[align=center]السلام عليكم ورحمة الله وبركاته
ياعلكم طيبين انشالله انتم واهلكم وكل من يعز عليكم[/align]
[align=center]***عجلان بن رمال***[/align]
[align=center]هو عجلان بن برغش من الرمال من الغفيله من سنجاره من شمر
لاشك رجل داهيه بمعنى الكلمه من الصعب التحدث عنه بموضوع او موضوعين
عجلان بن رمال كان رجل شجاع و كريم وشاعر لكن حكمته غلبة على باقي صفاته
شوفوا الحكمه معاي
يقولون خلف الاذن الفارس المشهور من الروله سأل سؤال ومر به على عنزه والروله ومالقى الي يحله ولا حله الا عجلان بن رمال يوم هم يتقاصرون
قال خلف الاذن : انشدكم عن هبال وهبال وهبال
الجميع بهت ولاحد حله
بيوم من الايام عرض على عجلان قال :
الهبال الاول "نطح الرجال بليا رجال"
الهبال الثاني"ورد البير بليا حبال"
الهبال الثالث" اخذ المره الي ماتجيب عيال"
"للتنبيه السالفه هذي اختلف عليه هناك من قال ان الي حله خضير الصعيليك وهناك من قال ولد عم خضير الصعيليك والي واجهة من شيبان عنزه يقولون عجلان بن رمال
والاقرب والله اعلم انه عجلان بحكم ماسمعت من الاغلبيه والي ماشيه مع الناس"
من شعره يقولون صار خلاف بينه وبين ناس من جماعته ورحلوا للجزيره
يقولون يوم مر لمراحهم قال[/align]
[poem=font="Simplified Arabic,4,white,normal,normal" bkcolor="transparent" bkimage="backgrounds/28.gif" border="none,4,gray" type=1 line=0 align=center use=ex num="0,black"]
ياحن قلبي حن ركب مواجيف=حفيا وذاعرهن مع الذل جوعي
قلبي تذكر دار ربعن بهم كيف =ناخذ بهرجتهم سبوع السبوعي
وان قيل لعيون البنات الغطاريف=عند الركاب يذبحون الفزوعي
غدت بهم عدلات الايام ياسيف=وتجلبة غبر الليالي ربوعي
يالله طلبتك ياوسيع الاطاريف=تشد حبل الوصل عقب القطوعي
ايمن جهامتهم وطا الشط والسيف=وايسر جهامتهم وطن الشموعي
راحوا كما غيم تحده عواصيف=ومن وين ماهب الهوا له يلوعي[/poem]
[align=center]ومن اجمل ماقال ايضا عند نزوحه للجزيره هناك من يقول زعل على الرشيد وهناك من يقول زعل على جماعته وهناك من يقول علشان الاخوان ولاقرب انه عشان الاخوان:
المهم يقول:[/align][poem=font="Simplified Arabic,4,white,normal,normal" bkcolor="transparent" bkimage="backgrounds/28.gif" border="none,4,gray" type=1 line=0 align=center use=ex num="0,black"]
ياسيف تر طب البغيضين الابعاد=ارحل ويرضنك بعاد السهالا
لولا العنا ياسيف ماجيت بغداد=جيته وجابن له عزيز الجلالا
الله من نوم له العين رصاد=لاجيت اباارقد قالت العين لا لا[/poem]
[align=center]يوم راح للجزيره جاور الشيخ فهد بن هذال شيخ عنزه وجلس عنده خمس سنيين
يقولون صار خلاف باحد مجالس بغداد بين الشمامره والعنوز علشان مغازي بين شمر وعنزه
المهم كانت هالمغازي لصالح شمر
قالوا دوروا لكم واحد يحكم بينكم قال واحد منهم سمعنا ان عجلان بن رمال موجود عند الشيخ فهد
ونبيه يحكم بيننا
وكان عجلان بن رمال مشهور بقول الحق وافقوا العنوز على حكم عجلان
من بين الحضور كان موجود الشيخ محروت بن فهد بن هذال
قال محروت انا اروح واجيبه لكم مادامه عند ابوي
راح محروت وجابه
يوم اجتمعوا قالوا احكم ياعجلان رفض عجلان بالبدايه لكنهم اصروا عليه
المهم حكم عجلان لصالح الشمامره ليس من باب الحميه ولكن من باب الحق
يوم رجعوا الشيخ محروت وعجلان وهم بالطريق
جلس محروت بن هذال يتمثل بالبيت الي يقول[/align][poem=font="Simplified Arabic,4,white,normal,normal" bkcolor="transparent" bkimage="backgrounds/28.gif" border="none,4,gray" type=1 line=0 align=center use=ex num="0,black"]
ياطير بن برمان جبناك حنا=يامدودل الحيه على راس راعيه[/poem]
[align=center]قال عجلان بن رمال : مضت خمس يامحروت وبقي ثلاث
محروت مافهم
يوم جاء من بكرى وهو يرحل عجلان وماعلم احد
استغرب الشيخ فهد قال يامحروت عجلان مارحل هالون قال لك شي قبل يرحل
قال محروت قال له حاجه ومافهمته
قال فهد وشي
قال محروت "راحت خمس وبقي ثلاث"
قال فهد الوكاد انك ازعلته لانه يقصد جيرة المهادي المضروب بها المثل
يوم المهادي يصبر على اذى قصيره ثمان سنيين
وعجلان له خمس وبقي ثلاث
ويوم بغى عجلان الرجوع لحايل قال[/align]
[poem=font="Simplified Arabic,4,white,normal,normal" bkcolor="transparent" bkimage="backgrounds/28.gif" border="none,4,gray" type=1 line=0 align=center use=ex num="0,black"]
متى يجينا طارش فوق مشدود=ويخبرن عن دارنا وش جرابه[/poem]
[align=center]ردوا عليه الكثير من الشعار من ضمنهم خلف بن غازي يوم يقول[/align]
[poem=font="Simplified Arabic,4,white,normal,normal" bkcolor="transparent" bkimage="backgrounds/28.gif" border="none,4,gray" type=1 line=0 align=center use=ex num="0,black"]
ليا جيت لي عجلان من فوق مشدود =سلم عليه وخبره وش جرى به
انتم نهجتوا ماصبرتوا على الكود=وحنا صبرنا به على مالنا به
وان كان ودك تبي الاخبار وردود=اقبل ترى الديره عزيز جنابه[/poem]
[align=center]رجع الله يرحمه لحايل وتوفي تقريبا عام 1368هـ[/align]
[align=center]للتنبيه فقط اغلب القصايد اطول من المذكور لكن من باب الايجاز لكي يكون الموضوع خفيف عليكم[/align]
[align=center]*** مشعــــــل الغفيلي***[/align]
المفضلات