..الي متى ..التعصب.و.التخلف..لازم نشوف حل..؟؟

[أبوريانه]

[align=center]بسم الله الرحمن الرحيم

السلام عليكم ورحمة الله وبركاته جميعااااااا ولاننسى احد

ياجماعه ايام دراستي بالجامعه بالرياض من زود الفضاوة (الفراغ)
قلت خلن اشتغل باليل وادرس بالنهار
ورحت ادور شغل هنا وهنا وهناك وهنا ههههههههه
المهم لقيت شغل في مركز تجاري
اول يوم وثاني وتعرف على الشباب الي معي وانواع الوناسه والفله والضحك
وكان لي صديق أجودي معي بالمركز اسمه خــالد وهو من القبايل المعروفه
ومثل حلاتي اهلة في قريه قرب القصيم ويشتغل بالرياض .
المهم بيوم من الايام
جاني الرجال متضايق ؟؟

وانا أسألة: وش فيك ياالغالي ؟
قال : ولاشيء
قلت له:أفااااااااااا ياخالد لازم تقولي طلبتك.
قالي وانا جاي سيارتي تعطلت ووقفته في الشارع ونزلت ابي لموزين
ووقف لي راعي هيلكس وقالي وين ياالطيب قلت قدام شوي
قال تفضل
قلته : كم ياالطيب ؟؟
قال افا عليك عيب تقولي كذااا ؟؟
المهم ارتحت للرجال وسولفا واول سؤال سألني انت من أي قبيله ؟؟
قلت له: من الـحـ؟؟
قال: من غير نفس و ن ع م
قلت وانت ياالغالي
قال : بكبرياء شمري
قلت : ومليون نعم
المهم يوم وصلني للموقع
قال: أسمعني ياالغالي انا لو داري من اول انك من هكا القبيله ماركبتك معي.
لكن توكل على الله الحين.

وانصدمت انا وقلت معقوله لهذه الدرجه التعصب القبلي.

وهذا هو الي مضايقني

صراحه انا طاح وجهي وماعرفت وش ارقع

لكن ....؟؟


خلوهاااا على الله.


اخواني وش رايكم بنموذج راعي السيارة؟؟

ومــا هو الحل؟؟


((القصة والله حقيقيه حدثت معي))

:


محبكم
لاتنقدون علي
:
:[/align]

[أبوريانه]

[align=center]

افاااااااااااااا


يعني لازم يكون الكاتب معروف لكم على شان تردون


ياحسافه


[لوحة11]حتى انتم متعصبين[/لوحة11]


لاحول ولا قوة الا بالله


:[/align]

[منيره]

وعليكم السلام

محد متعصب بس كلهم عصبيين وحلوين وحبايب وتوهم راجعين من الدوامات هاهاهاها

انا مو معصبه ولا متعصبه وراجعه من الاختبار

بطاقة الأحوال لو سمحت علشان نعرفك ونرد عليك هاهاها

لا تزعل محد متجاهل موضوعك اصبر على رزقك



خيتك منيره

[ابو غازي]

[align=center]:2:


:Goodstar:

وعليكم السلام اخي الكريم
وصدقني أيه الفاضل كل واحد يقراء مشاركتك ينصدم ويزعل بسب سؤ
تصرف هذا الجاهل والذي لايمثل إلا نفســـــــــــــه فقط وشمر بريئين من
تصرفاته هوا واشكاله
اخي الكريم يعلم الله اننا لانكره احد ولله الحمد وشمر تعرفهم أنت والي شرواك وشهادتي بهم مجروحه
ولاكن لايسعني إلا أن اقول حسبنا الله على هذا المغفل الذي شوه سمعة قبيلته وهذا من جهله ولو كان إبن اجواد لما قال هاكذا
اخي الكريم هل أصابع يدك سوى واعتبر من صادفته جاهل وجهله على نفسه أما شمر بعيدين كل البعد عن التعصب ولايفرقون بين القبائل والف نعم بكل رجل من رجال القبائل

اخي الفاضل أرجو أن لايكون لابخاطرك ولابقلبك انت واخونا / خالد على ابنأ عمومتكم شمر شي

لك كل الود [/align]

[ابو منيف]

والله صارت قدامي أكثر من مره

حاجه صارت روتينيه

شرايك انا مره معزوم عند واحد وكان في واحد من قبيلة حر..

المهم المجلس مليان شباب قال واحد لحدا الشباب والله

الجوال اللي معك زين قاله خويه تامر عليه

رد عليه

مايامر عليك حر ...

يعني بالعربي التعصب هذا تعودو عليه الشباب

اتمنى زوال العصبيه هذي يعني بالمزح ميخالف بس تصير كذا نفس صاحب السياره هذا حاجه ماله اي داعي

[أبوريانه]

[align=center]

هلا وغلا

أختي
منيـــــرة


شرفني حظورك


وتعليقك الي زي العسل



أحترامي لك

:[/align]

[أبوريانه]

[align=center]
هلا وغلا

أخوي الغالي
أبـــــــــو غــــــــازي

شرفني حظورك وتعليقك

ومثل ماقلت اصابع اليد مو سواء

بس للاسف مازال هناك تعصب

مع ان الدنيا مو زي أول تطور وحضارة وثقافه

المفروض الكل يتطور وانا بصفتي شمري صراحه أنحرجت كثير
من الرجال

وهذا هو الي قهرني

لكن الي بهم الخير اكثر أن شاء الله


يعطيك العافيه

أخوي
ابوغازي
على مرورك العطر


أحترامي لك[/align]

[أبوريانه]

[align=center]
هلا وغلا

اخوي الغالي
أبــــــــــومنــيــــف

شرفني حظورك ومثل ماقلت لازال هناك تعصب

أنا معك بالمزح عادي والكل يتقبل بس بحدود

لكن الرجال هذا اعماها وفشلنا ..

ولكن الي بهم الخير اكثر

اخوي الغالي
ابو منيف

شرفني حظورك وتعليقك الى يشرح الصدر

اتمنى اشوفك مرة ثانيه


أحترامي لك


.[/align]