السلام عليكم ورحمة الله
عشير الطفارى للشاعر سعود بن جمعان
كان ودي أتكلم عنه بشكل كبير يليق بهذا الشاعر الذي اتمنى ان اعرف عن نسبه وحياته شيء
لكن اتمنى من لديه سيارة ويقدر يسوقها <<< لا والله؟؟
يمر على اقرب تسجيلات اسلاميه ويشتري شريط عشير الطفارى
وصدقوني اذا شريتوه بسبعه ريال راح ترجعون مرة ثانيه تعطون راعي المحل سبعه ثانيه
شريط يحمل في طياته الكثييييييير من المعاني
اليكم بعضاً منها
-----------------------
[frame="1 80"]
عزي لمن مثلي جراله غرابيل
بين الصديق ومدعين الصداقه
أيضاً له
انا لقيت البنك مثل اصدقايا
مايقضي الحاجه ليا جاه محتاج
امس الضحى دوجت بين ازملايا
وكلاً عطاله بالمعاذير منهاج
وظنيت باقي في رصيدي بقايا
ولفيت ناصاً حارس البنك هجاج
ودقيت رقمي صح مابه روايه
وطلع على الشاشه لاداعي للازعاج
=
الشيخ جعل الله يطول حياته
عن حال بعض المجتمع ويش يدريه؟
يمسي ويصبح ماتعدى بناته
ومن الدراهم ضايقاتن مخابيه
مادام هذي لالاوادم وصاته
لاطايعن امره ولاني بعاصيه
الى قوله
والمال يعرف صاحبه واجباته
وماهو بحاجة طالب العلم يفتيه
لوعندنا شيء دفعنا زكاته
مير البلا ماعندنا مانزكيه
==
قالوا تزكي قلت :لله ماازكي
من خلقتي للمال ماقط زكيت
الموجب أن الفقر عندي متكي
ماكنه الاواحدً من هل البيت
وإن قلت فارق قام عندي يبكي
ويقول اما حاولت أروح وازريت
واقول وافي مامعي فيك شكي
ياواحدًلارحت عودت ماابطيت [/frame]
رد مع اقتباس
المفضلات