ضربة حظ !!!!!
[align=center]قمت افتش بهالخريدز اللي عندي ولقيت لكم هالسويلفه مغبره قلت خلن انفض عنه هالغباار
هذا نوبتن من المراتأيام الطفره اللي مرت عل شيباننا دلوا يرهون علينا من هالقريشات وكان بحزة سويلفتنا هذي بالمخبى خمس ريالات ريال فوق ريال >>> مامسكهن لامحارش ولا اليم هكالايام
طبعاً هالثنين ماضيهم اقشر عايشينن على مصروف هالمساكين يتغصونهم بالفسحه وياخذون فليساتهم والعصر تلقاهم بالبوفية ضرب بالفلافل وكلن متقلدن نبيطتوه وفرفره بالحاره ماتلقى اللي يلبط بس محاتسيكم ماكان يرد عليهم لاني متقلدن بعد سلاحي
طبعاً بهكالوقت سلاحنا النبيطه وكانت نادرة الوجود ولايحصل عليها الا الفارس الصنديد
>>> الظاهر اني شطحت نرجع لموضوعنا هذولاء عرضتهم قشرى .... والريالات هذي سادحهن سدح ولافهن بمغيط ( سير ) كان سبير للنباطه وحاطن الفليسات بالمخبى اللي على جنب على شان يبينن >>> صايرن عاد حدى تجار المعارض راعين الدداسن ... الا على طاريهم ماتلاحظون انهم يالله يمشون من مخابيهم كلهن فلوس وثيابهم ماودك تراعيلهن مطنطه خاصه من عند الكوعه والمقفى
الا على طاري الدداسن ترو اليم يدين دداسن بالتقسيط المريح ولا كفيل ولامعرف بس جب كرت العائله وخذ ددسنك >>> لزوم الاسهم :wink:
ومحارش يدين اكياس رز ابو شاور طبعاً تجارتوه للي مايبون دراهم واجد خذ كيسك وسلم كرتك
وين وصلناااااا ياشنقووولي !!! ايه صادز الله لايهينك ... والله وانا ابلش بهالفليسات مدري وش اعمل بهن ضايقني قلت خلن امر البوفيه >>> غير بوفية الربع وازرط لي سندويشه مع بيبسي وامر الله من سعه ويوم تمت المهمه بيسر وسهوله يالله لك الحمد والشكر لياهكالمبروك اخون لي ومعوه 2 من دشير الجماعه سابقاً قالوا جبنا لك خبر زين هااه وش هالخبر قالوا دكان ابو ..... >>> اسمحوا لي يالربع والله اني ذالن اجيب اسموه همن باتسر يتبلاني يقول اسمي طلع بامريكا وانت السببعاد لوه جرياتن خطيره .... جايبن صندوق الحظوظ ابو طقه والطقه بريال قلت يعني بوه حظ يطلع من هالطقه >>> طبعاً مهو دلاختن مني بل للتوكيد
قلت طيب وش يطلع لي قالوا يمكن يطلع لك سيكل مقاس 24 والا يطلع ابو كبترات أتاري
( صفيرتن صفراء ) :xsmile: ودلي يضحكون السفرتح قلت انخمدوا الهابو اللي انتم دشيروه ,, ياسفيان انت غشيتن هذي طلعت لي مشوين قال هذي صفيرتك الاولى بيدك وبردز لياهو صادز قلت كم بقى بالرصيد قال ريال قلت ريال وشيمة رجال قربه لعن ابو حيك ,,, وانا اطق الثالثه يالربع ولياصفيرتن ثالثهوهم يقعون الشله بالارض من الضحك وهي تطير بوهة سفيان من هول مارأى قلت والله يالملعون انك عاملن شين وهو يمعط هكالدين ويحرم ويطلق انوه ماتعرض الصندوق ويقلبوه ويوريني اياوه لا والله انوه صويدز وهو ينكسر خاطري وتضيق بي الدنيا اللي منا وسعه والله العالم ان العوينات دمعن بساعته من الغبن
وملعونين المترس ضحكهم يسمعونوه اقصى الحاره وفي هذه اللحظه تحركت النخوه والشهامه الباكستانيه عند سفيان وهو ينتخي قال انا اخو
( بونازير بوتو )قلت طيب فك واطق ,,, والله وانا اطق هكالطقه اللي جابت العيد يلعن ام الحظ ليامار صفيره صفراء ياعله ماعادت
وهو يقوم مسبوع البو سفيان قال يالله الباب ولاعاد اشوفك تجي هالمحل حنا ناقصين قراده الظاهر انك تبي ترثعبي انت وجهك .... ,,,,,,,
ومنه ماعاد ادخل لامسابقات ولا مشاركات
نأسف على الاطاله ,,,,,,,,
والى لقاااااء اخر ,,,,,[/align]
رد مع اقتباس
المشاركة الأصلية كتبت بواسطة المخاوي
صويدز وربي 
المفضلات