[align=center][align=center].
.
.
.
.
.
بدون ايقونات
اخاف يدحدرن
بصراحه صدق من قال اعطني حظاً وارمني بالربع الخالي
ماقول الا الله يعين اهل الاسهم علىقد ماهم متحملين من غثا بال ورفعة ضغط
الواحد يكتشف بنفسه اشياء كثيره اذا ادمن على هاللي ما ينسمن(( الاسهم))
على كثر ماترفع ضغطك على كثر ماتعلمك الصبر وانك تشوف الغبن ولا تقدر تسوي شي
تشوف فليساتك اللي انت متسلف والا اللي انت قاعدن لك دهر من الزمن وانت
تجمع بهن يدحدرن زدام عينك يجلغفهن هالهامور عسى مايشبع ولو يقدر على اللي بجيبك تسان ماوفرهن .
تشوف اسهمك مدحدره والمؤشر مسبوع هالابو مرتفع وكل الاسهم فوق الا السهم اللي انت مشتريه مدحدر.
تعلمك النذاله على اصوله
تلقاك مشترك بكم منتدى من بتوع الاسهم وتوصي على الشركه اللي انت مشترين به
وتكيل له انواع المحفزات من توزيع ارباح ومنحه وزيادة راس مال
لعل وعسى انه تحرك ويطيح به كم مسكين من هاللي مثل طلعتك من ياخذهن يدحدر بثرك ويقوم يسب ويلعن
كل هذا ومن يوم تعرضهن للبيع ويقفي بهن ملعون الصلايب لحظات الا وترتفع وتقوم تصقع من هالنسب تقول انت اللي ضاغطن عليه وكاتمن انفاسه.
فلذلك من اليوم وطالع انا نويت اني افتح لي منتدى توصيات خاصه والسهم اللي اشتريه اوصي
عليه قبل لا ابيعه ومن يحب انوه يشترك معي نرحب بوه ويبشر بالخير والنسب اللتي لا تقل عن ثلاث نسب لثلاثة ايام متتاليه على اقل تقدير
هذا من ناحية الاسهم
ا
م
ا
من
ناحية الصناديق الاستثماريه فحدث ولا حرج
نصحن احد الاخوه الدحدرين مثل حالتي واللي انا اخذت بوه مقلب بزعمي انوه خبير
قال شف وش لك بالاسهم وغثاه ووجع الراس اشترك باحد هالصناديق وانس الهم
قلت والله انك جبته ومنه وانا اقرا واتابع من هالصناديق
والله وانا استعين بالله وانشن على هكالصندوق اللي ارباحوه حول 70% من بداية السنه
وقلت هذا هو واروح لهم قلت ابي اشترك عندكم وانا وراعي الخدمات على بالوه اني من كبار العملاء
وهو يسألن قال: كم معك
قلت: والله حول العشرين
والله هو يبتسم
قال: مليون
قلت: لا والله لوهن معي ما شفت رزت وجهي تسان مرسلن لك السواق
اللي معي 20 الف وثلاثميه و5 ريال
والله وهو يكش وكأنه يقول ياحسافة تعبي من اليوم وتميلحي
قال: ايه والله هذولي يالله يجيبن لك وحده((الوحده عندهم 20 الف و 5 ريال))
والثلاثميه خلهن مصرف لك
قلت يالله اهم شي انهن يجيبن لي مردود طيب واسألوه كم توقع ان شاء الله يجبن
قال تابع عن طريق الانترنت وتشوف كل نهاية اسبوع التقييم
ومنه وهالصندوق مدحدر
ويقولون ان اغلب كبار العملاء ضفوا عفشهم ورحلوا يم صناديقٍ اخرى
ولم يبقى من المبلغ
الا
الخمسه
مدحدر
[/align][/align]
رد مع اقتباس
اثريهم يجلغفونك ربع ابوعتيق هههههههههههههه 
مشرف مضيف الترحيب والتعارف
المفضلات