[align=center]بسم الله الرحمن الرحيم[/align]
[align=center]بركة الجميماء تقع شرق مدينة رفحاء وتبعد عنه حوالي 10كم[/align]
[align=center]*** معركة الجميــــــــماء***[/align]
[align=center]معركة الجميماء وقعت عام 1328هـ
وكانت بين شمر من جهه وبين عنزه والروله والشرارات وبني صخر من جهة اخرى
قايد شمر بالمعركه كان الامير سعود بن رشيد "ابوخشم"
قايد عنزه كان فهد بن هذال والروله بقيادة النوري بن شعلان
سبب المعركه ياخوان " هناك كتاب لم يتطرقوا للمعركه بشكل مفصل بل اخذوها كموضوع عرضي
وقالوا ان سبب المعركه سياسي من ناحية العداء بين بن هذال وبن رشيد
وان بن هذال كان صاحب قوة اقتصاديه تفوق بن رشيد وكذالك صاحب نفوذ في العراق اخاف بن رشيد مما دعى بن رشيد لمحاربته"
والمعروف ياخوان عند بادية شمر ان سبب المعركه هو اعتداءات ابن هذال المتواصله على عربان شمر المتفرقه مما اثار غضب بن رشيد وهذا هو الاقرب
معركة الجميماء باعتقادي اقوى معركه بين شمر والروله
ولاحظوا اني قلت الروله
صحيح ان سبب المعركه هو بن هذال ولكن "الطقه" او الخساره صارت براس الروله
تفاصيل المعركه:
بداية المعركه صارت مع بن هذال ودخلت معه الروله والشرارات
اما قبيلة بني صخر دخلت معاهم لكنه ماصبرت طويلا وانكسرت بوقت مبكر من المعركه
وتبعته الشرارات
وبعد هزيمة بن هذال والروله بالمعركه كانت المعركه قريبة من منازل الروله
لذالك صارت الخساره الكبرى بالروله السبب لان خيول شمر دخلت داخل بيوت الروله
من الشواهد على ذلك
يقولون يوم دخلت خيول شمر تفرقوا الروله
وهي تطلع مرة النوري الشعلان يوم التفتت وهي تشوف النوري متلطم ويبي ينحاش
وهي تصيح طول حسه لولده نواف: "يانواف قل لبوك يثبت للروله رثعوا بهم شمر"
يانواف..... يانواف
اما النوري ماسمع كلامه وهرب
عاد تهيجن الرويليه فيما بعد تقول:[/align]
[poem=font="Simplified Arabic,4,white,normal,normal" bkcolor="transparent" bkimage="backgrounds/10.gif" border="none,4,gray" type=1 line=0 align=center use=ex num="0,black"]
نواف ابوك ماينبينا=يحط لطمه ورا لطمه
خلينا عالي مبانينا=ولاخذينا من قشنا القطمه[/poem]
[align=center]*من حقائق المعركه:
اولا: وقعت المعركه هذي قبل معركة الجوف بفتره
ثانيا:بعد هذه المعركه نزحوا اغلب الهذال للعراق
ثالثا: انتزح النوري وربعه للجوف وسوريا
رابعا: بالمعركه هذي شمر خذت "عطفة الشعلان"
من القصايد الي قيلت هالقصيده والصراحه مااعرف قايله لكن توقعت انه العوني وانا ماني متأكد
يقول[/align]
[poem=font="Simplified Arabic,4,white,normal,normal" bkcolor="transparent" bkimage="backgrounds/10.gif" border="none,4,gray" type=1 line=0 align=center use=ex num="0,black"]
سميت بالرحمــــن والحمد لله= وانحمــد اللي يوم قلته جداها
ولفتــها بك يا زبــــون المخــله =يالضيــغمي ياما تعدل هــواها
يامزنتــــن غرا نشت واستهله = غشا الزبالا والجميـــما غثـــــاها
سحابتن منهــا الخبــــاري تمله =صديــق عينك ما يوقــف بماهـا
صارت بها الخلفــات مثل الاهله =خذت سنيـــن ما تبعهــا ضنـاهـا
صارت على عدانا دخاخين جله = وما شب من نارن عمسنا سناها
الخيـل عن وجه الضياغم تجله = والخيــل بالصــايـح تـزاود عيـاها
والخيل معها زامل(ن) مردفله = وسعود شوق اللي جديد صباها[/poem]
وهذي عرضة الجهيلي يقول:
[poem=font="Simplified Arabic,4,white,normal,normal" bkcolor="transparent" bkimage="backgrounds/10.gif" border="none,4,gray" type=1 line=0 align=center use=ex num="0,black"]
بديت باسم الله رفيع البابه = جزل العطايا معطي الجزلاتي
قال الجهيلي والمثايل جابه = بالشيخ ابو متعب بنيت أبياتي
بسعود ابن عبدالعزيز الصابه =ابوه قبـله حصـــل الطــولاتي
مع زامل المسطور حبس ركابه =ياخذ على خيل العدو حدواتي
السيف باليمنى قضبنا انصابه = مزبن بناخيكم عن الميــــلاتي
كان الرويلي بـــادي بحــرابه = عليــه جــالن بالــردف ذرواتــي
جالن باهل حايـــل ياوي لابه = ثار الدخن من فوقهم سقفاتي
بس المجاند مع طروق اثيابه =هل الجبل ينخـــون ابا العاداتي
وطلع عليله لابتن يكبـــابه = بعقبـــان برزان هل الفزعــاتي
ورد عليهم شيخنا ما هابــه = وراجت عليهم خيلنـــا روجـاتي
البـــل جبته وانكفا محــلابه =اللي شحمها في ظهرها شاتي
لاوالله الا هي عليهــم عابه = تدججــت عجـــز الـرويــلاتي
وخفراتهم قامت تقد أجيابه = يبكن جنايزهم على المثـــواتي
كم راس شيخ واقع بلبـابه = عـوا عليــه الذيب لــه عويــــاتي
والضبعة العرجا تسن أنيابه =تاخذ عليهـــم سرحة وعـزبــاتي[/poem]
[align=center]سعود المذكور بالقصيده هو الامير سعود بن رشيد
وزامل هو الفارس المعروف زامل السبهان[/align]
[align=center](((( تنبيه)))) سمعت ياخوان من بعض الاشخاص ان بنت بن هذال قتلت بهالمعركه وهذا غير صحيح بنت بن هذال قتلت قدام الجربان على ماظن
يوم هي تصيح على ربعه تبيهم يردون على شمر وهو يجيه حدا فريس شمر
وهو يضربه بالرمح ياطالعن مع صدره
"لو هو حدا زقرت هاليوم كان قاطن عليه الرقم"
اخواني المعركه ليست منقوله من اي منتدى ولا من مصدر معين لاني ماوجدت اي مصدر تحدث عنها بشكل وافي فقمت بجمع القصائد والتفاصيل والمعلومات قدر استطاعتي من اكثر من شخص
من كبار السن
فحقوق المعركه محفوظه للمضايف علشان ماحد ينطله"[/align]
[align=center]واهم شي اننا نحمد الله على الامن والامان بظل الحكومه الرشيده
وهذي سوالف مضت لكن من باب حفظ التراث والتاريخ وهذا من حقنا
والي تحاربنا معاهم امس اليوم تربطنا معهم رابطة النسب والرحم[/align]
[align=center]اخوكم مشعل الغفيلي[/align]
المفضلات