شفت العجــــــــــــــــايب!!

[عجايب بنت الشايب]

السلام عليكم

تسيف الحال ؟


والله يالربع رحت قبل شوي لمضايف الشعر

وقريت لي كم قصيده

من قصايد الاولين


واخر قصيده

قريتها للصيرمي

يقول فيها

يا عين لك بالهوى لفتـه
ماانتي على دين الاخواني
وجدك على واحد شفتوه
عوده من الزين رويانـي


والله ويجيكم

ابو غازي منطلق

استهاض وتذكر ايام قبل

ياعيشت الشر يابو غازي

على العموم


انا ماهمني من السالفه كلها

الا شيبان قبل


والله بالصراحه هالشيبان مايستحون على وجيههم

ولا ازكي العجز (النساء كبيرات السن )<<< يازينك ساكته







واليكم الادله على انهم ظاربتن فيوزهم ::



**********************************************
ليتني وياك يازين السجايا

وسط صندوقن ومقفولن علينا

*******************************************

والله ما اصلي والغضي ما حصلي

وليا حصلي داعج العين صليت

مع العلم ان اللي قايلتها حرمه تبي اهله يزوجونها عشيرها( يامال اللي مانيب قايله والله )
واهله رفضوا ذلك ويوم حل وقت الصلاة قالوا لها قومي صلي ثمن قالت هالبيت


***************************************

المهم يالربع ان كان شباننا ادخلوا النار

ترى من قصايدهم


(( يقول الرسول صلى الله عليه وسلم .. وهل يكب الناس على وجوههم الاحصاد السنتهم ))



المهم يالربع والربعات


انتظروني قريباً في مضيف الموروث الشعبي

عندي لكم مجموعه من القصائد

بس ابي اخذ الاذن و الخشم خخخخ من راعي الوقيد ؟؟

وان زعلنا لينا دحدرت يم الفله وخليت الجهاز الاداري ينقله

خبركم هاليومين ظاربتن فيوزي احطلي موضوع مهب في محله الاصلي

ويوم فتحت الرسائل الخاصه الاوذيك اللمبه الحمراء اللي تقبس كنها

لمبات تريله

والله واستانس واقول من هاللي مرسلي ويبني بحاجه <<< الاخت مهمه جدا

يومن فتحتها والا يمير هي من الجهاز الاداري ناقلين موضعي

عززاه

على العموم انا هاليومين صادقت الجهاز الاداري

رسائل خاصه وسوالف ونقل مواضيع شغل شغل بيننا <<<< ياحظتس


وبالنهايه


سيتم فصلي

من المضايف
والسبب


العـــــــــــضو لايعرف اين يحط مواضيعه












لاتنسون كلامنا الاول

الشيبان والفيوز الظاربه ؟؟

نريد المزيد من الادله ؟؟؟

[ابو غازي]

[align=center]لايعف

للعلم قبل التعديل


هاللي فوق ويش تعني ولا مضوعك كلوه مافهمتوه أصلاً






[/align]

[المطنوخ]

أبري ذمتي منها<<قاعد انفخ بصدري وطلع من صدري بعض انواع الطيور النادره

ابوغازي هذي تراها على قولة المصريين (مسجل خطر)

يعني موس الحلاقه حدر لهاتها!!!

يعني انتبه لا تمسطك بظربتن ليا انت غاطي تقل صمون الهمبرغر صايرن نصين
ههههههههههههههههههههههههههههههههههه

عقب ما اسير والعب لي شوط هند واكسر روسهم بالجواكر

ارجع واسجل عليتس 800

لي عوده ميمونه ومظفره بالخثردزه

الى ذلك الحين

ننفهق

[عجايب بنت الشايب]

[align=center]7
7
7
7
7[/align]



[align=center] الزميل ابوغازي <<<< كنى نشتغل في بنك


المهم

موضوعي ياطويل العمر مبين من عنوانه


والزبده على قولتهم


اني ابي اجمع منكم ابيات من هالنوع ولو اعرف

قصتها احسن واحسنين

لاتقولون لي روحي للمضايف الشعبيه والقصيد





لاني بصراحه يوم رحت لهم وجيت اكتبه بمضيفهم

خفت يقولون ذي وش تهرج

العرب بذاك المضيف ناساً فاهمه وقصايده محترمه

موهب فله مثل حالتي


قلت ما ينفعني الااهل الفله



والعجوز اللي عندي بالبيت (جدتي )

يبلها ثلاث ايام علشان تذكر لها شطر بيت [/align]

[عجايب بنت الشايب]

[align=center] المطنوخ


ياليل ما طولك

خلاص هاماني قايله لك باتوب

ماعادني قايلتن شين لابوغازي

توبه ميت نوبه <<< مغبره








على العموم

انتظر انفهاقك !!!![/align]

[الأصيل]

السلام عليكم




والله يالربع رحت قبل شوي لمضايف الشعر


[align=center]اللي بوه خير .. يروح للأدب العربي .. هناك الضرب [/align]



وقريت لي كم قصيده


[align=center]معقووووول ...

أكيد قريتي قصايد .. أجل قريتي أخبار الطقس؟؟؟[/align]







والله بالصراحه هالشيبان مايستحون على وجيههم


[align=center]رمتنا بدائها .. وانحاشت[/align]


********************************************
ليتني وياك يازين السجايا

وسط صندوقن ومقفولن علينا


[align=center]منين يشربون ماء !!!!!!!!!!!!!!!!!!!!!!!!!!!!!!!!!!!!!!!!!!!!!!![/align]


*******************************************

والله ما اصلي والغضي ما حصلي

وليا حصلي داعج العين صليت



[align=center]الله من المراهقه بعد سن الثمانيه وخمسين!!![/align]

***************************************





وبالنهايه


سيتم فصلي

من المضايف



[align=center]الله يبشرتس بالخير ياخاله[/align]

[align=center]تعليقي بين طيات السطور .. فليرجع إليه ( استريييييييح يالأسلووووب يابوثوب )[/align]

[بو رائد]

كلي بكم اعجاب مسء الخير
بوه لوه واحدن من الربع يوم البداوه والشقاء عندوه له مره والمره
ماتطلع من البيت (البيت بيت شعر مثولث) وهو مع الحلال نياقوه
وكلهم في مقتبل العمر وهو دايم يقول له انه مايحب يحكي مع البنات
ومن حمد ربك وهي تشوفه هاكليوم يمر متواقفن مع لوه وحده ويحاكيه
يوم جاء الليل يمار خويته متغيره ماهي الاوله وشبك يمار ماترد
متنفخاتن شدوقه من الزعل ثم قالت لوه ترن شفتك يوم انت تحاكي
فلانه عند الحلال ياملا الموليه اللي تولي بك وترضاه بهالابيات
**ودعت انا القلب لي وديع000 مع اللي متفارق الحله **
**هرجن على غيركم يضيع000 مثل المسولف على ضله**

[عجايب بنت الشايب]

[align=center] الأصيل


ردك أسعدني


بس ما فادني !!!


ننتظرك .......[/align]

[عجايب بنت الشايب]

[align=center] بورائد



صح لسانك


ايه هذا اللي ابيه يارجال


اللي يزيدك


وانتظر مزيدك
















شوفوا من ذا اللحين


اعتمدنا بورائد مرجنا او مراسلنا من جيل الشيبان
خخخخخخخخخ[/align]

[الأصيل]

[poem=font="Simplified Arabic,6,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
المره .. ون طال عمره : طاح سوقه=راس مال البنت في زهرة شبابه

والولد يامن كبر تثْبت عروقه=منحدب والسيف في قوة ذبابه *[/poem]




[align=center]* ذباب السيف هو : حده









ترونا بالفله






هاه .. تنتظرين ،، ولا خلاص ؟؟[/align]