمري]

[align=center]يعطيك العافيه وفعلا مصيبه هالرويتب مع ارتفاع اسعار النفط ومع ارتفاع الاسعار .......مايسوي لك شي
بارك الله فيك يامحمد [/align]

[align=center]يا خوك أشوف النفط يرتفع سعره ، وهالراتب الماخوذ ما يرتفع ..... مير تلحقه خصومات بعد ..

تسلم يا خالد على المرور .[/align]

[محمدالشمري]

[align=center]يعطيك العافية أخي محمد ..

وصدق من قال بأن المعاش .. مـــــــــــــــــــــا عاش !! [/align]

[align=center]هلا بالسمي .

صدقت يا محمد ... المعاش ......... ما عاش !!!

تسلم يالغالي على هالمرور الطيب .[/align]

[محمدالشمري]

[align=center]أخي الفاضل ... محمد الشمري
بارك الله فيك على هذا الموضوع الذي يشهد له الواقع المُعاش خلال أيام المَعاش ، ونسأل الله أن يبدل الحال من حال إلى حال ، لتتحس صحة هذا الرجل المريض ، الذي لا يحقق الهدف من وجوده ، فنأمل أن تمتد اليد المصلحة لتحسن من وضعه المزري وتنتشله من واقعه الكئيب .
فشكراً لك أخي الفاضل على هذا الموضوع .
وتقبل احترامي وسلامي ... [/align]

[align=center]أحترامي لمداخلتك القيمه أخي العزيز .

وتسلم على هذا المرور الطيب والمفيد .[/align]