السلام عليكم ورحمة الله وبركاته
غزى الفارس والشيخ نواف ابن شعلان (شيخ الروله )ومعه اخوه الفارس ممدوح ابن شعلان ومعهم من جماعته الروله الف ومئه خيّال جهه العراق وهم يغزون على بطن سنجاره من شمر وكانو سنجاره بقياده الشيخ الفارس قاسم بن رخيص من الزميل من سنجاره من شمر ويلتقون في مكان اسمه (العامريّه) وينكسرون الروله وتتنتصر شمر عليهم وكعادتهم (غلبا) الانتصار وهم ينهزمون نواف واخوه ممدوح ومعهم جماعتهم وشمّر تطاردهم الين جلّتهم عن العراق كلّه ويوم وصلت اخبار هالعركه وانتصار شمر على الروله قال الشاعر غازي بن قناع البرجس (من بقعاء) هذه القصيده :
[poem=font="Simplified Arabic,4,black,normal,normal" bkcolor="skyblue" bkimage="" border="none,4,gray" type=0 line=0 align=center use=ex num="0,black"]
ابدي بالمعبود ياجزل العطيّه = خيّرٍ وكل الخلايق له تسالي
راكب من فوق حمراء صيعريّه =مروية المدّاد قطاع المحالي
شبه ربداء حوّلت مع جرهديّه= واستثارت شافت التفّاق زالي
دزّه لسكّانه الحزم اسمعيّه =قل الف نعم يوم ان ابن شعلان صالي
جالهم نواف معه الف وميّّه =طايش ٍ راسه معه اهل الشمالي
وحضّبوهم لابتي بالعامريّه =لين راحو مثل سيعان النمالي
ليت من هو حاضر ٍ يطلب حذيّه = عند تال القوم يرخص كل غالي
يابشير الذيب هو والحضرميّه = والنسور اللي يربّن كل جالي
كم صبيٍ انتخى بالغشمريّه = طاح للرحمه وخلّي مايشالي
بليلة ٍ تنكس بها الحدبا صبيّه= وينكس الشايب بها مثل الغزالي
انهزم نواف ولابه منجدّيه= انهزم بالليل عن قطع العدالي
وانثنى ممدوح حمّاي الونيّه = ولا يكنّى اللي جرى بين الرجالي
يوم اقوله مالي والله قيمريّه = اعجبونن ضرب زينين الفعالي [/poem]
ويوم وصلت القصيده لغريّب الشلاقي قال اعطّّو غازي البرجس حذيّته ولو هو ماهو معنا عن قولته :
[poem=font="Simplified Arabic,4,white,normal,normal" bkcolor="skyblue" bkimage="" border="none,4,gray" type=0 line=0 align=center use=ex num="0,black"]
ليت من هو حاضر ٍ يطلب حذيّه = عند تال القوم يرخص كل غالي[/poem]
رد مع اقتباس
المفضلات