[align=center]البــادي أظلــم
ول ياحمـامٍ ازعجـنـي سـوايـاك
سهران فـوق البيـت دلّـى ينوحـي
ياهيـه ياللـي ماتناسيـت طـريـاك
ماترحمـن ياشيـن لا لا تـروحـي
القلـب قلبـك والحنـايـا حنـايـاك
والروح روحك يابعـد روح روحـي
والجرح جرحك والخطايـا خطايـاك
مـن عقبكـم سـد الحنايـا يبوحـي
فنجـال حبـي لـو تقهويتـه ارواك
ودلة غلانـا فـوق جمـرٍ تفوحـي
ياقلت قـرّب ابعـدت بـك مطايـاك
ياعيـن خشـفٍ مبعـدٍ بالسروحـي
واليوم وينك يالغضـي ويـن ملفـاك
خـذوك عنـا مبعديـن النـزوحـي
ياحيف والله ويـن راحـت حميّـاك
ترى "الطنايـا" لابتـك كـان توحـي
واليوم مني يالغضـي خـذ جزيـاك
خذهـا صريحـه مابقابـه مزوحـي
لواهنـي منهـو "بشلـفـا" تقـفّـاك
وآخذ قصاص الي مضى من جروحي
جرحٍ بجرح ولانبي اليـوم حسنـاك
والبـادي اظلـم ياقليـل النصوحـي
وش العمل ياصـرت هـذي نوايـاك
لافـاد بـه طلبـه ولابـه سموحـي
ولامقـدرٍ حبـي ولافـاد رجــواك
واصبحـت والله بالمحبـه شحوحـي
والله مدري وش أكتب ومدري وش أقول عن هالرائعة
مشعل الغفيلي دائماً مميز وهذا مو جديد عليه
الله عليك يامشعل الله عليك
عيني عليك باردة
قصيدة من ذهب تستحق التخليد
ما اقدر أقول غير الله يديمك للشعر
صح لسانك مليون ولاهنت طال عمرك
أختك
"نــ بنت الفهد ــوف"[/align]
رد مع اقتباس
المفضلات