قصيدة جديدة

**اهل حايل** · 07-02-2002 11:32

يا أخوي شفت اللي عيونه مخاديــــر *** لا سلهمة تذوب روحي معاها
صادفتها سبحان رب المقاديـــــــــــر *** سبحان من زاد الحلا في حلاها
من شفتها يا خوك ما شفت انا الخيـر *** عذاب قلبي يوم طحت بهواها
له نظرت على المشبب مساميـــــــــر *** وانشهد أنه ظايعن من بغاها
با الهسبتل شفته بقسم التقاريـــــــر *** صافحتها لولا بنات معـــاها
قالت شعندك قلت موعد تصاويــــــر *** للي غلاع صبي عيني وماها
يا زينها من دونكحل ومناكيــــــــر *** لو آهني يا خوي منهو خذاها
يالله دخيلك من كثير العواثيــــــــــر *** لك رحمة ما خاب منهو رجاها

**اهل حايل** · 07-02-2002 11:34

الشاعر رفض أن ينشر أسمه لأسباب لا أعلها

أخوكم /أهل حايل

**غازي العلي** · 07-02-2002 12:21

اخي اهل حايل

لك كل التقدير

ولشاعرها كل الاعجاب

لك مني كل الورد الندي

**اهل حايل** · 07-02-2002 12:41

أخو محارب الخيال

شكرا على التشجيع
وترى عندي قصايد بعد لهذا الشاعر بس خلها وحدة وحدة

أخوك أهل حايل

**اهل حايل** · 08-02-2002 09:38

السلام عليكم
أخوي / فلاح العماش

أنا معاك أنه لازم يكون معانا ويكتب بنفسة

بس يا أخو إذا كان الرجال بدوي يالله يقرأ ويكتب

شلون يقدر يتواصل معاكم

وتراه قصور مني لأني ما أقدر أفورلكم كل قصايدة بس إنشالله أجيبلكم اللي أقدر عليه

أخوكم / أهل حايل