[align=center]السلام عليكم ..
يقول الشاعر :
لاصار بالدنيا رفيدزك يخليك *** ما من ورا عوج النصايب رفاقه
( أنا أشهد )
الموضوع ...
يتخلى عنك رفيدزك بأحرج وأشد اللحظات ...
والعجب العجاب أن هذا الرفيدز .. من أعضاء الفله !!!
حولو .. وتابعو معي .. أحداث المأساة عن كثب ( تعرفون كثب )
هكا اليوم ..
جالس بأمان الله .. لا لي ولا علي ..
جاني أبو قرون ( إنت يالشيطان )
قال لي : يابو ثوب ..
إنت ليه حابس روحك بين الفله والمحاوره ؟؟
قلت : وين أولي ؟؟
قال : عندك الأدب العربي ...
اشهر سلاحك ... وعندك إياهم ..
ما تساذبت خبر ..
وهي لك تطري علي سوالف الأولين
أيام الغزو والحروب ..
قلت .. يالأصيل .. لازم تغزي على أهل الأدب العربي
وتخليهم يعرفون من هم أهل الفله ..
ونا لك .. آخذ البيرق ... يطرخ ...
مكتوب عليه ... ((( إمبراطورية الفله )))
ونا لك أشد على فرسي .. وأدقه سلف ..
أيام وليالي ..
كل ماجيت على لي عرب .. قالو لي .. إقلط ياضيف .. العشا .. الغدا
قلت : لا بالله .. أنا غزاي على لي قوم
ما لكم بالطويله ..
وصلتهم مع طلعت البيضا ( كنايه عن الشمس )
ونا لك أغز بيرقي بساحتهم ..
وتقوم فرسي له صهيل ..
ونا أصيح ... وين أهل الأدب العربي ؟؟
هل من منازل ؟؟
فارس لفارس !!
فارس لعشره !!
فارس لمائة !!!! ( متأثر بفريد شوقي )
للأمانة .. أنا ماني خابر عندهم غير فارس وفارسه بس فقط لاغير
يعني .. ماعندك أحد يابو ثوب ...
لكن ... النصيب
واللي يطيع شور ( أبو قرون ).. ماهو والفلاح ...
شوين ..
وهم لك يتناتقون من بيوتهم ..
ليو الله .. الدعوا ماهي دعوة مبارزه ..
يبي ياصل الدم للركبه ،،
ونا لك .. أقصد بهم هكا القصيده ... هجاء حاد بدرجة 70جرام
يالربع .. ( ولالكم علي يمين ولا يسار )
مافطنت ..
ألا هكا الضربه اللي جتن على دماغي ..
قصيده كيبورديه ..
رداً على ملويتي ( إسم إشاره يعود على ضمير تقديره : قصيدتي )
ونا لك أدوخ .. وحسيت بنوع من الغثيان ..
أبحّر ( هو النظر بحده وغضب )
ليوالله .. منهو ؟؟؟؟؟؟؟؟؟؟؟
نبرااااس ..
أنا ما أدري إنوه فزّاع مع أهل الأدب العربي ..
أخبره يدوج بالشعر الشعبي
المهم ..
رشقت على وجهي ماء ( الرشق هو الرش بقوه )
على ما صحصحت شوين ..
ليوالله هكا الضربه اللي بين كتوفي ..
ونا أعظ القاع ..
( أويلي ... الله يعوض على أهلي )
منهو ... يمار بحر الشوق
وهو يجيني بقصيدتن تروعن وتروع المتنبي ..
وعينك ماتشوف ألا النور
وهم لك يتفازعون علي ..
يالربع ماعمري شفت حميّا مثل حميتهم على بعض
قام واحد يقال له ( متعجب )
مافطنت .. غير أنا بين السما والقاع
وهو لك يزل عن مطبي ...
إقمز يامتعجب فووووق وهو يبرتس على تسبدي بهكا القصيده
( أبي الخلاص ... عجزت )
( أوا حلولات يالحجّاز )
ما اكتفو بها المذبحه
وهي تشارك العنصر النسائي
( هذا اللي قهرن ... حتى حريمهم مردغني تمردغ )
( لاعادت قصيدتك يابو ثوب ) ( لا وتبي تغزي )
جتن وحدتن يقال له .. ريوف الشمري
معه له رمح 9 متر وهي تندفن بين الضلوع
يمار أخوكم من صيد أمس
المهم .. ماقمت أسمع ألا دبيكهم فوق صدري
وسمعت وحده تقول :
إذا ظل منوه عظام .. خلوهن لي !!!!!
أنا أخو العيال ..
ياكلوني لحم .. ويجدعوني عظام
عزااااااااااااااه يابو ثوب
في هذا الأثناء
حصل شيء غريب
ماهو ؟؟؟
تابعونا بعد الفاصل ..
******************************************
أضف إلى معلوماتك :
* هل تعلم أني شمري ؟ وأن أبوي وعمي شمامره أيضا؟!!!
* هل تعلم أن خالي .. من جماعة أمي ؟؟
* وهل تعلم أن ولدي .. أصغر مني سناً ؟؟ !!
قظى الفاصل
*********************************************
نظرت .. بربع عين ( نعمه .. سلمت على هالربع عين )
يمار هكا السراب اللي لوه غبره من بعييييد
الذلول اللي تلوح سفايفه
فوقه .. هكا الولد ... يهوجن ..
ياهل الهجن خوذو بهن فله ** اسرو الليل واطراف الأيامي
يالفيت العرب بيته أدله ** يهوي القلب ويمشن الأقدامييييي
ونا راعي فراسه ماتخطي
قلت .. كن أبا زبون المطنوخ ..
يوم وصل ..
يمار إنوه المطنوووووخ
قلت .. جاك الفرج يابوثوب
المطنوخ .. لعنبو دارك .. افزع لي ..
قال :
ماذا قال !!!
هل تعلمون ماذا قال ؟؟!!!
.
.
.
.
.
قال : تستاهل يالأصيل ..
خلك ...
قلت .. ياخو طنخه .. أنا رفيدزك بالفله ..
وهاللي تشوف حالتي
ذبحن الظما ..
عطن جقمة ماء .. أبي أبل ريدزي
قال : لله ..
عاد هو معوه ببسي كولا وسفن آب وتايم آوت
ومعوه لوه زهابن حاطوه بخرج الذلول ( عسى ذلولوه للذيابه )
بهاللحظه ..
حسيت إني مالي الوالي
وقلت : ياشينين .. ارحمو عزيز قوم .... ذل
وهي لك تخر دمعتي ( بالله .. ماكسرت خاطركم )
صدق الكابتن اللي يقول :
المستجير بالمطنوخ عند كربته *** كالمستجير من الرمضاء بالنار
قلت : طيب .. إنت وشجابك ؟
قال : جاي أتشمت بك.. وآخذ جثمانك للفله علشان تدفن هناك !!!
******************************
(( نهاية .. رجل شجاع ))
******************************
أهل الأدب العربي ..
خذو فرسي ..
وقامو يلعبون ..
عرضه ودحه
والبنات يصفدزن ويهلهلن
والمذهوب أخو طنخه .. مع أهل الدحه ...:480r:
مافطنت .. ألا أبورائد عندي ( يابعدي هكا الوجه .. راعي فزعات )
وهو لك يطلبهم أنهم يعفون عني
وهو يقصد بهم قصيده ..
وهم لك يهجدون ...
ويسحبن أبورائد .. يمار أنا صايرن ( مثلوثه )
....
******************
وأختم هالقصه المراثونيه بقصيدة أفلاطون اللي يقول به :
من طلع من داروه .. قل مقداروه ...
*************************
وإليكم الأدله المقتبسة من كلام المطنوخ نفسوه :[/align]
********************************
المشاركة الأصلية كتبت بواسطة المطنوخ
عليكم به هذا الاصيل
لا تأخذكم به شفقه
جاء يومك يالاصيل وانا اراك تنزف وتحت اشرافي
اها اها اها<<ضحكه كناية عن الغرور
شعارنا لكم ساحة المعركه
وان خصمكم لشديد البأس
فأن لم تظفروا به من الجولات الاولى
ظفر بكم في الجولات الاخيره
فامكنوا روحكم
متابع<---->ولي عوده
ويقول المطنوخ أيضاً :
ان العين لتدمع وان القلب ليحزن
أيها القوم سألتكم بالله
ان بقي من هذا المقروووود شيء
أعطوني اياه فإن اصحابه الفلاليون
يطالبون ببقايا جثته وحتى لو ما بقي الا ضرسه العقل
وان اردتم فلتأخذوه فإنه ليس لنا به حاجه
وداعا الاصيل
[align=center]
ويقول برضوه :
يابوثووووب ياولد بسك ابتسامه
ياولد ابتسمتك طلعت من وجهك من فرط السعاده<<بما اننا بالفصيح
شوف بالاوله اذكرها
هذا الخال ابورائد فزع معك وانت واقفن ضدنا بحربنا الضروس بسنة فيضة الشعبان
وهذي الاخرى تر الريم مافزعت الا بعد ماسمحت لها تفزع معك يعني هالفصيح ما يمشي الا بشوري<<<العراب على غفله
لا تفتكر اني ما اتعدى الفله
بل ان كل المضايف يدفعون لي جزيه حتى لا اتعرضهم
فقدم الولاء لي كيلا تتمردغ نوبتن اخرى
ولك اجمل ود واقوى تعظيم سلام
والآن ياأهل الفله
أبي حكمكم الصارم على مثل طنخان .. الذي تبين أن ولاؤه
لغير الفله وأهلها ..
والله من وراء القصد
*************************************
ثلاث همسات :
1 ـ المخاوي ..هالمويضيع هديه لك بمناسبة توليك الإشراف .
2 ـ الشبث : واللي رفع سبع وبسط مثلهن .. إني متقلد تحيتك
لاتكلف روحك وتكتب لي : وتقلد تحيتي !!!!!!!!!!!!!!!
3 ـ أخو طنخه .. أغليك أكثر من عصير الكوكتيل .[/align]
رد مع اقتباس
والتماسيح ماقصروا فيك لازم تكتب قصيدة هجاء فيهم لاتخلي حقك يروح ههههههههههه 
المفضلات