[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ول ياحمامٍ ازعجني سواياك=سهران فوق البيت دلّى ينوحي
ياهيه ياللي ماتناسيت طرياك=ماترحمن ياشين لا لا تروحي
القلب قلبك والحنايا حناياك=والروح روحك يابعد روح روحي
والجرح جرحك والخطايا خطاياك=من عقبكم سد الحنايا يبوحي
فنجال حبي لو تقهويته ارواك=ودلة غلانا فوق جمرٍ تفوحي
ياقلت قرّب ابعدت بك مطاياك=ياعين خشفٍ مبعدٍ بالسروحي
واليوم وينك يالغضي وين ملفاك=خذوك عنا مبعدين النزوحي
ياحيف والله وين راحت حميّاك=ترى "الطنايا" لابتك كان توحي
واليوم مني يالغضي خذ جزياك=خذها صريحه مابقابه مزوحي
لواهني منهو "بشلفا" تقفّاك=وآخذ قصاص الي مضى من جروحي
جرحٍ بجرح ولانبي اليوم حسناك=والبادي اظلم ياقليل النصوحي
وش العمل ياصرت هذي نواياك=لافاد به طلبه ولابه سموحي
ولامقدرٍ حبي ولافاد رجواك=واصبحت والله بالمحبه شحوحي
مشعل الغفيلي[/poem]
رد مع اقتباس
المفضلات