السلام عليكم ورحمة الله وبركاته
مساء الورد _ هذه قصيده معبره - لشاعرٍ يستحق ان يسلط عليه الضوء لاابتعاده عن الاضواء وعدم حبه للظهور - الا ان القارءى لابياته لايملك الا ان يقف اعجاباً لقصائد هذا الشاعر وهو الشاعر/ مشفي بن حمود الجرواني الشمري _ امل ان تحوز هذه الابيات على اعجابكم ..،،،،
[poem=font="Arabic Transparent,5,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
قال الذي يسكت ويخفي ظروفه=مبطي يابو ثامر غثاء الوقت ناشه
قلبي معزب والطواري ضيوفه=متعب ومن جور الدهر به لياشه
حوادث الدنيا عظل فيلسوفه=على بساط البحث يتعب نقاشه
مهما تزخرف ماعليها حسوفه=والله ماتسوى جناح الفراشه
مافيه حي ٍ سالماً من صدوفه=صعلوك والاّ من هل الجاه باشه
ترميه في قبرٍ توحش كهوفه=لو كان بالدنيا حريراً فراشه
بصدور خلق الله مضارب سيوفه=محد ٍ يقاوم سطوته يا ستهاشه
هذا ونفسي يامفضي عيوفه=تشوم عن عظمٍ قليلٍ عراشه
قلبي يحب البر لو به كلوفه=شمت هواء الغربي تزيد انتعاشه
من فوق جيبٍ صافيات بلوفه=قشيط هملولٍ لصوته حشاشه
ياصرت خامس لاربعه ومحفوفه=الكل منهم هبت الريح حاشه
بالمزح نجحف والرجال معروفه=مايزعل الا واحدٍ به دحاشه
في خايعٍ ماناش عشبه حفوفه=متلاحماً نبت الوعر مع دشاشه
قفراً جنابه يطرب القلب شوفه=يشوق من راسه هو المدن داشه
بس الحباري فيه برقاً دفوفه=تطير شوف العين ماهي بشاشه
ومعنا ربيبٍ عايزاتٍ وصوفه=عدل المناكب منطحه به رباشه
وبالوصف وان قفا تعارض كتوفه=بيضٍ سراويله بكفه حراشه
ياشالوا البرقع وحقق بشوفه=وتل السبوق وظم غيظه بجاشه
شافه تجضع خارمه ومخطوفه=بين الرجاء والياس زاد اندهاشه
وتكبرت من زود رعبه وخوفه=وحول عليها مثل لمحة فلاشه
وجيناه يمزر من معاليق جوفه=دمه على صدر النداوي طشاشه
يبادل على منتق نحرها كفوفه=متخالطٍ فيه الزعل والبشاشه
هذا هوى قلبٍ همومه تلوفه=وعلى الولي رزق النفوس ومعاشه[/poem][/font]
رد مع اقتباس
المشاركة الأصلية كتبت بواسطة المهـ ـره
المفضلات