[align=center]على درب الغرام[/align]
[poem=font="Simplified Arabic,5,black,normal,normal" bkcolor="transparent" bkimage="backgrounds/18.gif" border="double,4,gray" type=0 line=0 align=center use=ex num="0,black"]
على درب الغرام اللي جمعنا نجهـل الاقـدار =
تلاقت عيني بعينـه وبـاح القلـب مكنونـه
تحرّك داخلي طيرٍ احـسّ بنشـوة الأحـرار =
بعد عمرٍ قضاه بليل فيـه الـروح مسجونـه
اطالع فيه واتأمـل احـاول افهـم الأسـرار =
وش اللي شدّني يمّه وش اللي قالت عيونـه
نظر لي مرةٍ اخرى واذا زلـزال دون انـذار =
على مقياس رختـر مايبيّـن لـو يقيسونـه
مابين الليل والقمرا ونـور يجهـر الأنظـار =
ونار وبرد في جوفٍ شكى من نازف طعونـه
دخيل الله انا مااقوى اقاوم شـدة الإعصـار =
ولا لي في دروب الحب ولا ني باخص فنونه
بدينا نقترب من بعض كالأطيـار والأزهـار =
اذا هب النسيم وعانقت ريح الصبا غصونـه
سمعت لهمسةٍ تجري لقلبـي كنهـا التيّـار =
وروحٍ تحتضن روحي وحبٍ هلّـت مزونـه
على صحرا فؤادٍ اجدبت مـن قلـة الأمطـار =
ذوت فيهـا ورود للأمـل باليـاس مفتونـه
احبـك لاتلومينـي احبـك يشهـد القهـار =
احبك نبض احبك روح احب الحب وجنونـه
على شانك اعيش بحلم وامشي لاخر المشوار =
فغيرك ما يبيه القلب يسكن عالـي حصونـه
تعالي فالأمل أنتي وشوفي يابـس الأشجـار =
ظماي انتي بلا طيفك احس الـروح مدفونـه
للشاعر عثمان العبدالله[/poem]
[align=center]تحياتي
ذيب أجــــــا[/align]
رد مع اقتباس
المفضلات