[align=center]معالي الوزيرة مجتمعه مع كبار موظفي الوزارة :
معالي الوزيرة : صباح الخير أيها الرجال .
الموظفين : سكوت
الوزيرة : ليش ماتردون ... كل هذا علشان صرت عليكم وزيرة .
الموظفين : سكوت
الوزيرة : عموما هذا واقع علينا أن ندركه ، ولنبدأ الأجتماع .
مدير مكتبها : نبدأ أجتماعنا الأول في حضور معالي الوزيره ، وليقم كل منكم بشرح وافي كل فيما يخص أدارته . ولنبدأ بالوكيل .
الوكيل : أرفض التحدث وأسجل تحفظي على توزير الوزيرة .
مدير مكتبها : طيب الوكيل المساعد للشئون الأدارية والتطوير .
الوكيل المساعد : أرفض التحدث وأسجل تحفظي على توزير الوزيرة دون مرورها بأدارتنا حسب التسلسل .
مدير مكتبها : طيب الوكيل المساعد للشئون القانونية .
الوكيل المساعد : أرفض التحدث وأسجل تحفظي على توزير الوزيرة لأنه غير قانوني ولم يمر عبر القنوات القانونية.
مدير مكتبها : طيب الوكيل المساعد للشئون المالية .
الوكيل المساعد : أرفض التحدث وأسجل تحفظي على توزير الوزيرة لأن مخصصاتها سوف تكون أكثر من مخصصاتنا مجتمعين نحن الوكلاء منذ القدم .
معالي الوزيرة : هناك مؤامرة تحاك ضدي من الجنس الذكوري .
مدير مكتبها : وسعي صدرك ولا تبكي معالي الوزيره هذولا كلهم من التيارات المعادية لحقوق المرأة
الوزيرة : أنا مستعجلة لننهي الأجتماع .. ونرى برامجي اللاحقة ، حتى يتسنى لي الذهاب الى المنزل لكي أعد الطعام لزوجي وأبنائي ، ومن ثم أدرسهم وأعتني بهم ، وبعدها أزور والدي ووالدتي
أرجوك خلصني ترى ما راح أخلص من حنت ابو العيال وعياله .
مدير المكتب : معالي الوزيرة هناك الكثير من البرامج وسوف تكونين مشغوله حتى ساعات الليل الأولى .
الوزيرة : من صجك .. لا أكيد تبون زوجي يطلقني . وعقبها أنتوا بعد تستغنون عني ، أو أحد النواب يستجوبني ويطرح الثقة فيني ، وبعدين شراح اسوي .. لا من زوجي وعيالي ... ولا من وزارتي .
مدير المكتب : معالي الوزيرة السفير الفلاني في الخارج يريد مقابلتك .
الوزيرة : خله يتفضل .
السفير : مرحبا معالي الوزيرة ... والله دولتي فرحت كثيرا بتوليك لهذا المنصب .
الوزيرة : مرحبتين ... وبلدك شكو تفرح والا تزعل ... لا يكون أنا من رعاياكم وأنا ما أدري .(( وزيرة جديدة على الدبلوماسية ))
السفير : كلا معالي الوزيرة ..فرحنا لان ديمقراطيتكم أكتملت الآن وبلدنا مهتمه كثيرا بالديمقراطية.
الوزيرة : شكرا .. شكرا .. وهي تهمس بصوت منخفض(( توكم الحين أهتميتوا)) .
السفير : أتيت بدعوة من نظيرك في بلدنا لزيارتها معالي الوزيرة .
الوزيرة : نظيري عندكم وزير ولا وزيرة .
السفير : كلى يا سيدتي هو وزير .
الوزيرة : خله يتصل على زوجي ويعزمه ، أنا ما أقدر أسافر بدون محرم .
خرج السفير وأتى مدير المكتب وقال هناك النائب فلان ينتظر .
الوزيرة : خله يدخل .
النائب : مرحبا معالي الوزيرة .. ترى أنا من اللي صوتوا مع حق المرأة .. ولولا صوتي كان للحينك تطبخين ومجابله عيالك ... عاد أبيك توقعين لي هالمعاريض وأنت مغمضه علشان يصوتون أهلها لي بالأنتخابات .
الوزيرة( تتصفح المعاريض فتجد جميعها مخالفة للقانون )) وتقول ما يصير كلها مخالفة للقانون .
النائب : زين وقعي اللي تقدرين .
الوزيرة : ما يصير أخوي لا تورطني أنا مره ما ني رجال أقدر أناطح المعارضه في المجلس .
النائب : غاضبا عليها الشره علينا اللي صوتنا مع حقوق المرأة ... ويومنك مره ليش تقبلين تصيرين وزيرة .... زين الوعد في المجلس .
الوزيرة : وليه شهالطلبه أن ارضيناه اشتغلوا علينا المعارضه وأن زعلناه أشتغل علينا ويا ربعه .. أحاسب الأمور سهاله ما أدري بهالمصايب ..أحسن شيء أرجع لبيتي وعيالي لا أفلس من الثنتين .
وتحياتي لمعالي الوزيرة .[/align]
رد مع اقتباس
وبعدين ترى فيه حريم أخير من بعض الرجال , المهم إذا كانت المرأة مؤهله ليه يعني ما تصير وزيرة ؟ سؤال محيرني . أليست النساء مواطنات ولهن الحقوق والأهليه ؟ 
المفضلات