السلام عليكم ورحمة الله وبركاته
هذه القصيده للشاعر الكبير نويميس النويميس قالها بمناسبه حفل لجنه التحسين السنوي بمدينه موقق :
[poem=font="Simplified Arabic,4,white,normal,normal" bkcolor="black" bkimage="" border="none,4,gray" type=1 line=0 align=center use=sp num="0,black"]
طالبك يا ذا الجلال ويامدبر للوجود=ارضنا فيها وتاد والســــــــــما بليا عمد
ماعلى ربي محال وكل مايشكر يعود= تطلبك كل العباد وترتجى منك الســــعد
عقربيه للجـــــــــبال وعقربيه للنفوذ = برقها يركز عمــــاد وينتثر منها البرد
تجرح خدود السهال ولاتقل ولاتزود=ضفوة فوق البلاد وينسمع صوت الرعد
تسكب المى الزلال وتمتلى منها السدود=وتنهزع يم الحماد وللبطين وللــــجلد
ينتشر فيها الحلال وترتوي كل الكبود=من فضل رب جواد ونرتجى فضله بعد
بعد ذا جبت المقال والتحيــه والورود= للضــــــــيوف اللي بعاد وللكبر وللولد
اجتمعنا بلوصال ويا هلا بكل الوفــود= عدد عمدان الجـــــراد وعد ماحي رقد
ليليله تسوى ليال وشوفه الغالين نود= اكتمل كل المــــــراد وعاذرين من قعد
من صبر لازم ينال وكل غريب الايعود= لو خذا سنين وزاد كـــــود يعود للبلد
موقق فيها عيال وجالها دونه فهــود=ظاريين للزناد وماســـــــــكين بالعـــهد
مايمدون الهزال وكل ماتاجد تجــــود=طيبـــــــــهم زاد العدادولا بعدد بالعدد
ماعلى هذا جدال وكلنا نبغى الصـعود= ان علينا بالشــــــداد وان نزلنا باللحد
ودايم ناكل حلال ولا علينا من الحقود=ودايم نلبس جداد ولا تمســـــــكنا لحد
ياكريمين السبال ولا يبي قولي شهود=موقق تبغى اجتهاد واصدقوله بالوعود
زينوها بالريال واعمروها للحــــــــدود= لايجى فيكم عناد ولا يجى فيكم حسد
خلوه دره جمال وادحرو عين الحسود= واعسى عين الحســـاد للغبار وللرمد
كل شي له مجال وكل ماضي مايعــود= وكل جرح له ضماد وكل من يتعب وجد
وكل شي له زوال ولا يدوم الا الودود= اخرتها للنفاد واخرتهـــــــــــــا للنفد
كم فقدنا من خوال ومن عمام ومن جدود =وكم مره لبست حداد وكم يتيم بالمهد
وكم يتيم من اطفال ودمعهم فوق الخدود= ماتهنو بالعياد وعايشـــــــــين بالنكد
وكم فقدنا من رجال وكم دفنا باللحود= واعساهم للبراد وللنـــــــــــــعيم وللرغد
واختم اطراف المقال بالتحيه والورود= وبالقماري والزباد وبالعبير وبالشهد[/poem]
رد مع اقتباس
المفضلات