[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
قالوا سواد عيونك ابطى ظلامه= قلت السواد بعيني اثار دخان
دخان بيت الجود- بيت الكرامه =في ديرة تسمى على كل الاوطان
ديرة هلي شمر شيوخ الشهامة=ميدان للرفعه وللصيت عنوان
تاريخ شمر للمراجل علامه=الجود والفزعه والافعال برهان
فدوة رجال مامشوابالندامه = تاريخهم ينطق على مرالازمان
اهلي وحياني براس العدامه=متوارثين الطيب في كل عنوان
من صلب عبدة وارثين القرامة= حايل علينا تاج يزهى بالالوان
حبي لحايل00 مايوصف غرامه=ريحة شذاها مسك عنبر وريحان
وجبالها تعكس شموخ الصرامه=وانفاسها للروح بلسم للاحزان
مالوم جدي لوعطاها اهتمامه= ابن الرشيد اللي كساها بعمران
عساه يدرك مايبي من مرامه =ويشوف منها مايسره بالاعيان
للشاعرة (شموخ بنت سليمان العقلا)
[/poem]
رد مع اقتباس
المفضلات