[align=center]كنا ساكنين بقريه صغيره حول الرياض
وكنت توي طالعن على الدنيا
وتوي واقعن بالعشق وصرت من طرادين الهوى
وبوقته ماكان فيه لا جوالات ولا تلفونات ثابته ولا حتى بياجر
وماكان عندي طريقه اني اشوف اخبار الغاليه الا برسايل ورقيه
وفكرت بالطريقه اللي اوصل به الرسايل لمعشوقتي
وجتني فكرة الحمام الزاجل
ورحت لسوق الحمام وشريت حمام
بس ياحسافه ويا عيب الشووووووم
طلع اللي باعلي الحمام تسذوب ونصاب
وبدال مايبيع لي حمام زاجل عطاني حمام قلابي ( اللي يتقلب بالسماء )
وخذيت الحمام ورحت للبيت
وكتبت الرساله وربطته برجل الحمامه
وطيرته ابيه تروح لبيت هديفتي
ويوم ارتفعت وهي تقوم تقلب بالسماء
ليما انفكت الرساله وطاحت مار اشوى لحقت عليه قبل يشوفه احد
وقمت افكر بيني وبين نفسي عن الطريقه اللي اوصل الرسايل به
ولقيت الحل
وهو اني ارسل وغد جيراننا يم معشوقتي واعطيه اللي يبي
المهم جبتوه عندي بالبيت وقلت يافلان ابعطيك هالكيكه بس بشرط
قال وثو ( سنونوه القداميات لك عليهن )
قلت ابيك تودي هالورقه يم فلانه
قال خلاث .
وفعلا وصل الرساله على اكمل وجه
وكل يوم او يومين ارسلوه واعطيه كيك ولا عصير ولا ريال ( فوقن من قدروه )
وعقب ثلاث سنين ......
كبر الولد وصار مايروح الا بخمس ريال ولا عشره ( طمع ملعون الرقبه )
وقمت اجاريه غصبن علي مهو بكيفي
ونوبن يسجل علي دين ( تخبرون الماليه نوبن تخون بي )
وعقب عشر سنين ...
تطورة منفوحه
وسكنا بوسط الرياض
والعشيقه بعد
وحتى المرسال اللي كبر وكبر هموه معوه
يقاسمني مصروفي ( يحسبن ولد الراجحي )
وكل يوم يجيني وياخذ الرساله ومعه عشرين ريال مصروفه
ومهو بس كذا
معه ثلاثين ريال حق الليموزين
وقررت اني اخفض معدل رسايلي الاسبوعيه ( كلاني الملعون )
وبدال ما ارسل بالاسبوع اربع مرات او خمس نقصن الى مره وحده عقب تسعيرتوه الجديده
وعقب ثلاث سنوات ..
تزوج المرسال ( تخبرون محوش كم قرش مني )
وانا على حالتي للحين
وجيتوه قلت ابي منك خدمه
قال امر
قلت ابيك تعلم عيالك الشغل
وابيهم يعاملوني بس بشرط انهم يبدون مثلك
قال تم
وعقب عشرين سنه ...
صرت معامل عيال المرسال الاول وللحين مافيه فايده
ولا فيه بوادر امل اني اتزوج
وبيوم من الايام جاني حدا عيالوه ( اللي كان مستلم خفاره هكا اليوم )
ومعوه ورقه بس وجهوه مايبشر بالخير
وانا اخذ الورقه اللي معوه ليمار شهادة وفاة المعشوقه
ته ته ته ته
توفيت عن عمر يناهز الثمانين
وانا الحين اراجع ابي اطلع صك عسر اطر بوه
تخبرون لا ولد ولا تلد وهالملعون شفطن شفط
ته ته ته
واسف على الاطاله
وتقلدوا تحيتي[/align]
رد مع اقتباس
المشاركة الأصلية كتبت بواسطة الشبث
<<يستغل الموقف هالخبيث
ويروح لقبره وهو يضحي بذلولوه له ورجع يم اهلوه على رجلينوه وهم ينشدونوه ربعوه وش العلم عسى الذلول من ضمن السوق وهو يقصد هكالقصيده اللي وضحت لهم كل شي 
المفضلات